رواية عشق المراد الفصل الأربعون 40 - بقلم نورا رمضان

كانوا يتكلمون، لكن كلامهم قطعه دخول هايدي ومصطفى. مصطفى: صباح الخير. بنعتذر إننا جايين في الوقت ده، بس الموضوع مهم. سليمان: صباح النور. تعالوا افطروا الأول، بعدها تتكلموا. مصطفى: لا شكراً، هنستناكم تخلصوا. سليمان: اقعد يابني. قعدوا، بعدها خلصوا. سليمان: قولي بقى إيه الموضوع المهم؟ مصطفى: أنا عايز أتزوج هايدي، وجاي أطلب إيدها من حضرتك. هايدي بتعتبركم عيلتها. سليمان: ألف مبروك يا بني، وأنا موافق. هتعملوا الفرح إمتى؟

مصطفى: لسه محددناش. سليمان باقتراح: ممكن تعملوا الخميس الجاي مع إياد وأسد وأحمد. مصطفى: حلو، إيه رأيك يا هايدي؟ هايدي بفرحة: موافقة. سليمان: على خيره الله. هيبقى في قاعة... مصطفى: تمام. وكلهم باركولهم. مصطفى: أستاذ مراد، هنتأخر النهاردة على الشركة ساعتين بس، هنروح نجيب الفستان والبدلة. مراد: براحتكم. أسد: وانت يا إياد، وانت يا أحمد، هتروحوا تجيبوا عرايسكم عشان تجيبوا الفستان والبدلة. أحمد وإياد: آه، هنروح دلوقتي.

أسد: طب ممكن نروح كلنا مع بعض ونجيب. أنا هروح أجيب ملك، وانت هات سالي. وأحمد وروز وهايدي ومصطفى يسبقونا ونتجمع في مول... كلهم: فكرة حلوة، يلا كل واحد يتحرك. مراد: وأنا هاخد عشق عشان أجبلها فستان. وهسبقكم. وكل واحد اتحرك. أسد راح أخد ملك بعد ما استأذن من محمد ووفاء. راحت معاهم. إياد راح جاب سالي.

بعد ساعة كانوا كلهم وصلوا المول ودخلوا الأتيليه. وكل عروسة اختارت فستانها. وعشق اختارت هي ومراد فستان جميل جداً. بعدها خلصوا. والشباب راحوا جابوا البدل، والبنات فضلوا في المول يجيبوا هدوم. والشباب مشيوا. بعد ساعات البنات خلصوا ونزلوا الكافتيريا وقعدوا واتكلموا واتعرفوا على بعض. بعدها كل واحدة روحت بيتها. بليل الشباب رجعوا من الشركة واتعشوا وطلعوا يناموا عند عشق ومراد.

عشق: وحشتني يامراد. أنا آسفة ليك إني مبقتش معاك على طول وبقيت مشغولة. مراد: وأنتي كمان، ومتعتذريش. كلها كام يوم والفرح ييجي، وبعد الفرح محضرلك مفاجأة. عشق بفرحة وحب: مفاجأة إيه؟ مراد: لو قلت مش هتبقى مفاجأة. إيه الذكاء ده يا عشق. عشق بغضب: قصدك إن أنا غبية؟ طلقني يامراد. مراد بصدمة: هي هرمونات الحمل اشتغلت ولا إيه؟ اهدي يا حبيبتي، أنا مقلتش إنك غبية. عشق بغضب: هو أنا كنت هستناك تقول؟

مراد أخدها في حضنه: أنا مقلتش، ويستحيل أقول على حبيبة قلبي كده. وياريت يا عشق كلمة طلاق متطلعش تاني، انتي ملكي. عشق بحب: خلاص آسفة، بس مش عارفة مالي اليومين دول. حاسة إني متلخبطة. ببقى فرحانة وفي نفس الوقت متضايقة. مراد: دي هرمونات يا حبيبتي. عشق حطت إيدها على بطنها: يا ترى هيبقى ولد ولا بنت؟ انت عايز إيه؟ مراد حط إيده على بطنها: عايز بنوتة قمر شبهك، تبقى أميرتي. عشق: لا، أنا عايزة ولد شبهك، هيبقى قمر شبه أبوه.

