رواية عشق المراد الفصل التاسع والعشرون 29 - بقلم نورا رمضان

الدكتور: مبروك المدام حامل. بس للأسف كانت بتاخد حبوب منع الحمل، فممكن تأثر على الحمل. فهكتبلها كل برشام يثبت الحمل. مراد بصدمة: حبوب منع حمل؟ إزاي؟ هي كان عندها كانسر؟ الدكتور باستغراب: كانسر؟ لأ مش عندها. لو كان عندها كانسر مكنتش هتبقى حامل، لأن الكيماوي بيأثر عليها وبيخليها تفقد الجنين وجسمها مفهوش كيماوي. مراد باستغراب: إزاي معندهاش كانسر؟ هي كشفت في مستشفى بره مصر وقالوا إن عندها كانسر وكمان كانت بتاخد الكيماوي.

الدكتور: يا أستاذ مراد، المدام معندهاش. ولو مش مصدق هعملك تحاليل بتثبت ده. مراد بدهشة: تمام، اتفضل اعمل. بس لو جبتلي تحليل مزور أو حد اداك رشوة عشان تقول الكلمتين دول، أوعدك إن ده هيكون آخر يوم في عمرك. الدكتور بخوف: حاضر يا فندم. وممكن حضرتك تعمل للمدام تحاليل من أي مكان تاني وهتصدق. أنا يستحيل أشخص حالة غلط. بعد إذنك. كلهم كانوا بيسمعوا بصدمة. سليمان: عشق من أمتى وهيا عندها كانسر يا ابني؟

مراد: حكَّالهم كل حاجة حصلت معاهم لما كانوا في باريس. وزينب فضلت تعيط على بنت بنتها. روز بشك: مراد، هو لما انت كنت بتدخل مع عشق عشان جلسة الكيماوي، كنت بتنام؟ مراد بصدمة: آه، كنت بنام وأصحى ألاقيهم خلصوا وعشق بتبقى نايمة، وأصحّيها. روز بصدمة: حد من الممرضين كان بيديك عصير أو ميه تشربها؟ مراد بدهشة: آه، وكنت بشرب العصيرر ودماغي بتصدع. مكنتش بحس بنفسي غير وهما بيصحوني.

روز: بالظبط. ده برضه كان بيحصل معايا، وكنت بقنع نفسي إن ده بسبب إني منمتش كويس. أحمد بصدمة: يبقى في عدو ليك يا مراد. هو اللي خلى الدكتور والممرضين يحطولكم منوم في العصير. وممكن كانوا بيدوا عشق حبوب منع الحمل ويدوها مخدر بعدها. بس مين مصلحته إنه يعمل كده؟ ومين اللي عايز عشق متخلفش منك؟

مراد قعد بصدمة: معرفش مين. أنا هكلم الحراس وهبعتلهم عنوان المستشفى واسم الدكتور ويجيبوه المخزن ويخلوه يعترف. والله لأخدلك حقك يا عشق. واللي كان ورا ده كله مش هسيبه. مراد اتصل على حراسه اللي في باريس، وأدالهم عنوان المستشفى واسم الدكتور. وقفل. في باريس، الحراس راحوا جابوا الدكتور وفضلوا

يعذبوا فيه لغاية ما قال: "خلاص، خلاص هقول. بس سيبوني. هي الست اللي قالتلي أحطلهم منوم وأدي لعشق حبوب منع الحمل وأقنعهم إنها عندها كانسر." الحارس: اسمها إيه؟ وضربه. الدكتور بخوف: اسمها، اسمها هايدي. الحارس اتصل على مراد. مراد: ألو. قالك مين اللي عمل كده؟ الحارس: واحدة اسمها هايدي يا باشا. مراد بغضب شديد: تمام أوي. اقطعوا صوابعه عشان يحرم يعمل كده تاني في أي شخص.

