رواية عشق الصقر الفصل الثاني 2 - بقلم شهد طارق

بيت شهد شهد: مش ممكن، إيه الحر ده. فاتن: معلش يا شهد، أحضرلك الغدا؟ شهد: آه بسرعة يا ماما، لأني عايزة أنام. بعد ما اتغدت، مسكت الموبايل تكمل تأليف أو قراية رواية، وبعدها نامت. في بيت جدة صقر زينب: وحشتيني يا صقر أوي، كده تغيب عليا؟ صقر: معلش يا تيتة، عارف إني مقصر معاكي، بس الشغل كله فوق دماغي. زينب: الله يعينك يا حبيبي، ويرزقك ببنت الحلال يا رب. صقر بسخرية داخلية: ههه، بنت الحلال. آه إن شاء الله.

بعد ما صحيت شهد، اتصل باباها على التليفون. شهد: بابا حبيبي، وحشتني. طارق: إنتي أكتر يا روح بابا، عاملة إيه يا حبيبتي؟ شهد: تمام الحمد لله. طارق: إيه أخبار المدرسة؟ شهد: ليه يا بابا السيرة دي؟ على العموم كويسة. طارق: ماشي يا حبيبة بابا، عايزة حاجة؟ شهد: لأ يا بابا، ربنا يخليك. باي. طارق: باي. المساء في قصر الصقر صقر: ها، جبتلي قرارها؟ جاسم: أيوه يا صقر باشا، اتفضل، الملف ده فيه كل حاجة. صقر: ماشي، روح إنت يا جاسم.

فتح الملف وقراه بعمق. صقر: أما أوريك إزاي تغلطي في الصقر، ما بقاش أنا. بيجي تاني يوم، وشهد بتنزل تعمل نفس الروتين كل يوم وتتقابل هي وروان. وفي البريك، روان حاسة إن شهد سرحانة وزعلانة. روان: شهد.. شهد. شهد: نعم يا روان. روان: مالك يا بنتي؟ من الصبح وأنا حاسة إنك مضايقة وسرحانة كل شوية. شهد: مش عارفة يا روان، من الصبح وأنا قلبي واجعني ومضايقة، مش عارفة ليه. روان: معقول؟ معلش حبيبتي، يمكن ضغط الدروس والمدرسة.

شهد: يمكن، يلا نطلع عشان المدرسين ما يزعقوش. روان: يلا. عند الصقر صقر: مش عايز غلطة واحدة، تبقى عندي انهاردة متكتفة ومرمية في البدروم، مفهوم؟ الرجالة: مفهوم يا باشا. صقر بابتسامة واسعة: نهايتك قربت يا.. هه.. يا شهد. بعد ما شهد وروان خلصوا المدرسة وطالعين مروحين. شهد: روان، أنا نمشي من الناحية التانية عشان أقرب للدرس. روان: ماشي حبيبتي، يلا باي، نتقابل بكرة. شهد: باي يا قلبي.

وبتمشي شهد حاطة الهاند فري وسرحانة وبتسمع. وفجأة بتيجي عربية من جمبها وبيطلع منها رجالة، وقبل ما تصوت كانوا حاطين إيدهم على بقها ومخدرينها، وخدوها في العربية ومتجهين لقصر الصقر. عند بيت شهد فاتن: غريبة، شهد ما اتصلتش بيا بعد المدرسة، يمكن طلعت على الدرس على طول، أكيد بعد الدرس هتتصل بيا، بس ليه حاسة بقلق كده؟ ربنا يستر. بعد ٥ ساعات. في قصر الصقر

شهد بتبدأ تفوق وتفتكر اللي حصل، بتلاقي نفسها مربوطة جامد، وفي شريط أسود على عينيها. شهد بخوف وصوت واطي: يا لهوي، أنا اتخطفت. لأ، لا مش معقول، خطف إيه؟ أنا هموت من الخوف. مين اللي خطفني؟ وعايزين مني إيه؟ طب طب، أعمل إيه؟ أنا أفضل ساكتة أحسن لغاية ما أشوف هعمل إيه. يارب يارب احميني وانقذني. وبعد ساعة، بتسمع صوت الباب بيتفتح، الخوف بيبقى رعب. وبتسمع صقر: أهلاً أهلاً يا شهد، نورتي قصري. شهد بخوف: إنت.. إنت مين؟

صقر: أنا الصقر. شهد: تشرفنا، ممكن أعرف إنت مين وتعرفني منين أصلاً؟ وأكملت بخوف: و.. خاطفني ليه؟ صقر: حيلك حيلك، كل دي أسئلة. على العموم هجاوبك، أنا صقر المنياوي، أعرفك منين؟ فاكرة اللي قولتي له يا أعمى ومردتيش تعتذري؟ هو أنا. أما بقى خطفك ليه، ف عشان أوريكي اللي بيغلط في الصقر بيحصل له إيه. شهد بصدمة وزهول وخوف: إنت مجنون أكيد ومريض نفسي بتخطف بنت عشان قالتلك يا أعمى؟ والله مجنون.

صقر بيقوم وبيسحب حزامه: ما أنا دلوقتي هوريكي المجنون ده هيعمل إيه.