مراد: كل اللي يجيبه ربنا حلو. يلا بقي ننام. عشق: ماشي، بس أنا هروح مع البنات بكرة عشان يجيبوا بقية الحاجة. مراد: ماشي، هبقى أوصلك، بس متعمليش مجهود وخلي بالك على نفسك يا قلبي. وأخدها في حضنه بتملك ونام. تاني يوم صحيوا واتجمعوا البنات في المول وخلصوا. بعدها كل بنت راحت مع حبيبها عشان يختاروا الألوان. إياد أخد سالي الجناح اللي زينب قالتله يقعدوا فيه واختاروا. وأحمد أخد روز واختاروا ألوان الجناح.

ومصطفى أخد هايدي واختاروا ألوان الشقة. وأسد أخد ملك واختاروا ألوان الشقة. بعدها البنات روحوا والشباب رجعوا شغلهم. عدى الأسبوع مابين التجهيزات، وانهاردة يوم الزفاف. ملك صحيت ولبست هي ووفاء وراحوا عند فيلا عشق. وسالي هي كمان راحت. وهايدي راحت. واتجمعوا هناك البنات والشباب. بعدها الشباب راحوا يوصلوهم البيوتي سنتر، والشباب راحوا يجهزوا.

بعد ساعات كانت البنات خلصت والشباب هما كمان خلصوا، وراحوا يجيبوا البنات وكانوا مبسوطين جداً. وصلوا وطلعوا عند البنات. عشق خرجت ومراد انبهر بشكلها، كان الميكاب رقيق جداً وجميل. مراد راح باس رأسها وأخدها في حضنه. مراد بعشق: زي القمر يا عشقي. عشق بحب: وانت كمان يا مرادي. عشق: يلا هنبدأ بأحمد عشان هو عارف روز قبلكم بكتير. ادخل. إياد: ماشي يا عشق، هوريكي. أحمد: ملكش دعوة أنت. شكراً يا عشق.

ودخل. كانت روز واقفة بضهرها. أحمد قرب ولفها. أحمد بانبهار وحب: زي القمر يا روحي. يلا عشان نكتب الكتاب عشان خلاص مش قادر أصبر. روز بكسوف: وانت كمان قمر أوي في البدلة. واخدها وخرجوا. وقفوا مع الباقي. عشق: يلا يا أسد. دخل. وملك كانت مدياه ضهرها وكانت متوترة. أسد قرب ولفها له. أسد: ملكة جمال، قمر يا روحي. ملك بكسوف: وانت كمان حلو أوي في البدلة. واخدها وخرج. عشق: يلا يا مصطفى. ادخل. إياد بصلها بغضب.

دخل مصطفى ولف هايدي له. مصطفى بحب: قمر يا روحي. واخدها وخرج. عشق بضحك: واخيراً دورك يا إياد. دخل. ولف سالي له. إياد: زي القمر يا حبيبتي. سالي: وانت يا حبيبي. واخدها وخرجوا. عشق: أخيراً، يلا ننزل. ونزلوا. وكل عريس وعروسته ركبوا عربية لوحدهم. وصلوا القاعة ودخلوا. كان سليمان وعز الدين ومحمد ووفاء وزينب وسعد موجودين وبيرحبوا بالناس. سليمان راحلهم: يلا نكتب الكتاب وبعدها ترقصوا براحتكم.

