رواية عشق الروح الفصل الأول 1 - بقلم عائشة الكيلاني

يعني إيه مش فاهمة. عمر ببرود: يعني مش عايزاه، مش عايز أولاد. أغني لك ولا سمعتي؟ روح، أنا بحبك وكل حاجة، بس أنا مكتفي بكده. مفيش داعي لصدع ده. بالليل تخلصي منه. أنا بحبك واتجوزتك عشان بموت فيكي، لكن لحد هنا. مش هسمحلك. اتجوزتك آه، عيال ووجع دماغ مش عايز. تمام يا حبيبي. روح بصتله بصدمة، كأنّه شخص تاني. قالت ودموعها بتنزل على وجنتيها: أنت مين؟ فين عمر؟ فين الإنسان اللي حبيته واتجوزته؟

مش عمر. بلاش تعمل فيا كده. خليه يجي، أنا محتاجة لأولاد. أنا زهقت إني مش بعمل أي حاجة غير إني في البيت. بلاش الكلام القاسي ده، أرجوك. روح مسكت إيده بدموع وانهيار: عمر، بلاش تختبر حبي ليك بكده. ربنا رايد إنه ييجي. أنت بتعمل فيا كده ليه؟ كل ده عشان بحبك؟ أيوه، أيوه يا أخي بتعاقبني على حبي ليك؟ يا لهوي الحب اللي يخليني مهانة بالشكل ده. هتقول لي اتحديت الدنيا عشان أتجوزك؟ أنت محبتنيش يا عمر. أنت عمرك ما حبيبتني. عارف ليه؟

عشان اللي بيحب مش بيوجع. اللي بيحبه مش بيستنى أي فرصة عشان تجرحني وتجرح كرامتي. أنا ذنبي الوحيد إني حبيتك. بس مش هحبك زي ابني اللي ملوش أي ذنب إنه عنده أب زيك. عمر بص لها بحدة: طب يا روح، هقولهالك لآخر مرة. يا أنا يا ابنك اللي لسه مجاش على الدنيا. اختاري دلوقتي، تختاري بينا حالا. القرار ليكي يا روحي. روح بدموع وحزن: وأنا مش هتخلى عن ابني يا عمر. عمر قبل راسها ببرود:

انتي طالق يا حبيبتي. طالق. ارجعي بالليل ملكيش أثر، حتى لو صدفة. مفهوم يا حبيبي. ابتسم بسخرية وخرج. روح بصت لطيفه. فلاش. الأم: يا بنتي يا حبيبتي افهمي. ده مش شبهنا. هتتعبي معاه. مش هترتاحي. لا هو من مستواكي ولا انتي من مستواه. فوقي يا بنتي الله يهديكي. روح: بصي يا ماما. يا عمر يا ماما. مش هتجوز. أنا بحبه وهو بيحبني. مستحيل يسبني. أرجوكي يا ماما خلي بابا يوافق. أرجوكي.

الأم: ماشي يا روح، بس افتكري إني حذرتك. ربنا يعملك اللي فيه الخير يا حبيبتي. مشهد تاني. مامت عمر: أنا ابني مش ثابت على حاجة. الصبح بيحب العربية قوي، وبالليل بيكون مش طايقها. متفرحيش قوي باهتمامه ليكي، لأن هيجي وقت وهيغير. أنا مش بقلقك، لكن بقولك فوقي والحقي نفسك. باك. روح حطت إيديها في شعرها:

لا، لا، لا. عمر ميعملش فيا كده. عمر بيحبني وهيرجع. عمر مش هيسبني. حبيبي ميعملش فيا كده. أنا مش همشي. لا، لا، أكيد بيهزر. بيهزر، بس هزاره رخيم. روح خرجت من الأوضة، دخلت المطبخ وهي مش شايفة قدامها. وقعت على الأرض، غمضت عيونها و...