رواية عشق الروح الفصل العاشر 10 - بقلم ياسمين عبده

رجع يونس البيت. كان مفكر انو ملك لسه موجودة. منه بدلع: تسلملي حبيب قلبي، احسن حاجة انك طلقتها وخلاص بقينا مع بعض أنا وأنت بس، ومفيش حد هيفرقنا تاني. وكويس إن ملك مشيت، لأنها ملهاش قاعدة في البيت ده تاني. يونس بصدمة: هيا مين دي اللي مشيت؟ ملك راحت فين؟ هي مش في أوضتها؟ ردي عليا يا منه. كان هذا بصوت عالي جداً. منه بخوف من صوته: أنا معرفش، أنا شفتها وهي ماشية وماسكة شنطتها وخرجت. وعرفت إنك طلقتها، بس معرفش راحت فين.

يونس راح لجدته بسرعة رهيبة. أول ما دخل لقى جدته قاعدة وسرحانة ودموعها نازلة. يونس بندم وحزن: تيته، هي ملك راحت فين؟ أنا مش قادر على بعدها. أرجوكي يا تيته قوللي هي راحت فين بس، وأنا هروح أجيبها وأصلحها. جدته فاطمة بحزن: للأسف يا يونس، أنت خلاص خسرت ملك. مبقاش ينفع إنك ترجعها. قبل ما تطلقها، أنت كسرت قلبها وبعدها خلاص. سيبها بقى تعيش حياتها، وأنت كمان عيش حياتك مع مراتك ومالكش دعوة بيها تاني.

يونس بحزن وغضب: إزاي يعني مليش دعوة بيها؟ لازم ترجعلي تاني، وأنا مش هسكت غير لما ألاقيها وأرجعها تاني، حتى لو هقلب البلد عليها. بس مش هسيبها. وبعدين ساب جدته وخرج. جدته: ربنا يهديك يا ابني وتفهم إنها خلاص مبقتش عايزاك. ............ عند ملك. كانت تستعد عشان تنزل تشوف شغل. ملك أساساً مخلصة جامعة تجارة قسم حاسبات. ملك دخلت الشركة وقدمت على وظيفة، بس بسبب لبسها اترفضت. راحت قدمت في شركة تانية، بس برضه اترفضت.

ملك في نفسها: دي آخر شركة هروحها النهاردة، ولو اترفضت تاني هروح وأبقى أكمل بكرة. دخلت ملك الشركة، وكانت شركة مصطفى الكيلاني. ودخلت قدمت على الوظيفة، وكانت السكرتيرة بتبصلها من فوق لتحت. السكرتيرة: اتفضلي، مستر عمر مستني حضرتك جوا. دخلت ملك وكان عمر مديها ضهره. ملك بتوتر: السلام عليكم. لف عمر وبإستغراب: عليكم السلام، اتفضلي. ملك قعدت، وكان عمر مستغرب جداً إزاي واحدة زي دي جاية تقدم في شركة زي دي.

عمر بجدية: أهلاً وسهلاً، اسم حضرتك؟ ملك بتوتر: ملك، وتفضل حضرتك ملفي أهو، وده الـ CV بتاعي. عمر بإعجاب: ما شاء الله، ده انتي طلعتي شاطرة جداً. طالعة الأولى على دفعتك. وبعدين قفل ملفها. عمر: أنتي ليه ما اشتغلتيش في الكلية بتاعتك معيدة؟ ملك بجدية: لأني أنا في بلد غير بلدي، وكليتي مش هنا. عمر بجدية: OK، تقدري تبدئي شغل من بكرة، والمواعيد كلها مع سمر السكرتيرة، وإنتي هتكوني سكرتيرة البشمهندس مصطفى رئيس الشركة دي. تمام؟

ملك بإيماء: تمام، شكراً لحضرتك. وبعدها خرجت بره. ملك قابلت السكرتيرة سمر، وشرحتلها كل حاجة وشغلها هيكون إزاي والمواعيد. وبعدها ملك كانت خارجة من الشركة، بس مكنتش واخدة بالها، وخبطت في حد وقعت على الأرض. ملك بتوجع: مش تفتح يا أستاذ! مصطفى بغرور: أنتي اللي ماشية زي الـ... بتاع اللي أنتِ لبساه ده! ملك بغيظ بس وطت صوته: بجح وقليل الذوق. وبعدين مشيت. ........... عند يونس.

رجع يونس البيت وكان تعبان جداً. بيحاول يوصل لملك بأي طريقة، بس مش عارف. كلم كل معارفه وأهله، وقالوا له إنها مرجعتش البلد. يونس بحزن لنفسه: أنتي فين يا ملك؟ أنا آسف والله، ارجعي أنتي بس وأنا هصلح كل حاجة. بس ارجعلي، مش قادر أتقبل فكرة إنك تكوني بعيدة عني. ارجعلي يا ملك. خرجت منه من الأوضة، لقت يونس قاعد في الصالة وحزين. منه بخبث: يونس حبيبي، أنت زعلان لي كده؟ أحمد ربنا إنك خلصت منها عل... يونس بمقاطعة بغضب: اخرسي!

أنا هألاقيها هرجعها ليا تاني، وهعمل المستحيل عشان تسامحني. وبعدين على صوته ومسك دراع منه جامد: لو سمعتك بتجيبي سيرتها تاني، هقطعلك لسانك، فاهمة؟ وسابها ودخل أوضته. بكت منه من الوجع. منه في نفسها: والله لأوريك، لآندمك على كل حاجة. ........... في الصباح. قامت ملك لبست وأدت فرضها، وجهزت الفطار وأكلت. وبعدين مشيت على شغلها.

ملك وهيا في الشركة، استلمت شغلها. وكان لسه المدير ما جاش. عمر بعت لملك ملفات تجهزها عقبال ما المدير يجي. وصل مصطفى وراح داخل الشركة وطلع لفوق على مكتبه. وهو داخل، ملك أخدتش بالها منه، ولا هو برضه. وبعدين طلب ملك. أول ما ملك دخلت. ملك بإستحياء: حضرتك طلبتني؟ رفع مصطفى وشه، وأول ما شافها. مصطفى برفع حاجب: هو أنتي؟ ملك بصت بسرعة وبصدمة: أنت...