راحوا. وأحمد وروز كتبوا الكتاب الأول. المأذون: بارك الله لكم وبارك عليكم وجمع بينكم في خير. وتعلت الزغاريط. أحمد قام جري وأخد روز في حضنه بحب. أحمد بسعادة: أخيراً بقيتي مراتي وبنوتي، حلمي اتحقق. أنا بحبك يا روزي. ودمعة نزلت منه. روز دموعها نزلت وهي بتمسح دموع أحمد: وأنا بعشقك يا حبيبي. وضمته لحضنها. أسد وملك كتبوا الكتاب. المأذون: بارك الله لكم وبارك عليكم وجمع بينكم في خير. وتعلت الزغاريط.

أسد جري وحضن ملك: أخيراً هحضنك براحتي وبقيتي على ذمتي بجد. قوليلي بقي بتحبيني ولا لأ؟ أنا مستني ردك من ساعة لما كنت بقفلك تحت البيت. ملك بفرحة وحب: أنا لو مكنتش حبيتك مكنتش اتجوزتك يا أسد. أنا بحبك أول لما شوفتك خطفت قلبي. أسد: واخيراً قولتيها. واخدها في حضنه ودموعه نزلت من فرحته. مصطفى وروز كتبوا الكتاب. المأذون: بارك الله لكم وبارك عليكم وجمع بينكم في خير. وتعلت الزغاريط. مصطفى

جري وأخد هايدي في حضنه: واخيراً بقيتي بتاعتي يا روحي. أنا بعشقك. هايدي حضنته بفرحة: وأنا بحبك أوي. مصطفى: الفكرة إنتي حرامية. هايدي بعدت وبصتله بتعجب. مصطفى شدها عليه: عشان سرقتي قلبي يا قلبي. هايدي ضحكت وضربته في صدره وحضنته. وأخيراً إياد وسالي كتبوا الكتاب. المأذون: بارك الله لكم وبارك عليكم وجمع بينكم في خير. وتعلت الزغاريط. إياد

جري وأخد سالي في حضنه: أخيراً بقيتي مراتي يا صاحبة العيون البنية. عيونك اللي سحروني أول ما شوفتك عاملين زي القهوة. هايدي: حضنته. أنا بحبك أوي. عشق كانت واقفة جمب مراد وعيونها اتملت دموع. كان نفسها مراد يحضنها كده في كتب كتابهم. كان نفسها تشوف لهفته عليها وهو بيجري عشان ياخدها في حضنه. كانت نفسها تبقى مبسوطة زي أي بنت في اليوم ده. مراد بص عليها بحزن وعرف هي بتفكر في إيه. أخدها في حضنه.

مراد بحب: اعتبري ده حضن كتب الكتاب، واعتبري إن انهاردة فرحك انتي كمان. عشق حضنته بحب: عرفت إزاي إني بفكر كده؟ مراد: قلبي حس بيكي. ومسح دموعها وأخدها يرقصوا بحب. وبعدها كل عريس أخد عروسته وطلعوا على الاستيدج وفضلوا يرقصوا. كان من أجمل الأيام اللي عدت على أبطالنا. كان يوم كله سعادة وحب، مشاعر جميلة مفيهاش حقد ولا غل ولا كره. كان كل شاب فرحان إنه مع حبيبته وإنها بقت خلاص معاه. فضلوا يرقصوا بحب وسعادة.

وأخيراً خلص الفرح وطلعوا على المطار. عشق أخدت روز في حضنها: هتوحشيني أوي يا حبيبتي. وقفتي جنبي وإنتي متعرفنيش وساعدتيني، شكراً ليكي، إنتي أختي. روز بدموع أخدتها في حضنها لأن محدش من أهلها ودعها. عشق: خلاص يا قلبي، متعيطيش ويلا روحي مع أحمد. روز: حاضر يا حبيبتي. وراحوا ركبوا الطيارة. أسد وملك. وفاء راحت حضنت ملك: هتوحشيني يا قلب أمك. هيوحشني خناقنا كل يوم. مين اللي هتخانق معاه؟

