رواية عشق المراد الفصل الرابع 4 - بقلم نورا رمضان

انصدمت عشق لما شافت أبوها عز الدين ومرات أبوها فوزية وبنتها سالي. عشق خافت جداً منهم. فاقت على صوت مراد. مراد: يعشق انتي يابت. عشق: إيه بتقول إيه. مراد: سرحانة في إيه. عشق بتوتر: ولا حاجة، يلا ندخل. مراد بشك: طيب يلا. دخلوا الفيلا وقامت فوزية وعز الدين وسالي يسلموا عليها. عز الدين: عاملة إيه يابنتي، وحشتيني أوي. وأخده في حضنه. عشق باستغراب: كويسة. فوزية: البيت فضي من غيرك، انتي اللي عاملة حس للبيت. وأخدتها في حضنها.

سالي: وحشتيني أوي يعشق. وضمتها وهمست في ودن عشق: هاخد جوزك منك ومش هخليكي تتنهني بيه، وأنا اللي هبقى سيدة القصر وهتشوفي يبنت أبويا. عشق: مش هتعرفي تعملي حاجة، مراد ده بتاعي أنا، وأعلى ما في خيالك اعمليه. أشطة. وزقتها وراحت قعدت جنب مراد. سالي اتغاظت أوي منها. عشق بقت قاعدة وماسكة في مراد جامد وخايفة منهم. مراد بهمس: مالك يعشق. انتي مكنتيش كده قبل ما ندخل. عشق بتوتر: لا مفيش حاجة.

الجد: مراد الفرح إن شاء الله هيبقى يوم الخميس الجاي. مراد: تمام يجدي، هحجز القاعة. عز الدين: تبقى قولي يمراد عنوان القاعة عشان أبقى أجي أنا وعيلتي. مراد ببرود: تمام. بعد فترة عيلة العقارب مشيوا وعشق كل ده قاعدة ساكتة. مراد: يلا نطلع يعشق نحط الفستان والبدلة فوق عشان هروح الشركة. عشق فاقت على صوت مراد: ماشي يلا نطلع. الجد: عشق قبل ما تطلعي في الحضن والبو*سة بتاعة جدو. عشق: جريت عليه وحضنته وباس*ت خده.

مراد بغيره: مكفاية أحضان يجدي، وإنتي يلا نطلع. الجد: بضحك، غيران يمراد من جدك. عشق بضحك: لا مراد مبيغيرش عليا. مراد: يلا يعشق. طلعوا فوق. مراد: ها يستي قوليلي لي كنتي مدايقة تحت وقاعدة سرحانة ومتوترة من عيلتك. عشق بدموع: مفيش حاجة يمراد. مراد بضيق من دموعها: لا في، قولي أنا هسمعك، وأنا كنت شاكك من الأول فيهم، في يوم كتب الكتاب محدش فيهم كان زعلان إنك هتمشي، لا كانوا فرحانين، ولا حد ودعك، وجوزوكي غصب صح. ومسح دموعها.

عشق بدموع: أنا هحكيلك لأني مبقتش قادرة أكتم أكتر من كده. أنا أول لما وعيت على الدنيا لقيت بابا بيعاملني أذل معاملة، وماما ماتت لنا كان عندي سبع سنين من كتر الضرب اللي بابا كان بيضربهولها، وهي اللي كانت بتشتغل في البيوت عشان تصرف عليا لأن بابا مكنش بيشتغل، كان بيسرق الناس وياخد الفلوس يصرفها على الحش*يش والخمر*ة، ماما من كتر التعب والضرب ماتت، وبعدها بكام شهر راح اتجوز فوزية، كانت بتضربني دايما، وبعدها خلفت سالي، سالي كانت تروح تقول لبابا إني بضربها ويتبلوا عليا هي وأمها، وبابا يضربني بالحزام، ارفعي التيشيرت اللي لابساه، بص يمراد من كتر الضرب ضهري اتشوه، بص دراعي، بص جسمي كله اتشوه.

مراد صعبت عليه وكانت بتعيط بحرقة. بعد ما بقيت عندي 15 سنة روحت اشتغل عشان أصرف على تعليمي، وكانت في واحدة جارتنا بتساعدني وعلمتني، بعدها خلصت ثانوي وجبت 90%، وبابا قعدني مخلانيش أكمل تعليم، كانوا بيعاملوني كأني خدامة، أنا تعبت، كنت بتمنى الموت بسببهم. وعيطت بحرقة. مراد: شششش خلاص ارتاحي دلوقتي، أنا هندمهم على كل اللي عملوه فيكي. وأخدها في حضنه. مراد: بقى عمال يبص عليها بعد ما نامت من كتر

العياط وبقى حزين عليها: أوعدك يعشقي إني هعوضك عن كل ده، بقيت مستغرب نفسي، أنا دايما مشاعري باردة، وحتى لما كنت خاطب قبل كده أنا مكنتش بغير عليها ولا بفرح لفرحتها ولا بزعل لزعلها. مراد فاق من تفكيره ونيم عشق على السرير وباس دماغها ودخل الحمام خد شاور وخرج لبس بدلته ونزل راح الشركة. سليمان طلع عند عشق وخد خصلة من شعرها وخرج اداها للبودي جارد، وأداله عينة من شعره، وقال للبودي جارد يوديهم المعمل.

عند مراد وصل الشركة وطلع دخل المكتب بتاعه لقي حد قاعد على كرسي مكتبه. مراد بغضب: انتي إزاي دخلتي هنا يازبال*ة.