رواية عشق الروح الفصل الثاني 2 - بقلم عائشة الكيلاني

روح بصرخة: ااااه. عمر بقلق عليها: بسم الله الرحمن الرحيم. روح انتي كويسة؟ بتصرخي ليه؟ مالك يا حبيبتي؟ روح حطت إيدها على قلبها وبقت تبص لعمر. دقات قلبها بقت سريعة جداً. عمر بصّلها باستغراب وعدم فهم: روح مالك؟ انتي كويسة؟ طب أنا زعلتك في حاجة من غير ما آخد بالي؟ اتكلمي يا روح. سكوتك دا بيجنني. حصل إيه يا حبيبتي؟ روح بصّتله بدموع متحجرة، دفنت نفسها في حضنه وبقت تبكي برعب: ليه يا عمر؟ أنا عملت لك إيه علشان تسيبني؟

أنا ما أجرمتش لكل دا. طالما مش بتحبني اتجوزتني ليه؟ ها؟ ليه يا عمر؟ عمر بعدها عنه، حط إيده على وجنتيها وبصلها بحب: أنا مستحيل أسيبك يا روح مهما حصل. أنا لكِ لأبد. انتي روحي. مفيش حاجة تفرق بينا غير الموت. بحبك يا روح الروح. روح بعدت إيديه عنها وقامت: انت بجد فايق ورايق؟ عمر بجد أنا حاسة إننا مش هنكمل مع بعض. كل يوم أحلم نفس الحلم. كل يوم حتى وأنا صاحية عقلي بيتخيل نفس المشهد اللي بشوفه.

عمر قام، أخد نفس عميق واتجه ليها. مسك إيدها وباسها: يا روح، ما ده طبيعي طول ما انتي بتتفرجي على أفلام كتير، هندي كتير. وبعدين شكل الحمل طالب معاكي أحلام. عرفت إنك حامل وطلاقك. وأهو عرفت وفي انتظار ابننا يجي على الدنيا. روح، طلعي الحاجة دي من دماغك لأن مش هيحصل. أنا مش هسيبك وده غصب عنك، مش هاخد رأيك. تمام يا حبيبتي؟

روح هزت راسها وبصتله بابتسامة. عمر خرج. روح تنفست بعمق وخرجت. راحت المطبخ حضرت الفطار وحطيته على السفرة وتناولوا الفطار. عمر راح لشركته وهي راحت لأهلها تقعد معاهم لحد الليل. بالليل في بيت أهل روح. روح بتعب: نفس الحلم. شهد: عادي يا روح. وإيه المشكلة؟ انتي هتأخدي بالأحلام؟ انتي من ساعة ما اتخطبتوا وإنتي بتحلمي نفس الحلم ومحصلش حاجة. ممكن تروقي شوية؟ روح:

مش مطمنة يا شهد. قلبي مش مطمن. حاسة إني مش هفضل في السعادة دي. أكيد في نكد جاي على الطريق. شهد: لا، أنا مش ناقصة نكدك. كفاية الزفت التاني. انتي سديتي نفسي عن الجواز. أنا هتصل بيه يجي ياخد حاجاته. روح: رايحة فين يا زفتة؟ شهد: إنتي اخت مش جدعة. وأنا اتقفلت. كل يوم نفس الحلم ونفس الكلام. كده كتير أوي. شهد دخلت أوضتها. روح فضلت تضحك. الباب خبط. روح: ده أكيد عمر. روح راحت فتحت الباب. روح: إنتي؟ ميرا بابتسامة:

إزيك يا ضرتي؟ وحشتيني أوي. عمر قالي عنك بس نسي يقول إنك حلوة أوي. له حق يتجنن بيكي. أنا ضرتك وأم أخ أو أخت ابنك. الأ هو ولد ولا بنت؟ صحيح لسه بدري. روح بغضب: لو جاية تقرفني أحب أقولك إني مش بؤمن بالكلام ده يا ميمي. ميرا ببرود فتحت فونها: حتى لو معايا دليل على كلامي وإن جوزك هيبقى جوزي يا روح الروح. روح رجليها مش شايلاها. خدت الفون منها وهنا كانت الصدمة و......