لسه فاكرة لما كنتي بضفاير ودلوقتي كبرتي واتجوزتي وهتبعدي عن حضني. ملك مسحت دموع وفاء: مين قال كده؟ أول لما نرجع هتلاقيني جيالك يا حبيبتي. وحضنتها. بعدها محمد حضنها ودموعه نزلت: هتوحشيني يا روح بابا. ملك: وانت كمان يا حبيبي. محمد وهو بيمسح دموعه: يلا روحي مع جوزك يا قلب أبوكي. وراحت عند أسد. بعد مودعت عشق وركبوا الطيارة. عشق راحت حضنت هايدي: هتوحشيني يا هايدي. هايدي: شكراً ليكي يا عشق إنك سامحتيني بعد اللي عملته.

عشق: إحنا خلاص بدأنا صفحة جديدة، وإنتي بقيتي أختي. وبعدها راحوا ركبوا الطيارة. عشق راحت عند إياد وحضنته: هتوحشني يا روح أختك. إياد بحب: وإنتي كمان يا روحي. خلي بالك على نفسك، ولو مراد زعلك قوليلي وأنا هجيله. مراد: مقدرش أزعل حتة مني. عشق حضنت سالي وبعدها ركبوا الطيارة. مراد: يلا بقى إحنا كمان. عشق باستغراب: هنروح فين؟ مراد: هنركب الطيارة، محضرلك مفاجأة. والأهل ودعوهم وهما ركبوا الطيارة تحت استغراب عشق.

عشق: إحنا هنروح فين؟ مراد: نامي دلوقتي، ولما نوصل هتعرفي. عشق نامت بتعب. وبعد ساعات كانوا كل الأبطال وصلوا. أحمد أخد روز ونزلوا وراحوا الفندق وطلعوا. أحمد: ادخلي غيري عشان نصلي. ودخلت، وبعدها صلوا وأحمد قال دعاء المتزوجين. وبعدها شالها. وأسد أخد ملك وراحوا الفندق، وصلوا، وبعدها شالها بحب. ومصطفى أخد هايدي وراحوا الفندق، وصلوا وشالها. وإياد أخد سالي وراحوا الفندق، وصلوا وشالها.

وعند مراد أخد عشق ووصلوا جزيرة. مراد غمي عيون عشق، وبعدها وصلوا وشال القماشة. عشق بصت بانبهار وحب: الله، دي جميلة أوي. بعدها لقت مكتوب على يافطة كبيرة منورة (عشق المراد) عشق بحب حضنت مراد: أنا بعشقك، فعلاً جميلة أوي. مراد: الجزيرة دي ملكك يا عشق المراد. عشق بحب: ربنا يخليك ليا يا حبيبي. مراد شالها ودخلوا البيت ودخلوا الأوضة. مراد: إيه رأيك في البيت؟ عشق بفرحة: جميل أوي، شكراً ليك يامراد. مراد: شكراً مبتتقالش كده.

عشق: اومال بتتقال إزاي؟ مراد شالها: كده. عدى أسبوعين مابين حب الأبطال اللي بيزيد يوم عن يوم، وخروجاتهم وفرحهم. وأخيراً رجعوا مصر وكل واحد رجع بيته. وعشق راحت الجامعة، وملك وروز وهايدي، كل واحدة فيهم حامل. عدى 3 شهور وعشق في الخامس. راحت هي ومراد عشان يعرفوا نوع الجنين. الدكتورة بعد ما كشفت عليها: ألف مبروك مدام عشق حامل في توأم ولد وبنت. عشق عيونها وسعت بفرحة. مراد بفرحة: بجد يا دكتورة؟ الدكتورة: بجد.

وهما بيلعبوا وصحتهم كويسة جداً. وخلصت كشف ومشوا. رجعوا الفيلا وقالوا للعيلة، والعيلة فرحت وباركتلهم. وهما طلعوا الجناح. مراد بفرحة: أنا مش مصدق. عشق: ولا أنا، أنا فرحانة أوي. مراد: ربنا يحفظهم ونعيش ونربيهم سوا. عشق: آه. مراد بقلق: مالك في إيه؟ عشق بفرحة: بيخبطوني. مراد بضحك: حط إيدك. وفضلوا يلعبوا وهما عمالين يضحكوا بفرح. عدى سبع شهور مابين حبهم لبعض. عشق وهي نايمة جمب مراد. عشق بصراخ: آه، مراد، الحقني.

