رواية عشق المراد الفصل السادس عشر 16 - بقلم نورا رمضان

فضل يدور على عشق بس مش لاقيها. مراد: يارب الاقيكي يارب يارب. راحت فين وهي مش هتعرف تتعامل مع حد هنا. فضل يسوق بالعربية ويدور عليها في كل حتة. عند عشق، كانت بتشتغل في الكافيه. عشق بتعب: هانت، قربت أخلص. روز زميلة عشق بالفرنساوي: عشق شوفي طرابيزة ٧. عشق: حاضر. قبل ما تكمل الكلمة، وقعت مغشي عليها. روز جريت عليها والناس اتلمت وخدوها ودوها المستشفى. وصلوا المستشفى والدكتور كشف عليها. روز كانت واقفة برا مستنية الدكتور.

الدكتور خرج. جريت عليه روز: إيه اللي حصلها يا دكتور؟ الدكتور بأسف: للأسف الآنسة مريضة كانسر. روز بصدمة: إيه؟ عند مراد، رجع الأوتيل وهو مرهق من كتر التدوير عليها. دخل خد شاور وخرج يفكر في عشق. اتصل على الحراس بتوعه. مراد: بعتلك صورة بنت، نزلها في كل الجرايد ودور عليها. لو ملقتهاش، قول على نفسك يا رحمن يا رحيم. وقف مراد وهو بيبص على صورة عشق في موبايله: أنا آسف يروحي، ارجعلي مش هكررها تاني، أنا آسف. وفضل يبكي ونام.

عند عشق. روز فضلت تبكي على عشق. روز في نفسها: أنا آه معرفكيش غير من النهارده بس، بس زعلت عليكي أوي، باين إنك وحيدة، أنا لازم أقف جنبك. مسحت دموعها ودخلت لعشق، لقتها صاحية. روز بالفرنسية: كده قلقتيني عليكي يا عشق. عشق: معلش يا روز، تعبتك معايا. روز: كده أزعل منك، إنتي أختي من النهارده. عشق بتعب: شكراً ليكي يا روز. روز راحت تسندها عشان يمشوا: يلا نمشي وأوصلك.

عشق: لا يا روز، مش عايزة أتعبك، كفاية إنك جبتيني وفضلتِ واقفة جنبي. روز: بس يابت، إنتي زي أختي. عشق: وده شرف ليا. وخرجوا، وروز دفعت الحساب وخرجوا. ركبوا تاكسي. روز: قوليلي إنتي ساكنة فين عشان السواق يوصلنا. عشق: في فندق... السواق اتجه للفندق. روز: إنتي ساكنة لوحدك يا عشق؟ عشق: دي حكاية طويلة أوي، هحكيهالك بكرة عشان مش قادرة أتكلم. روز: ماشي. ووصلوا الفندق ونزلوا. روز: سلام يا عشق، أشوفك بكرة في الكافيه.

عشق: ماشي، سلام يا حبيبتي. ودخلت عشق الفندق بس اتصدمت لما شافت... في مصر. عند سليمان وزينب. زينب كانت ماسكة صورة بنت. سليمان دخل ولقاها بتعيط. سليمان بخضة: في إيه يا حبيبتي؟ زينب وهي بتشاور على الصورة: وحشتني أوي يا سليمان، نفسي ترجعلي تاني، آه يا حرقة قلبي عليكي يا بنتي. سليمان بحزن: هي اللي عملت في نفسها كده، يا ما حذرتها منه، يلا ده نصيبها.

زينب بعياط: كانت طايشة ومش بتسمع الكلام، مكنتش خرجتها ساعتها يا سليمان، آه يا بنتي. سليمان راح خدها في حضنه وبيهديها. سليمان في نفسه: هانت يا حبيبتي، كلها كام يوم وأقولك كل حاجة. عند ملك. روحت بيتها وكلت وراحت تذاكر عشان امتحاناتها على الأبواب. عند أسد. خلص شغل وروح البيت وفضل يشتغل على المهمة الجديدة. تعب من الشغل وراح ينام وهو بيفكر في ملك.