رواية عشق المراد الفصل الثامن 8 - بقلم نورا رمضان

مراد: ده أنا اللي هدلعكم دلوقتي يبن الكلب. مسك إيد الراجل اللي كان عينه على عشق. أسد مسك الراجل التاني اللي كان هيروح على ملك. مراد مسك الراجل وكسر دراعه: ادي إيدك اتكسرت اللي كانت هتلمس بيها مراتي. لكمه في وشه وفضل يضرب فيه. الراجل ضرب مراد في حاجبه ومراد حاجبه نزف بس مهتمش بيه. كل اللي كان في دماغه لو ما جاش المول وشاف اللي حصل، إيه اللي كان هيحصل لعشق. فضل يضرب في الراجل والد*م ينزف من بوقه ومناخيره.

أسد: مسك الراجل التاني وفضل يضرب فيه بغل. عشق واقفة بتعيط جنب مراد وبتشده: خلاص يا مراد، الراجل هيموت في إيدك. مراد: ده *راجل مش راجل، لازم يتأدب شوية. أسد: ساب الراجل اللي كان بيضربه وراح لمراد: خلاص يا مراد، هو كده خد جزاءه، متوديش نفسك في داهية بسبب كلب زيه. وشد مراد وقومه من فوق الراجل. الأمن جه وخد الشباب اللي دايقوا عشق وملك وطلبولهم الإسعاف. ما جربوش من مراد وأسد لأنهم كانوا عارفينهم وشافوا اللي حصل من الأول.

خافوا من مراد جداً لأن كان شكله يخوف. مراد راح لعشق وخدها في حضنه: إنتي كويسة؟ عشق بخوف: آه، وشك اتعور. مراد: متخافيش. مراد: هات ملك يا أسد ويلا نروح على الفيلا. أسد: ماشي يا كبير. راح أسد لملك: يلا. ملك: تمام. خرجوا من المول. مراد: يلا اركبوا، هنروح الفيلا. عشق: هنروح المستشفى نخيط حاجبك. مراد: لا مش مستاهل، ده جرح بسيط. عشق بإصرار: يلا يا مراد، هنروح المستشفى. أسد: عشق معاها حق، يلا دي غرزة. عشق: عشان خاطري يلا.

مراد: طيب يا ستي عشانك. ملك: طب أنا همشي يا عشق، وهكلمك بليل. عشق: لا تعالي معانا يلا. ملك: طيب. ركبوا العربية. مراد وعشق ورا. أسد ركب مكان السواق. ملك مكنتش عايزة تركب جنب أسد. أسد: يللا يا ملك خلصي، مش هنفضل واقفين ساعة. ملك: بغيظ ركبت. وطلعوا على المستشفى. بعد فترة وصلوا ونزلوا دخلوا جوا. عشق للممرضة: لو سمحتي عايزين نخيط حاجبه. وشاورت على مراد. الممرضة: تمام يا فندم، اتفضلي ادخلي الأوضة دي. وشاورت على الأوضة.

دخلت عشق هي ومراد. ملك وأسد استنوا بره. الممرضة: اتفضل يا فندم اقعد هنا. وبدأت تخيطله الجرح. عشق قاعدة جنبه وماسكة إيده. بس لاحظت أن الممرضة بتتعمد إنها تقرب من مراد. عشق نفخت بضيق: خلصي بسرعة لو سمحتي. مراد ابتسم. الممرضة: حاضر يا فندم. وبقت عمالة تحسس على وش مراد. عشق: إنتي الجرح ولا بتشوفي نوع بشرته؟ بشرته طلعت دهنية ولا جافة؟ الممرضة بإحراج: آسفة يا فندم. وخلصت وخرجت. مراد: براحة على البنت.

عشق بغيره: لا والله، أروح أنده عليها تيجي تشوفلك نوع شعرك بالمرة. مراد: خلاص يا قطة. برة الأوضة. أسد وملك عمالين يبصوا لبعض بغيظ. ممرضة بتروح عند أسد بدلع: تحب أساعدك يا فندم؟ مراد بغمزة: شكراً يا عسل، لو احتاجت حاجة هندهالك. الممرضة بدلع: قول بس يا شوشو وأنا هجيلك في ثانية. أسد: من عيني يا جميل. ومشت البنت. ملك فضلت تبص لأسد بقرف. أسد لملك: في حاجة يا ستي؟ ملك: بس يا معفن يا بتاع البنات.

أسد: والله ما في معفنة غيرك يا بت، ده إنتي شبه خلة السنان. وبعدين إنتي مالك بتاع بنات ولا بتاع رجا*لة؟ خليكي في حالك. ملك: يخربيتك، طلعت ألوان. أسد: وإنتي مالك؟ ده إنتي رخمة. ملك: رخامة ولا سيراميك؟ هههه. أسد: يلاهوي على السم. هما طلعوا مستحملني إزاي؟ ملك: سم، أما يسِمّك. مراد وعشق خلصوا. خلصوا وخرجوا لملك وأسد. عشق: يلا يا ملك. ملك: لا أنا هروح. عشق: لا معلش تعالي معانا الفيلا عشان هنتفق هنعمل إيه بكرة.

بصت لمراد: ولا أجلنا الفرح؟ مراد: لا مش هيتأجل. عشق: هيتأجل ليه؟ عشان لو إنت تعبان؟ مراد: لا يا حبيبتي مش تعبان. يلا نمشي. وراح مسك إيد عشق. عشق اتكسفت لما مراد قالها "حبيبتي" ولما مسك إيديها. وملك فرحت لعشق واتمنت مراد يعوضها عن كل الوحش اللي في حياتها. أسد فرح لأن مراد مبيقولش كلمة "حبيبتي" دي لحد في كلامه. خرجوا ورجعوا الفيلا.