رواية عشق المراد الفصل الرابع عشر 14 - بقلم نور ايمن

نور: ماشي. مراد: يلا يا حبيبتي ننام. نور: تصبح على خير يا حبيبي. مراد: وأنتِ من أهل الخير يا عمري. تاني يوم، مراد صحي وأخذ شاور ونزل راح على الكلية. مها: مراد. مراد: اسمي دكتور مراد، أقسم بالله لو قولتي كدا تاني لتكوني مرفودة من الكلية خالص. مها: لي كدا بس متعصب ليه؟ مراد: بت، غوري. مها: كنت عايزة أتكلم معاك. مراد: مش فاضي. مها: موضوع ضروري. مراد: قلت مش فاضي. مها: حتى لو قلت إنه يخص نور. مراد: نور؟

وانتِ تعرفي حاجة تخصها منين؟ مها: عارفة مين اللي قتل أمها وأخوها. مراد: ده كذب، هما ماتوا في حادثة، وبعدين هما مالهمش أعداء. مها: مش أعداء، ده واحد عمل كدا عشان عايز نور. مراد: وانتِ عرفتي الكلام ده منين؟ مها: أنا أعرف دراعه اليمين بس معرفوش شخصياً، بس عارف اسمه. مراد: اسمه إيه؟ مها: لأ مش هينفع أقول. مراد: طب هو فين دلوقتي؟ مها: معرفش، مش براقبوا. مراد بزعيق: تعرفي حالاً، انجزي. مها بخوف: وأنا مالي؟

مراد: لو مكنش ليكي مصلحة مكنتيش هتقوليلي، هو أنا تايه عنك ولا إيه؟ مها: طيب اعتبرني مقولتش حاجة. مراد بعصبية: انتِ اتجننتي؟ بتعرفيني إن مراتي في خطر ومش عايزاني أعرف هو مين؟ مها بصدمة: مراتك! مراد: آه مراتي، اتصدمتي ليه؟ هو اللي قايلك تقوليلي مقالكش إنها مراتي؟ وهنا بقى الكلية كلها اتجمعت على الصوت. مراد بزعيق: مش خير متجمعين ليه؟ نادر: دكتور مراد، صوتك عالي جداً وأنت عندك محاضرة دلوقتي. مراد: معلش مش هحضر النهارده.

نادر: ماشي، هدخل مكانك. مراد: تمام. نادر: يلا كل واحد على المدرج بتاعه. مراد: استأذنك يا مها، لو سمحت يا دكتور نادر. نادر: تمام، وامشي. مراد: ها، يلا اعرفي هو فين. مها: أعرف منين؟ مراد: كلمي دراعه اليمين. مها: بس كدا هيحس إن في حاجة. مراد: مش شغلي، يلا انجزي. مها: طب نروح نقعد في مكان، مش هينفع الوقفة دي. مراد: لا معلش، أنا واحد متجوز مينفعش أقعد مع واحدة غير مراتي. مها: وتقف مع واحدة غيرها عادي؟

مراد بجدية: انتِ مالك، يلا انجزي وافتحي الاسبيكر. مها بخوف: حاضر. ورنت عليه وفتحت الاسبيكر. مجهول2: أيوا يا مها. مها: أنت فين؟ مجهول2: خير؟ مها: بطمن عليك، حرام يعني. مجهول2: في مشكلة في الشغل ومش عارف أتصرف فيه. مها: مشكلة إيه؟ مجهول2: الباشا مش لاقيه، وعلى ما وصلت إن في واحد أخده ومش عارف أوصل له. مها: خلاص سيبك منه بقى، ياخد جزاته ويخرج، يلا باي. مجهول2: أنتِ مجنونة؟ باي. وقفلت.

مراد أول ما سمع إنه مخطوف اتأكد إنه هو ومشي وساب مها وراح على الشركة ورن على معتز. معتز ده صاحب عمره وهو ضابط عنده 30 سنة. معتز: معتش حد بيسمع صوتك يعم، فينكم؟ مراد: أنا اللي فيني برضه. معتز: يعم، على الأقل أنا حياتي في خطر طول الوقت، وأنت إيه بقى؟ مراد: حياة مراتي في خطر. معتز بصدمة: مراتك! مراد: آه. معتز: أنت اتجوزت؟ مراد: آه. معتز: ومن غير صاحبك؟ مراد: كتب كتاب بس والله، وكل حاجة جت بسرعة.