الحارس: أمرك يا باشا. وراح للدكتور وعمل زي ما مراد قاله ورماه في الشارع. عند مراد، اتصل على حراسه اللي في مصر. مراد بشر: هايدي، تجيبوها المخزن. وأول ما تجيبوها، اتصلوا عليا. الحارس: أمرك يا باشا. الدكتور: نتيجة التحاليل طلعت يا باشا. وزي ما قلت لحضرتك، المدام معندهاش كانسر. ودمها فيه نسبة مخدر كبيرة وحبوب منع حمل. ولو حابب تعمل تحليل في أي مكان تاني ونتأكد أكتر، اتفضل.

مراد: تمام. ممكن تعملي تحليل دم ليل ولروز وتشوف إذا كان فيه مخدر؟ الدكتور: تمام. اتفضلوا معايا. وراحوا عملوا التحاليل. وبعد شوية التحاليل طلعت وكان فيها مخدر. سليمان: مين اللي عمل كده يا مراد؟ مراد: هايدي. بس قسماً بالله ما هسيبها عشان هي زودتها أوي. الدكتور: أستاذ مراد، مدام عشق فاقت. مراد: هي كويسة؟ صح؟ ومفيش خطورة عليها وعلى الجنين؟

الدكتور: لأ. بس الحمل مش ثابت بسبب حبوب منع الحمل، فهتاخد مثبت للحمل. وإن شاء الله هتبقى كويسة. وأهم حاجة الراحة. مراد: شكراً يا دكتور. ودخلوا اطمنوا على عشق. عشق بتعب: إيه اللي حصلي يا مراد؟ مراد بخوف عليها: مفيش حاجة يا روحي. انتي حامل في بنتنا أو ابننا. بس أنا عايز بنت وهتكون الأميرة بتاعتي. عشق بفرحة: حامل بجد؟ بس إزاي؟ أنا عندي كانسر. مراد: حكالها اللي حصل. عشق فضلت تعيط.

مراد أخدها في حضنه: هشش، خلاص يا حبيبي. والله ما هسيبلك حقك. زينب أخدتها في حضنه: بس يا بنتي خلاص، كل حاجة هتتحل. وأهو انتي بخير، انتي واللي في بطنك. وباستها. على فكرة يا عشق، انتي شبه ورد مامتك جداً. أول ماشوفتك لقيتك شبهها، بس نفضت الفكرة من دماغي. أنا آسفة يا حبيبتي على كل الوحش اللي شفتيه في حياتك من مرات أبوكي. بس خلاص انتي معانا، انتي وسط أهلك خلاص.

مراد: أنا هروح أسأل الدكتور لو ينفع تخرج. وراح سأل الدكتور، والدكتور كتبله على خروج وكتبله على أدوية لعشق. مراد شال عشق وركبها العربية ووصلوا البيت وطلعها الجناح. روز وزينب قعدوا معاها وعملولها أكل وأكلوها وخدت الدواء ونامت. ونزلوا تحت. زينب: احكيلي يا روز إيه اللي حصل من أول ماشوفتي عشق واتعرفتي على أحمد إزاي؟ روز بدأت تحكيلها. عند مراد، الحراس اتصلوا عليه وقالولوا إنهم جابوا هايدي المخزن. وأحمد ومراد راحوا المخزن.

مراد بعصبية: ليه تعملي كده؟ ليه عايزة تبوظيلي حياتي؟ ليه؟ أنا عملتلك إيه؟ لما شوفتك بتخونين"ي مع صاحبي سيبتك في حالي واتوجعت كتير. جاية دلوقتي تعملي في عشق كل ده ليه؟ أنا ماذيتكيش، ليه تأذيني وتأذي روحي؟ وادتيها برشام منع الحمل عشان أشُك فيها إنها مبتحبنيش ومش عايزة تخلف مني، صح؟ أنا هعاقبك على كل حاجة. وفضل يضرب فيها بالكربا*ج. قوليلي مين اللي ساعدك في ده؟ قوليلي. وضربها.

هايدي بخوف ووجع: أنا آسفة. وهقولك. وابعد عنك اللي قالي كده. هيا سهير هانم. فجأة سمعوا ضرب نار. وفي أحمد: مراد!