رواية عشق المراد الفصل الثلاثون 30 - بقلم نورا رمضان

أحمد بصدمة: مراد! مراد! جري مراد ومسك هايدي، بعدها عن الرصاصة. مراد للحراس: اجروا شوفوا مين اللي ضرب الرصاص بسرعة قبل ما يهرب. مراد لأحمد: خد هايدي وديها القصر عشان متغيبش عن عينينا. أحمد: انت عبيط؟ وعشق هتعمل إيه لما تشوف هايدي وهي أساسًا تعبانة؟ مراد: أنا هفهم عشق كل حاجة. وديها القصر عشان تبقى في أمان، وأنا هكمل لعبة سهير هانم. أحمد بغضب: ماشي. وأخذ هايدي وداها القصر.

الحرس دخلوا وهم ماسكين واحد مغطي وشه بماسك. مراد شال الماسك. مراد بغضب: مين اللي باعته؟ وفضل يضربه لحد ما شفايفه جابت دم. الراجل: خلاص هقول. واحدة اسمها سهير هانم. مراد: كانت باعتاك ليه؟ الراجل: قالتلي أصوّب طلقة على واحدة اسمها هايدي يا باشا، وورتني صورتها. مراد عرف أن هايدي مش بتكدب. مراد للحراس: خدوه اتصرفوا فيه. مشي مراد ورجع للقصر. زينب لأحمد: إيه اللي جاب الزفتة دي هنا؟

أحمد: اهدي يازوزو. مراد اللي قالي، وهو زمانه جاي أهو. جه مراد. مراد: تعالوا معايا أوضة المكتب. دخلوا وراهم. مراد حكالهم اللي حصل، وإن سهير هي اللي عملت كل ده. مراد لهايدي: أنتي هتكملي معاها خططكوا، وهتيجي تقوليلي لغاية ما أسجلها وتتحبس، تمام؟ ولو لعبتي بديلك، أنتي عارفة إيه اللي هيحصلك.

هايدي بخوف: حاضر. وأسفة ليك يا مراد. وعلى فكرة، مامّتك هي اللي اتفقت مع صاحبك، وهو جالي الشركة وقالي تعالي نروح كافيه، وروحنا. محسيتش بحاجة غير لما لقيتك في الشقة. وحاولت أفهمك، بس أنت مرضتش تسمعني. وبعدها سهير هانم قالتلي إن دي كانت خطة منها. أنا آسفة ليك. مراد بقى بيسمع بصدمة. لأمه تعمل فيه كده ليه؟ تسبّب له أذى ليه؟ عايزة تدمر له حياته؟ وليه عملت كده في عشق؟ وكان ممكن يفقد ابنه اللي لسه مجاش على الدنيا. ليه؟

طلع عند عشق لقاها نايمة. نام جنبها ودفن وشه في رقبتها وهو خايف إنها تروح منه. تاني يوم عشق صحيت، هي ومراد، ونزلوا فطروا بصمت. وعشق كانت مصدومة من وجود هايدي. مراد وعشق طلعوا الجناح، ومراد حكالها كل حاجة. كل حاجة. تحت صدمة عشق، مراد خطبها إن هايدي مخونتهوش، وإن سهير هي اللي عملت كده. عشق بصدمة: يعني إنت ممكن ترجع لهايدي تاني وتسيبني؟ مراد: هو أنا بحكيلك عشان تقوليلي أرجع لها؟

عشق، أنا من غيرك زي الجسد اللي من غير روح. أنتي نورتيلي حياتي. أنتي بنتي مش مراتي. أنا بعشقك. أنا حياتي ابتدت لما شوفتك. أنتي بنتي وأم ولادي. أنتي عشقي. وانسى إنّي أبعد عنك. أنتي حياتي. أدمنتك وأدمنت عطر شعرك. أدمنت حضنك ليا. أنا بعشقك. وأسف ليكي على الأذى اللي اتعرضتيله لما دخلتي حياتي. وضمها لقلبه. عشق بدموع: أنا آسفة يا مراد. أنا بقيت متلخبطة أوي ومصدومة من كل اللي حصل. أنا آسفة يا مرادي. أنا بعشقك. وحضنته.

بعد شوية بعدوا عن بعض. مراد: خلي بالك على نفسك. أنا هروح الشركة. عشق: وانت كمان يا مرادي. مراد كان نازل، بس هايدي جريت عليه. هايدي بخوف شديد: مراد! تعالي بسرعة. ودخلوا المكتب. مراد: في إيه؟ هايدي بخوف: سهير هانم عايزة تقتلك. مراد بصدمة: إزاي؟