معتز: أمم، في خطر ليه بقى؟ مبلاها من شغل الروايات ده، لازم البطل يتجوز وهي تتخطف وحوارات كتير كدا. مراد: سيبك أنت من الروايات اللي أنت مضيع وقتك عليها دي وركز معايا. معتز: ماشي يعم.

مراد: واحد اسمه مازن محمد أبو المهد حاول يخطف نور اللي هي مراتي وضرب نار على الحراسة وراح ياخدهم، وهما كانوا خرجوا من العربية واستخبوا هي وأختي، وبعدين سمعوا واحد وهو بيكلم الباشا بتاعه وقالوا إنهم هربوا، وبعدين أنا عرفت أوصل للواد ده وجبته عندي في المخزن امبارح، ولقيت طالبة في الكلية عندي بتقولي إنها تعرف مين قتل أم وأخو نور، هما المفروض ماتوا في حادثة، المهم قولتلها تقول الاسم مرضتش، وبعدين خليتها اتصلت على الولا وكلمتوا اللي هو اللي شغال عنده وقالها إن الباشا بتاعه مخطوف، أنا عايز أي طريقة أثبت بيها عشان يتعدم عشان مقتلوش وأخش فيه السجن.

مازن: لازم اللي شغال عنده ده يعترف، يبقى أنا هفتح محضر بمحاولة خطفها ونجيب الاتنين دول والولد يعترف على الباشا بتاعه عشان تعرف إن الروايات بتنفع نحل بيها مشاكل. مراد: يعني ده مش تعليم؟ معتز: يعم تعليم إيه بس، ده الوزير هاين عليه يقفل كل حاجة تخص التعليم ده، عقد الناس منه. مراد: حصل. معتز: عليه شوية قرارات. معتز: المهم أنت عامل إيه؟ مراد: الدنيا بتلطش معايا، ما تيجي تشتغل معايا في الشركة. معتز: ياريت، في وقت.

مراد: أنت فقر ياض، عايزك تخلصلي الموضوع ده في أقرب وقت والكلب ده عندي لحد ما أنت اللي تاخده من عندي. مازن: ماشي يا حبيبي، مع السلامة. وقفلوا، ومراد قام خرج وراح. نور: إيه كل ده؟ مراد: أنتِ نزلتِ من الأوضة ليه؟ نور: أشوفك يمكن تحت. مراد: لي يا بنتي؟ ده لسه بدري. نور: حضرتك الساعة واحدة بالليل. مراد: بحكم شغلي ساعات باجي هنا الصبح. نور: وأنا أعرف الكلام ده منين؟ أنا متعودة إنك في وشي طول الوقت.

مراد: لا خلاص بقى رجعت لشغلي. نور: طب يلا نطلع ننام. مراد: يلا. وطلعوا وناموا. ويوم جديد مليء بالأحاديث. في المخزن. مازن: فكوني يا حيوانات. مراد: إششش، عامل دوشة ليه على الصبح؟ مازن: أنت مين أنت كمان؟ مراد: لأ، عيب أوي أوي أما تكون مش عارفني. مازن: وأعرفك منين يا راجل أنت؟ مراد بضحك: يعني عايز تخطف مراتي من غير ما تعرف جوزها؟ مازن بصدمة: نور مراتك؟ مراد: عايز نور ليه؟ مازن: نور دي بتاعتي أنا.

مراد بعصبية وعطاه بوكس: بقولك مراتي، أنت بتفهم؟ مازن بقهقهة عالية: أنا أخدت منها أغلى اتنين في حياتها، وزي ما أخدتهم هاقدر آخدها، يا ليا يا لربنا، هي مش لحد تاني غيري. مراد حاول يمسك أعصابه: آه، يعني أنت اللي قتلت أمها وأخوها؟ مازن بضحك: الله ينور عليك، أنا قتلتهم. وهوووب، الشرطة دخلت. مراد بضحك: مكنتش أعرف إنك هتعترف بالسهولة دي وقصتك هتخلص بسرعة كدا، يلا فداه.