رواية عشق اللؤلؤ الفصل الأول 1 - بقلم الاء عوض

بابا يابابا يا حته سكره لما تكون مدايق كلنا بنجيب ورا ولما تكون رايق بتبقى مسخره حسام بضحك عايزه فلوس ولا أي أنا حافظك يا بنتي الاء بضحك شكلي اتكشفت قبل ما أخلص الأغنية حسام بهزار يلا يا بكاشة عايزة كام؟ الاء أنا متواضعة جداً يعني من ألف وإنت طالع حسام بصدمة آه يا حبيبتي متواضعة جداً جداً مش عارف جايبة التواضع ده منين دخل معاهم في الحوار خديجة الأم كانت متابعة الموضوع من أوله وعلى وشها ابتسامة خديجة بضحك

ربنا يخليك لينا يا حبيبي حسام بحنية ويخليكي ليا يا نوّارة البيت الاء احممم نحن هنا حسام امشي يا بت مش عارف أستفرد بمراتي الاء بغمزة ماشي يا حج من عنيا بس قول آخد فلوس منين حسام خدي من جيب البنطلون الاء ماشي دخلت الاء الأوضة حسام بحب كنا بنقول إيه يا نوّارة البيت؟ طلعت الاء من الأوضة بسرعة الاء بغمزة أنا لسه مدخلتش يا حج قلع حسام الشبشب ورماه عليها حسام امشي بقى ضحكت خديجة والاء على هزار حسام في شركة الدمنهوري

كان فيه حركة مش طبيعية في الشركة، كله متوتر بسبب الورق اللي ناقص. كله متوتر وخايف لأن المدير معروف بدقته في شغله رغم عصبيته ونرفزته الدائمة. في المكتب وصوته جايب آخر الشركة كريم بعصبية نص ساعة لو ملقتش ورق المشروع قدامي متلوميش غير نفسك يارا بدموع حاضر يا فندم بس مستر حسام هو المسؤول عن الورق ده كريم بزعيق وفين الأستاذ حسام؟ يارا هو في إجازة كريم تجيبهولي من تحت الأرض الورق ده لازم يجي النهارده يارا حاضر يا فندم

طلعت يارا ودموعها مغرقة وشها، وكان في انتظارها أحمد. أحمد بتعاطف مع يارا متزعليش يا يارا، إنتِ يعني مش عارفة مستر كريم؟ يارا بدموع ماهو عشان عارفة مستر كريم لازم أوصل لمستر حسام لأن ممكن أترفد النهارده أحمد بحنية طيب اهدي كده وكلميه وبالفعل يارا كلمت حسام وهو خلال دقايق معدودة وصل الشركة لأنه طبعًا عارف كريم الدمنهوري وعارف طبعه. عند الاء كانت الاء بتعمل شوبنج مع صاحبتها سلمي. سلمي

أنا تعبت يا الاء وكمان لازم أرجع أعمل الأكل لراجح الاء خلاص فاضل حبة صغيرين سلمي بتأفف حبة صغيرين إيه! احنا فاضل كام محل ونكون دخلنا المول كله الاء بغمزة طب ما تقولي إن راجح وحشك وعايزة تروحيله سلمي بحب الصراحة وحشني أوي أوي، إنتِ عارفة إنه حب طفولتي وهو الوحيد اللي وقف جنبي بعد موت أمي وأبويا الله يرحمهم الاء ربنا يخليكوا لبعض سلمي آمين يارب في شركة الدمنهوري نبدأ نشرح الموضوع الأول..

محمد الدمنهوري بدأ في تصميم شركته من تحت الصفر وكان حسام صديقه المقرب وكان مساعده في الشركة. حسام كان دراعه اليمين اشتغل معاه أكتر من ٢٠ سنة. كان محمد الدمنهوري يتميز بطيبة قلبه وتواضعه عكس ابنه تمامًا. محمد الدمنهوري اتوفى من ٣ سنين واستلم الشركة مكانه ابنه كريم الدمنهوري ومازال حسام في نفس المركز. الورق كان في خزانة في مكتب حسام ومحدش يعرف يفتحه غيره. وفي خلال دقائق معدودة كان حسام في مكتب كريم وفي إيده الملفات.

كريم بسخرية أخيرًا وصلت، أسفين إننا عطلناك يا أستاذ حسام أنا اللي آسف يا فندم، عايز مني أي حاجة تانية؟ كريم بابتسامة أيوه طبعاً حسام اتفضل كريم ببرود اتفضل على الحسابات وخد مرتبك، إحنا مستغنين عن خدماتك وقف حسام لثواني يستوعب اللي حصل. حسام بصدمة إنت بتطردني؟ كريم ببرود أظن كلامي واضح حسام بجنون إنت بتقول إيه؟

أنا عمري كله في الشركة دي، أنا بشتغل في الشركة دي من أول ما اتبنت، مش عشان أبوك مات تشتري وتبيع في الناس يا أخويا كريم بعصبية إنت بتقولي أنا الكلام ده؟ أنا مش عايز أغلط فيك عشان سنك حسام ما ده اللي ناقص يحصل يا ابن محمد الدمنهوري كريم نده للأمن وأخدوه حسام برا الشركة وسط صراخ حسام. الكل كان صعبان عليه حسام لأنه كان طيب جدا ومحبوب من الكل، لكن ما باليد حيلة. في نفس اليوم حسام

استغنى عن خدماتي يا خديجة وأنا في الشركة دي من وهو عيل صغير خديجة بحزن على حاله متزعلش نفسك يا حسام، بكرة يجيلك شغل أحسن منه حسام بحزن طردني قدام الشركة كلها، صعبت عليا نفسي أوي يا خديجة خديجة أخدت حسام في حضنها وطبطبت عليه بحنية وهي زعلانة عليه جداً لأنه كان بيحب الشركة وعمره كله وهو فيها، في يوم وليلة يطردوه قصاد الناس كلها!!

مهما عدت السنين بس هي مازالت بتسنده وقت ضعفه، بتحضنه لما تحس إنه محتاج لحضنها، بتكون ضهره وسنده في أصعب أوقاته. في نفس اللحظة كان الاء واقفة على باب الأوضة وسامعة كلام امها وابوها كله. دخلت أوضتها وقفتلت على نفسها وفضلت تعيط. أبوها صعب عليها جداً، أول مرة تشوفه كده، أول مرة تشوفه زعلان. مسحت دموعها بإيديها. الاء بتحدي وحياتك عندي يا بابا لأجيب لك حقك لحد عندك وهردلك كرامتك من البني آدم عديم الإنسانية ده

ونامت وهي تتوعد لـ كريم الدمنهوري. ولكن هل هتقدر تنفذ اللي في دماغها مع كريم اللي رجالة بشنبات بتخاف منه ولا لأ.