رواية عشق المراد الفصل الخامس والعشرون 25 - بقلم نورا رمضان

عشق بصدمة: مراد. مراد بخوف منها: تعالي يا حبيبي، وحشتيني. تعالي جنبي ومتروحيش في حتة تاني. عشق راحت قعدت جمبه. عشق للبنت: وانتي مين يا حلوة وجاية ليه؟ مراد: عشق، مينفعش كده. مايان: أنا مايان اللي كنت في العربية اللي خبطت مراد، وجاية أطمن عليه وأعتذر له. عشق ببرود: اعتذرتيله ولا لأ؟ مراد: في إيه يا عشق، مش كده. عشق وهي بتبرق لمراد: اسكت أنت دلوقتي. مراد بخوف: أنا متكلمتش أصلاً.

مايان مكانتش فاهمة هما بيقولوا إيه لأنهم كانوا بيتكلموا مع بعض عربي. مايان: آه، اعتذرت له، وأسفة مرة تانية. مكنتش واخدة بالي لأني كنت سكرانة. عشق: اعتذارك مقبول، ويلا اتفضلي عشان عايزة أتكلم مع جوزي وعشان ياخد دواه. مايان بإحراج: تمام، سلام. مراد، هبقى أكلمك مرة تانية. باي. وخرجت. مراد: ينفع كده يا عشق إنك طردتيها؟ عشق: وانت مدايق إني طردتها صح؟ استنى أروح أندهالك تاني وتكملوا ضحك.

مراد: يعني المفروض إني أقولها تمشي وأبقى مكشر في وشها وهي جاية تعتذر وتطمن عليا؟ خلاص، لو جت تاني مش هكلمها، هضربها بنار. ده اللي عايزاه؟ عشق: آه، ومتضحكش مع بنت تاني، سمعت؟ مراد بابتسامة: شكلنا بنغير. عشق قربت عليه وشدته من تيشيرته: آه بغير، لو مغيرتش عليك هغير على مين؟ أنت بتاعي أنا وبس، أنت ملكي أنا. مراد بضحك: مش المفروض العكس إن أنا اللي أعمل كده وأقول إنك ملكي؟ عشق: إحنا الاتنين ملك بعض.

مراد استغل إنها بتتكلم ومقربة عليه. قرب عليها بسرعة، وقبل ما عشق تتكلم كان التهم شفتيها في قبلة يعبر بها عن عشقه وشوقه وحبه لها. عشق كانت هتبعده بس مقدرتش لأنها بتعشقه، ولفت إيدها حوالين رقبته. فضلوا مدة من الوقت على هذا الحال. بس فاقوا على صوت خبط على الباب. عشق زقت مراد بسرعة. مراد: والله ما هسيبك يا عشق. عشق وهي بتحاول تتكلم وتعدل صوتها: قول للي على الباب يدخل. مراد: احم احم، ادخل. دخل أحمد وروز.

أحمد بغلاسة: شكلنا كده جبنا في وقت مش مناسب. عشق اتكسفت وقامت قعدت جنب روز. مراد بغيظ منه: آه، يلا امشي. أحمد: مش ماشي. مراد: رخم أوي. أحمد: عارف، أنت عامل إيه دلوقتي؟ مراد: كنت كويس قبل ما تيجي. يلا يا ضنا من هنا. أحمد: مش همشي، الله، ده أنت رخم. عشق وروز فضلوا يتكلموا، ومراد وأحمد. عشق بتذكر: يووه، نسيت. يلا يا مراد عشان تاكل. وجابت الأكل وبقت تاكله. مراد بقي عمال يغمز لعشق، وعشق اتوترت منه.

عشق بهمس: اتلم، أخوك وروز قاعدين. مراد: ألم إزاي والقمر ده قاعد بياكلني؟ عشق اتكسفت ومردتش عليه. أكلته وقامت غسلت إيديها. أحمد: أنت هتخرج إمتى يا مراد؟ مراد: إن شاء الله بكرة. أحمد: وهتنزل مصر إمتى؟ مراد بغمزة لعشق: بعد أسبوع أكون بقيت كويس. أحمد: تمام، هنزل أنا وروز معاكوا عشان نحدد ميعاد الخطوبة. مراد: ماشي. ألف مبروك ليك، وألف مبروك ليكي يا روز. روز: الله يبارك فيك. أحمد: يلا عشان نمشي يا روز. روز: تمام، يلا.

روز بتذكر: صحيح يا عشق، أنتِ عملتي جلسة الكيماوي النهاردة ولا نسيتي؟ عشق: اوف، نسيت خالص. بس مش مهم، أبقى أعملها وقت تاني. روز: لا، تعالي اعمليها دلوقتي وأنا أهو معاكي. مراد: يلا يا عشق، وأنا هاجي معاكي. يلا، مش هسيبك. عشق: لا لا، خليك أنت، مش هتقدر تقوم. روز أهي معايا. مراد بتصميم: لا، هاجي معاكي. يلا. أحمد: أنت مش هتقدر تقوم. استنى، هجبلك كرسي بعجل. مراد: ماشي. أحمد جاب الكرسي وقعد مراد عليه.

وراحوا عند الدكتور ودخلوا. وعشق عملت جلسة الكيماوي ومراد قاعد جنبها وماسك إيديها وبيطمنها وبيتكلم في أي حاجة عشان يلهيها. وخلصوا ورجعوا أوضة مراد. أحمد نيم مراد على السرير. أحمد: عايزين حاجة تاني؟ مراد: آه، روح هات أكل لعشق. أحمد: ماشي. خليكي يا روز جمب عشق. روز: حاضر. وقعدت جمبها. وأحمد راح يجيب أكل ليهم كلهم. بعد شوية رجع وكلوا. أحمد: أنا همشي يا مراد، عايز حاجة تاني؟ مراد: لا يا حبيبي.

أحمد: لو عايز حاجة اتصل عليا. مراد: ماشي يا أحمد، خلي بالك على نفسك أنت وروز. روز وأحمد سلموا عليهم وخرجوا. ركبوا العربية وأحمد وصل روز، وبعدها راح الشركة. عند عشق من كتر التعب نامت في حضن مراد. ومراد نام هو كمان. عند أسد، صحي وفضل يتصل على ملك، بس ملك مكنتش بترد عليه. أسد: ممكن تكون نايمة، أو مش شايفة الفون، أو في الجامعة. واتصل تاني.

ملك بضيق لأن باباها قال متتكلمش معاه غير لما يتقدم. مسكت الفون وكانت هترد لأنه وحشها جداً، بس افتكرت كلام وفاء ومحمد، فقفلت. أسد اتضايق جداً لأنه نفسه يسمع صوتها، هي وحشته جداً. راح ركب عربيته وراح القسم ودخل مكتبه. أسد في نفسه: هخلص شغل وأتصل عليها، ما أنا مش هسيبها. وابتدا يشتغل وبيحاول يركز في الشغل. عند ملك نامت بعد تفكير كتير في أسد. بليل، أسد خلص شغل وروح بيته واتصل على ملك لقا الفون مقفول.

أسد: ممكن يكون فصل شحن، أول لما أصحى هتصل عليها. وناموا جميع الأبطال، وكل واحد/ة بيفكر في حبيبه.