رواية عشق المراد الفصل التاسع عشر 19 - بقلم نورا رمضان

روز وهي بتشاور على صورة. ايه ده يا عشق؟ عشق بخوف. هفهمك كل حاجة، بس يلا نمشي بسرعة. روز. هنروح فين؟ عشق. هنروح الفندق اللي قاعدة فيه، يلا بسرعة. وشدّت روز. ركبوا تاكسي وراحوا الفندق وطلعوا الأوضة. روز. فهميني كل حاجة، ليه صورك متعلقة في كل مكان كده؟ عشق بهدوء. روز، أنا وثقت فيكي، أنا هحكيلك كل حاجة، بس أرجوكي ما تبلغيش عني. روز. احكي، وأنا يستحيل أبلغ عنك، أنا اعتبرتك أختي يا عشق.

عشق بدأت تحكي لها كل حاجة عنها، وأنها اتجوزت مراد غصب وكل حاجة. عشق بحزن. ده كل اللي حصل معايا. روز بحزن عليها. يعني انتي مصرية؟ عشق. آه. روز وهي بتتكلم عربي. وساكتة من ساعة معرفتك؟ عشق. إيه ده، انتي بتتكلمي عربي؟ روز. أنا مصرية، بس أنا كنت بحسب إنك من باريس، لأن شعرك دهبي وعيونك رمادي، ما شاء الله قمر، البطل صناعة مصرية. عشق بضحك. وأنا كمان كنت بحسبك من باريس، أخيراً لقيت حد بيتكلم عربي. وفضلوا يضحكوا. روز.

طب انتي هتعملي إيه بقا مع مراد؟ عشق بحزن. مش هرجع له، أنا هكمل شغل هنا، وهو أكيد هيمشي. روز. ما أظنش إنه هيمشي قبل ما يلاقيكي، شكله كده بيحبك. عشق بفرحة. بجد؟ روز. آه، شكلك انتي كمان بتحبيه. عشق. آه بحبه أوي، وانهاردة شوفته في الكافيه، فرحت أوي لما شوفته، بس كان باين عليه التعب والإرهاق. روز. ولما انتي بتحبيه مشيتيه ليه؟ وهو قبل ما انتي تمشي كان شكله إنه تعبان ولا لأ؟ عشق.

مكنتش هقدر أكمل معاه، هو متجوزني انتقام يا روز. ولا مكنش شكله تعبان قبل ما أسيبه؟ روز. طب هو عايز ينتقم منك ليه؟ هو تعب لما انتي سبتيه، مكنتيش اتسرعتي ومشيتي، هو بيحبك، لو مكانش بيحبك مكنش هينشر صورتك ويكتب اللي يلاقيها ليه مكافأة مليون دولار. عشق. معرفش بقا، هو عايز ينتقم مني ليه؟ أنا أول مرة شوفته فيها كان بعد كتب الكتاب لما روحت الفيلا، مكنتش أعرفه قبل كده. روز بخوف من اللي هتقوله.

خلاص سيبك منه، أنا عايزة أقولك حاجة. عشق. إيه هي؟ روز. اهدي، وكل حاجة هتتحل، ومتزعليش خالص، ده ابتلاء من ربنا وبيختبر بيه صبرك. عشق. في إيه يا روز؟ روز بخوف. عشق، انتي عندك كانسر. عشق بهدوء. عارفة، سمعت الدكتور وهو بيقولك. روز. لازم تبدأي علاج، انتي في مراحله الأولى. عشق. إن شاء الله. روز. عشق، انتي هتفضلي قاعدة في الفندق؟ ممكن يعرف يوصلك، تعالي اقعدي عندي، ومحدش هيعرف يوصلك، أنا هقف جنبك. عشق. طب وأهلك؟ روز.

أنا أهلي اتوفوا، وبعدها سافرت وجيت هنا، وبقيت بشتغل في الكافيه. عشق. ماشي، بس هدفع معاكي إيجار الشقة. روز. ماشي، بس تعالي يلا لمي حاجتك ونمشي. عشق. طب ما ممكن حد يشوفني ويبلغ؟ روز. لو عندك إسدال، البسيه، والبس طرحة وكمامة. عشق. ماشي، بس قوليلي تعرفي المدير بتاع الكافيه منين؟ روز. اتعرفت عليه أول ما اشتغلت في الكافيه، وحبينا بعض، وهننزل مصر ونتجوز عشان عائلاتنا في مصر. عشق. ربنا يخليكم لبعض يا روحي.

عشق لبست ولمت هدومها وخرجوا من الفندق وراحوا الشقة ودخلوا، وعشق حطت همومها في الدولاب. وقعدوا يتكلموا مع بعض. عند مراد، رجع من الشركة على الفندق ودخل الجناح ونام زي كل يوم، وهو بيفكر في عشق. في مصر. ملك صحت على رنة موبايلها. كان رقم غريب. ملك ردت وهي قلقانة. الو مين؟ أسد وهو بيتنفس بالعافية.

أنا أسد يا ملك، أنا انتصرت بس اتصابت، كان نفسي أرجع وأتجوزك، كان نفسي تبقي مراتي، كان نفسي أضمك لحضني، كان نفسي أشيل عيالنا، كان نفسي أقعد معاكي بقيت عمري، بس للأسف كل ده راح. خليكي عارفة إني بعشقك، وإنتي الإنسانة الوحيدة اللي حبيتها، أنا بقيت بدمنك، أدمنت ملامحك، إنتي اديتي لحياتي طعم، أول لما شوفتك خطفتي قلبي، وحبيت لسانك الطويل، حبيت كل حاجة فيكي. أسد وهو بيغيب عن الوعي. أنا بحبك يا ملك. وفقد الوعي.

ملك كانت بتسمع كلامه وهي بتعيط وساكتة من الصدمة. يعني إمبارح يقولها بحبك، وانهارده بيودعها؟ ملك بتعيط بحرقة. الو، الو، أسد، أسد، ردددد عليا، أسسسد. يا أسد متسبنيش، أنا كمان بحبك، ارجعلي يا أسد، أسدد. الخط فصل، وفضلت تتصل وهيا بتعيط وبتصرخ بصوت واطي لأن مامتها وباباها نايمين، وهيا محكتلهمش عن أسد. بعد كذا ساعة تليفون ملك رن. ملك ردت بلهفة. الو أسد. الشخص. البقاء لله، الظابط أسد ما*ت. ملك بصدمة. لاااااااا، اسسسسدددد.