رواية عشق المراد الفصل السابع 7 - بقلم نورا رمضان

اسد: هار اسود. نزل يشوف إيه اللي حصل، لقي ملك واقعة في الأرض. اسد: انتي كويسة يا آنسة؟ أنا آسف والله مكنش قصدي. ملك: منك لله يا أخي، مش قادرة أقوم. اسد: طب هاتي إيدك أقومك. ملك: لا، أنا هقوم. اسد: طب انتي اتعورتي؟ ملك: يعني أنا لو كنت اتعورت كنت هسكت؟ أهلك ياض انت. اسد: طب تصدقي أنا غلطان إني نزلت أشوف حصلك إيه. ملك: لا، ده انت بجح أوي، يعني خبطني ومكنتش هتنزل تشوف حصلي إيه. وقامت وقفت.

اسد: طب خلاص، أنا غلطان. تحبي أوصلك؟ ملك: لا مش عايزة، ووسع كده من قدامي، ده انت رخيم. اسد: ده انتي اللي رخمة والله. مشيت ملك وركن أسد عربيته ودخل الفيلا. اسد: ياللي هنا، سلامو عليكو. مراد: تعالي يرخم. اسد: شايف يجدي، خليه يحترم نفسه عشان مضربهوش. مراد: بس يلا، ده انت بوق. اسد: لا مش بوق، تحب تشوف. مراد قام وقف: وريني يلا. اسد: راح قعد على السفرة. لا خلاص، عيب، إحنا كبار. مراد: جبت ورا لي ياض؟

اسد: لا مجبتش ورا، أنا عامل احترام لجدي وعشان بردو ميبقاش شكلي وحش قدام مراتك. سليمان بضحك: أيوا بقيت محترم دلوقتي. اسد: خلاص بقى يجدي. مراد: طيب يلا يخويا عشان ناكل. عشق: أنا هقوم أجيب الأكل وأجي. مراد: خليكي قاعدة، والدادة هتيجي دلوقتي بالأكل ومعاها البنات اللي بيساعدوها. عشق بفرحة أن مراد كلمها: لا، هقوم أساعدهم. مراد: براحتك. راحت عشق المطبخ. سليمان: هروح أعمل مكالمة وجاي عقبال ما الأكل يجهز.

مراد وأسد: اتفضل يجدو. اسد: إيه ده، في إيه؟ مراد: في إيه ياض؟ اسد: من إمتى الحنية دي ياض مع البنات؟ مراد: بس دي مراتي يعبيط، ولازم أعاملها كويس ياض. اسد: عليا أنا بردو ياض، شكلك كدا وقعت ومحدش سمي عليك. مراد: لا يخويا موقعتش. اسد: طب ناوي على إيه؟ مراد: قصدك إيه؟ اسد: قصدي هتطلقوا ولا هتكملوا مع بعض؟ مراد: معرفش، بس الأكيد أني مش هسيبها لغيري، هي ملكي. اسد: ربنا معاك، بس هي بتحبك. مراد: مش عارف.

اسد: اقعد معاها وحطوا النقط على الحروف يامراد. مراد: إن شاء الله. جت عشق ومعاها بنات وحطوا الأكل على السفرة. عشق: أومال فين جدو؟ اسد: راح يعمل مكالمة شغل وجاي. عشق: تمام. اسد: انتي اسمك إيه؟ عشق: اسمي عشق. اسد بخبث: اسمك حلو أوي يعشق. مراد بغيظ وغيره: مدام عشق يا أسد واتلم. اسد: الإه، هو أنا قولت حاجة وحشة؟ أنا بقول أن اسمها حلو بس. مراد: والله أقوم أضربك دلوقتي. اسد: خلاص يعم. دخل سليمان وقعد واتعشوا.

اسد: يوه، نسيت أسألك يمراد. مراد: تسأل عن إيه؟ اسد: عن البنت اللي كانت هنا قبل ما أدخل بشوية، عشان أنا كنت هخبطها بالعربية. عشق بخضة: يلاهوي، أنت قصدك ملك؟ اسد: لا معرفش اسمها. وقص لهم ما حدث. عشق: مراد ينفع أتصل عليها؟ مراد: اتصلي، اطمني عليها. عشق بإحراج: طب هات تليفونك عشان مش معايا تليفون. مراد طلع الموبايل وأداهالها. عشق لاقته مقفول: خد افتح الباسورد. مراد فتح الفون وأداهالها. اتصلت عشق على ملك.

سليمان: افتحي الاسبيكر يعشق عشان عايز أطمن عليها. عشق: حاضر يجدو. ملك: الو، مين معايا؟ عشق: أنا يملك. ملك: أيوا، مين معايا بردو؟ عشق: انتي مش عارفه صوتي؟ ملك: وأنا أعرف صوتك منين يمهزق؟ ولا تكونش تامر حسني عشان أعرف صوتك. مراد وأسد وسليمان كلهم ضحكوا. عشق بصت عليهم بإحراج: يا حمارة، أنا عشق. ملك: ما كنتي قولتي من الأول إنك عشق يرخمة. عشق: أنا غلطانة إني اتصلت أطمن عليكي بعد ما كنتي هتتخبطي بالعربية.

