رواية عشق الصقر الفصل الأول 1 - بقلم شهد طارق

في مدينة الإسكندرية، عروس البحر المتوسط، وخاصة بمنطقة الإبراهيمية. تستيقظ شهد على صوت منبه هاتفها. شهد بصوت نعاس: اوف.. أروح ولا مروحش؟ لأ روان قالتلي إنها رايحة، خلاص أروح وخلاص. قامت شهد لبست وجهزت، وطبعًا أعدت على الموبايل عشان تكمل قراءة رواية "العنيد" اللي سابتها امبارح بليل. تدخل فاتن: يا بنتي سيبك الموبايل ده شوية مش كده؟ شهد: يوه يا ماما كل يوم الموال ده، قولتلك أنا بعشق الروايات. وبعدين أنا اتأخرت، يلا سلام.

فاتن: ربنا يهديكي. *** بعد ما نزلت وركبت عشان تروح المدرسة، وقبل ما توصل رنت على روان عشان تنزل يروحوا مع بعض. ووصلت فضلت مستنية عشر دقايق. بعدها جت روان. روان: صباح الخير، اتأخرت عليكي. شهد: لأ يا حبيبتي مش أوي، يلا بينا. وهما ماشيين. شهد: ها قررتي هترسي على أدبي ولا علمي؟ روان: والله لأ يا شهد لسه مش عارفة فعلاً. شهد: يا بنتي خدي قرار بقى، بقالنا أسبوعين بنتكلم في الموضوع ده. روان: ما انتي عارفاني في القرارات.

شهد: هتقوليلي على يدي؟ روان: ههههههه. ووصلوا المدرسة. شهد: يلا يا قلبي، نتقابل في البريك ماشي. روان: ماشي حبيبتي، باي. *** في مكان آخر في إسكندرية. في قصر كبير. يستيقظ بطلنا على المنبه. يقوم بعمل تمارين بغرفة الرياضة، ويستحم، ويلبس بدلته الرائعة ويفتح أول زرارين من قميصه، فـ يبان رائع جدًا. ويذهب لشركته، شركة الصقر. *** في شركة الصقر. يدخل بهيبته، والكل يحييه بصمت.

وينطق فقط: نانسي، هاتي الملفات اللي قولت عليها. وقولي لمروان يجيلي. نانسي: أمرك يا صقر بيه. بعد شوية. نانسي: الملفات يا صقر بيه. يدخل مروان. مروان: حبيبي، طلبتني؟ صقر بنظرة حادة: اقعد يا مروان. مروان في سره: ربنا يستر، مبحبش النظرة دي. قصدي بخاف منها. مروان: احم، كنت عايزني في حاجة؟ صقر: هو أنا مش قولت مليون مرة طول ما احنا في الشركة تقولي صقر بس؟ ده آخر تحذير. بلاش أحذرك بطريقتي.

مروان: لأ يا عم، أسفين. حاضر يا صقر. كنت عايزني في إيه؟ صقر: إنهاردة هقضي اليوم مع جدتي. أي شغل إنهاردة خَلّصه انت. مروان: آه يا عم، ناس تقضي اليوم مع زوزو وناس مع الشغل والعملاء. صقر: زوزو مين يلا؟ مروان: زوزو تيتة. صقر: امشي يا مروان من قدامي حالا. مروان: أنا أصلاً كنت ماشي. خلاص اهدى، بهزر. *** في مدرسة الرمل. شهد: عندنا إيه دلوقتي يا بيبة؟ حبيبة: إنجليزي. شهد: اوف، ميس منى. اللي شبه أبلة ميرفت دي.

حبيبة: آه يا أختي. أنا بفكر أزوغ. شهد: وأنا. ودخلت ميس منى. شهد: ياربى، ملحقناش. حبيبة: خلاص بقى نستحمل. شهد: اهئ اهئ. والله حرام. حبيبة: صراحة عندك حق. وخلصت الحصة وجه البريك. وطلعت شهد لروان فصلها. شهد وهي تحضن علياء، صاحبتها من السنة اللي فاتت. شهد: لولو حبيبتي، وحشتيني. علياء: وانتي أكتر يا قلبي. شهد: بت، هنلبس إيه في خطوبة سالي؟ روان: ونبي يا أختي ما عارفة.

شهد وهي تنظر لعلياء: نفسي أستفيد منها في حاجة. كل ما أقولها على حاجة مش عارفة، مش عارفة، هتشل. روان: ما قولتلك أنا في اتخاذ القرارات معنديش، يا أما ارحميني. شهد: والله عارفة. واعدوا يتكلموا وياكلوا، وخلص البريك. شهد: روان، هستناكي عند البوابة. روان: خلاص تمام. باي. *** خلص اليوم. وخارجين من المدرسة. شهد: ها، هنروح سرايا ماركت؟ روان: طبعًا، يلا. راحوا اشتروا شوية حاجات وطلعوا. *** في جهة أخرى.

صقر: خلاص يا زوزو، والله أنا نازل من العربية أهو وداخل الشارع. في نفس الوقت روان وشهد ماشيين. تتخبط شهد في صقر. شهد: مش تفتح يا أعمى انت! صقر: أعمى مين يا بت انتي! شهد: هو في غيرك؟ صقر: اعتذري حالا. وهي بتضحك بسخرية وبتنظر لـ روان: هههه، اعتذر؟ ده عايزني أنا أعتذر؟ امشي يلا، بابا العب بعيد. ومشيوا. صقر: طب وحياة أمي لأوريكي إزاي تغلطي في الصقر.

واتصل بحراسته: البنت الماشية دي تنسوا وراها وتجيبولي كل حاجة عنها إنهاردة بليل، مفهوم. صقر: هه، عشان تعرفي تغلطي في الصقر.