مراد قام بفزع: في إيه مالك؟ عشق بصراخ: هو إيه اللي في إيه؟ أنا بولد، الحقني. مراد قام جري نده على زينب بصوت عالي. وكل اللي في البيت صحي وراحوا عند جناح عشق ومراد. زينب بخضة: في إيه يا ابني؟ مراد: عشق بتولد. زينب دخلت جري هي والبنات. زينب: حاسة بإيه يا عشق؟ عشق بوجع: بوجع جامد في ضهري، مش قادرة. زينب: مراد، دي بتولد. هلبسها وتعالي شيلها.

ولبسوها بسرعة ومراد شالها وحطها في العربية. وأحمد اتصل على أسد وقاله، واتصل على عز الدين وقالوله هيروحوا وراهم. وصلوا وجابوا ترولي ودخلوا عشق. الدكتورة كشفت وقالت ولادة. وقالت للممرضين يجهزوا العمليات. عشق بصراخ: منك لله يا مراد، كل ده بسببك. طلقني يا مراد، طلقني. مراد: وأنا عملت إيه؟ أنا مالي.

ودخلوها العمليات. وأسد وملك وعز الدين وصلوا ودخلوا. وهايدي ومصطفى. هايدي وروز وملك حوامل في الشهر السابع. هايدي حامل في توأم ولدين، وروز في بنت وولد. وملكة في بنتين. البنات كانوا خايفين جداً بسبب صراخ عشق. والشباب كانوا بيهدوا البنات. ومراد قلقان جداً على عشق ورايح جاي. فجأة سمعوا صوت عياط أطفال، وعشق سكتت. بعدها الممرضة خرجت: ولد وبنت زي القمر. ودتهم لمراد. مراد: عشق كويسة؟ الممرضة: كويسة.

مراد الوقت وقف وهو شايف جزء منه بين إيديهم. كان إحساس جميل جداً، إحساس بالمسئولية والحب لأولاده. بعدها كبر في ودنهم. بعدها الدكتورة خرجت وقالت لمراد يدخل. مراد دخل وباقي العيلة. عشق بتعب: مراد، في عيالي؟ مراد: أهم. وريهملها. عشق بحب: الله، جمال أوي. شكلهم بريء أوي. مراد: شبهك يا عشقي. عشق: هاتهم. وشالتهم بحب وفضلت تبوس فيهم. مراد: هتسميهم إيه؟ عشق: أنا هسمي الولد، وانت البنت. هسمي إياد. مراد بحب: هسمي ورد. إياد بص

لعشق بحب وراح باس رأسها: ربنا يخليكي ليا يا روح قلبي. وبعد أسبوع كان سبوع الأولاد. عشق لبستهم زي بعض ونزلت. زينب: اسمعوا كلام أمكم ومتسمعوش كلام أبوكم. مراد: كده يا زوزو. وضحكوا. بعد شهرين في المستشفى. هايدي وروز وملك كانوا بيولدوا. وكلهم هناك. بعدها سمعوا صوت عياط أطفال. والممرضات خرجت وأدت كل طفلين لأبوهم. وكبروا في ودنهم. بعدها حطوا البنات في أوضة كبيرة، والعيلة دخلت وباركولهم. مراد وهو بيصورهم: كلوا يقول بطيخ.

الكل: بطيييخ. وكده تبقى خلصت الحدوته، وعاش الأبطال في سعادة وحب. (ملحوظة: فوزية يوم ولادة عشق كانت رايحة المستشفى عشان تخطف أطفال عشق، بس في عربية خبطتها وماتت) تمت. النهاية.