ملك بضحك: وانتي عرفتي إزاي يبت؟ ولا تكوني بتراقبيني؟ عشق: عرفت من أسد. ملك: أسد مين؟ عشق: أسد اللي خبطك بالعربية. ملك: منه لله، الهي ينشك في حواجبه. عشق بإحراج: اتلمي، هما قاعدين وسامعين، أنا فاتحة الاسبيكر. اسد: الهي تنشكي انتي في بطنك. ملك: بس ياض انت، بدل ما آجي أضربك. اسد: ولا تعرفي تعملي حاجة يقطة. ملك: تحب أوريك؟ اسد: أه أحب. ملك: ليك ضربة لو شوفتك. اسد: تبقي تحاولي تمدي إيدك عليا وأتشاهدي على روحك.

ملك: بس يرخم. اسد: اااا. سليمان: خلاص بقى، انتوا مش صغيرين واتلموا. طمنيني عليكي يملك، عاملة إيه دلوقتي واتعورتي ولا لأ؟ ملك: لا متعورتش يسلومتي، أنا جيت أجري لما لقيت العربية جاية عليا، بس اتشنكلت ووقعت وعضمي كله اتكسر. اسد: وبقا بيتقالك يسلومتي يجدي؟ أنا هقول لمراتك. سليمان: ملكش دعوة انت، هي تقول اللي عاوزاه. اسد اتغاظ وملك وعشق ومراد فضلوا يضحكوا.

فضلوا يتكلموا شوية وبعدها قفلوا مع ملك. وأسد راح بيته. وسليمان طلع أوضته. وعشق ومراد طلعوا يناموا. في يوم جديد. مراد صحي ودخل خد شاور وخرج لقي عشق صحيت. عشق: صباح الخير يا مراد. مراد: صباح النور، يلا عشان ننزل نفطر. عشق: ما ينفع أروح مع ملك المول عشان تجيب الفستان بتاعها؟ مراد: تمام، خدوا السواق معاكم. ولو احتاجتي حاجة قوليلي. وخذي الفون ده، جتهولك وسجلت رقمي عليه. لو احتاجتي حاجة اتصلي عليا طول.

عشق بفرحة: شكراً يا أحلى مراد. وقامت حضنته من كتر فرحتها. مراد اتصدم من فعلتها بس حضنها هو كمان. عشق بعدت بعد ما استوعبت اللي عملته: أنا آسفة، بس من كتر فرحتي. أوعدك مش هكررها تاني. مراد: مش لازم تتأسفي، لآني جوزك ومش لازم كل شوية أفكرك إني جوزك. عشق بخجل: تمام. مراد: يلا عشان ننزل نفطر. عشق: هدخل ألبس وهنزل. مراد: تمام، أنا نازل. خرج مراد ودخلت عشق تلبس وخلصت لبس ونزلت.

عشق: صباح الخير على أحلى سلومتي في الدنيا كلها. وراحت باست خده وحضنته. سليمان بضحك: صباح النور على أحلى عشق. يلا اقعدي افطري. قعدت عشق وفطرت. وخلصوا فطار وسليمان خرج. مراد: انتي هتروحي دلوقتي؟ عشق: لا، هتصل على ملك تيجي هنا وبعدها نروح المول. لآني خايفة أروح هناك. مراد بحنان: متخافيش، محدش يقدر يقربلك طول ما أنا عايش. خدي الفيزا عشان لو عجبك حاجة جيبيها. عشق: فرجت جداً. شكراً جداً.

مراد: مينفعش تشكريني كل شوية، أنا جوزك. وباس*ها في خدها: أنا همشي على الشركة. ومشي. عشق اتصدمت بس بعدها حطت إيديها على خدها وابتسمت. اتصلت على ملك وقالتلها تيجي هنا. وصلت ملك لعشق. ملك: هو مفيش حد هنا؟ كلهم مشيوا؟ عشق: أه مشيوا، يلا عشان نروح المول. راحوا ركبوا السيارة. ملك: مين اللي جابلك الفون ده؟ عشق بفرحة: مراد أدهاولي قبل ما يمشي. ملك: ربنا يسعدك يحبيبتي.

وفضلوا يتكلموا لغاية لما وصلوا المول واختاروا الفستان وجابوا حاجات. وهما ماشيين لقوا شباب جايين عليهم. الشخص 1: إيه القمر ده. التاني: تعالوا معانا وهندلعكم. شخص شد عشق: لا ده أنا اللي هدلعكم دلوقتي يا ابن الك*لب. منك ليه.