رواية عشق الروح الفصل التاسع 9 - بقلم ياسمين عبده

جري يونس على الأوضة ولقي منه على الأرض وبتتوجع من بطنها. يونس ببعض الخوف: مالك يا منه؟ أي اللي حصل؟ منه بخبث وكذب: ملك حطتلي حاجة في العصير اللي شربته. بطني بتوجعني أوي يايونس. آه. وبدأت تبكي. ملك بصدمة: أي اللي انتي بتقوليه ده؟ وأنا أعمل كده ليه أصلاً؟ أنا معملتش كده وإنتي كدابة. يونس بعصبية: بس خلاص اسكتي خالص يا ملك. حسابك معايا بعدين. وشال منه وخرج وراح المستشفى.

كل ده تحت نظرات ملك وبكائها. فلم تستطيع أن تصدق أنه لم يصدقها وكذبها. جدتها بحزن عليها: متزعليش يا حبيبتي. هو بس متعصب ومش عارف بيقول إيه. ملك بتسرع وبكاء: لا يا تيته. هو قاصد وعارف بيقول إيه. وأنا خلاص مبقتش قادرة أستحمل. وأنا هروح أرفع عليه قضية خلع. خليني أخلص من القرف ده بقى. وسبتها ولبست خمارها ونقبها وخرجت. عند يونس ومنه. أخد يونس منه على المستشفى والدكتور كشف عليها وقال: الدكتور: ده تسمم غذائي وهنعملها تنضيف.

شكر يونس الدكتور. وأخدوا منه علشان يعملولها تنضيف معدة. فلاش باك. منه اتغاظت أوي من ملك ودخلت أوضتها. بس جتلها فكرة شيطانية. كانت ملك عاملة عصير على الأكل. بس منه هي اللي شربت منه لأنه ما أكلتش منه. جابت برشام بيدي نفس أعراض تسمم. وأخدته وعارفة إن يونس هياخدها على المستشفى. باااك. عند ملك. ملك راحت على المحكمة ورفعت قضية خلع على يونس. والقضية اتقبلت. إلا إذا الزوج رضي يطلق مراته بالمعروف من غير مشاكل.

رجع يونس البيت وكان شايل منه على إيده. ودخلها أوضتها وخرج. لقي جدته في أوضتها معاها ملك. يونس بغضب: لي عملتي كده؟ انطقي. لي تسمميها؟ لي؟ ملك ببرود: أنا مسممتش حد. وهي كدابة. يونس بغضب أكبر: هتكون أخدت إيه؟ الدكتور اللي قال إنه تسمم غذائي. وهي بتقول إنك حطتيلها حاجة في العصير. ملك بجمود: أنا شربت من العصير اللي هي شربت منه. يعني مجراليش حاجة. لي؟ يونس

بعصبية ومسك إيديها بعصبية: عارفة إن اتكرر ده تاني هوريكي حاجة عمرك ما شفتيها. سامعة؟ ملك شالت إيديها منه وقالت: اللي عندك اعمله. أنا مش خايفة منك ولا عندي حاجة أخاف منها علشان أكذب. فجأة الباب خبط. خرج يونس وفتح الباب. لقي مسؤول الجوابات. وأداله إشعار من المحكمة. يونس بإستفهام: هو إيه ده حضرتك؟ مسؤول الجوابات: ده إشعار من المحكمة. زوجتك رفعة عليك قضية خلع. والجلسة هتبقى يوم. ممكن توقع هنا.

يونس بغضب جحيمي وقع. وبعدين دخل عند ملك لقي الباب مقفول. يونس بغضب يكاد يفطر الأرض واليابس: افتحي الباب. إنتي إزاي تتجرأي وترفعي عليا قضية خلع؟ افتحي. ملك من الداخل: أنا مش عايزاه. أنت لو لسه فيك نخوة طلقني برضاك أحسنلك. يونس بغضب كسر الباب ودخل. ملك خافت من شكله بس تظاهرت بالجمود. يونس قرب منها وضربها كف. وقعها على الأرض من شدته. يونس بغضب جحيمي: إنتي طالق. مش يونس الأسيطي اللي واحدة زيك ترفع عليه قضية وتخلعه.

وخرج وسابها وخرج برا البيت كله. جلست ملك على الأرض تبكي بشدة. ولكن سرعان ما استجمعت نفسها ولمت هدومها ولبست. وقررت تسيب البيت. لأن خلاص مبقاش ليها الحق إنها تعيش هنا. ودعت جدتها وخرجت. راحت على بيت كان والدها قبل ما يموت مشتريه في إسكندرية. راحت وقعدت فيه. وقررت إنها هدور على شغل وهتبدأ حياة جديدة بعيد عن يونس وتنسى حياتها القديمة.