رواية عشق الصقر الفصل الخامس والعشرون 25 - بقلم شهد طارق

دخل صقر الأوضة وانبهر من منظرها. كان كل شبر في الأوضة مليان بصوره هو وهي. حتى على الكومود، على التسريحة، كل جزء في الغرفة كان هو فيها. شهد: عجبتك؟ صقر: إنتي جبتي كل الصور دي منين؟ شهد: كانت على موبايلي، طبعتها وعلقّتها. راحت جابت بوكس كبير نوعاً ما. شهد: افتحه. فتح صقر البوكس، كان فيه ساعة شيك جداً ومدالية فيها صورته وصورتها وبرفان من النوع اللي بيحبه.

شهد: أول ما بقى معايا فلوس كويسة، بقيت بشتريلك هدية كل عيد ميلاد ليك، عشان أحس إنك معايا. وطلعت علبة من شنطتها. شهد: دي هدية عيد ميلادك السنة دي. أوعى تكون فاكر إني نسيت عيد ميلادك كان امبارح. أنا أنسى نفسي ومنساش عيد ميلادك. كل سنة وإنت طيب يا حبيبي يا عشقي. الخاتم ده مش عايزك تقلعه من إيدك أبداً. لو قلعته من إيدك هعرف ساعتها إن حبك ليا انتهى. قام وحضنها أوي كأنه هيكسر ضلوعها.

صقر: بقيتي بتغلّبيني بالكلام يا شهد لدرجة مبقتش ألاقي كلام أرد عليكي بيه. شهد: كفاية عليا حضنك ده. مش عايزة كلام. كنت بحب الأوضة دي أوي ومستحيل أنام إلا لما أدخلها. *** تاني يوم. شهد: تفتكر بابا وماما هيسمحوني المرادي؟ صقر: بصراحة مش عارف. إنتي المرادي غلطتي غلطة كبيرة أوي يا شهد. أنا سامحتك عشان مش قادر أزعل منك أصلاً، لكن إنتي اختفيتي ٦ سنين يا شهد. مش حاجة سهلة أو هينة.

شهد بحزن: أنا عارفة كل ده والله. طب ممكن تجمعهم الليلة لأي سبب؟ صقر: حاضر يا قلبي. هروح أتصل بيهم. *** راح اتصل بيهم كلهم وقال لهم إنه عايزهم في موضوع مهم. وبعد كام ساعة وصل أهل شهد وروان ومروان وشهد بنتهم. طارق: خير يا صقر جمعتنا ليه؟ صقر: احممم. أنا عرفت سبب اختفاء شهد. كلهم بصدمة: إيه؟! طارق: وعرفت إزاي وإحنا منعرفش عنها حاجة؟ صقر: مش مهم عرفت إزاي، المهم إني عرفت.

طارق: ويا ترى عرفت سبب اختفائها ووجع قلبنا بسببها؟ صقر: سبب إنها تختفي عشاني عشان تحميني. فاتن: إزاي مش فاهمة؟ صقر: وحكى ليهم كل حاجة. فاتن بدموع: يا عيني عليكي يا شهد. شفتي في حياتك كتير. آآآه بس هي فين دلوقتي؟ فين؟ روان: آآآه يا شهد وحشتيني أوي. صقر: يعني لو لقيتها ورجعت هتسامحوها؟ كلهم: شهد دي قلبنا، منقدرش منسامحهاش. طلعت من أوضة المكتب بدموع. شهد بدموع: وحشتوني. كلهم وقفوا وفي حالة صدمة. جريت عليهم وباست

إيدين أبوها وأمها وبدموع: سامحوني. آسفة والله. شدوها لحضنهم وبدموع: وحشتينا يا شهد. وحشتينا أوي. شهد: وإنتو كمان وحشتوني أوي. وجريت على روان. شهد: وحشتيني. وحشتيني أوي. روان بدموع: وإنتي وحشتيني أوي أوي. طلعت من حضنها ونزلت لمستوى بنتها. شهد: دي شهد؟ روان: أيوة. شهد: سميتيها على اسمي ليه؟ روان: عشان إنتي أغلى حد في حياتي. شهد: ربنا يخليكي ليا يا رب. روان: ويخليكي ليا. وقامت وقفت قدام الكل.

وقالت: بعتذر ليكم كلكم إني كنت السبب في إنكم تتوجعوا ولو للحظة واحدة. بس مكنش بإيدي. كان أغلى حد في حياتي أو يمكن حياتي كلها كان في خطر. وكنت مخيرة بين خيارين، يا أخون جوزي يا يموت. مكنش قدامي حل غير إني أبعد. أنا آسفة، سامحوني. كلهم: مسامحينك. شهد: طالما كده، كنت عايزة أقولكم حاجة. سمعتوا عن المخرجة سهيلة المنياوي؟ روان: مخرجة برنامج صوت الحياة؟ شهد: اها. فاتن: اه، أنا بتابع البرنامج ده دايماً.

شهد: أنا سهيلة المنياوي. فاتن وروان بصدمة: إزاي؟ صقر: أول امبارح كانوا مستضيفيني في برنامج صوت الحياة لأن الحلقة كانت بتتكلم عن ملوك الاقتصاد في السوق. والمفروض إني أقابل المخرجة. كنت واقف أنا ومروان بنتكلم مع حد لغاية ما جه المساعد بتاعها يعرفني على سهيلة المنياوي، لقيتها قدامي. واتضح إنها غيرت اسمها عشان معرفش ألاقيها. روان بفرحة: يعني إنتي بقيتي أكبر مخرجة في مصر؟

شهد: الحمد لله، ده كان حلمي من زمان وادي اتحقق. في حاجة أخيرة لازم أعملها. نزلت واعدت على ركبتها قدام صقر وباست إيده. شهد بدموع: أنا آسفة على كل لحظة وجع اتوجعتها بسببى. أنا بحبك، لأ أنا بعشقك. خوفت عليك. أنا مقدرش أعيش من غيرك. آه عيشت بعيد عنك، لكن لازم تبقى موجود في الحياة عشان أنا أبقى موجودة. سامحني.

قومها وشدها لحضنه وقال: أوعي تنزلي من نفسك تاني. إنتي غالية أوي. أنا اللي متضايق من نفسي إني كنت السبب في بعدك من غير ما أقصد. خلاص، انسي اللي فات. هو كان صعب، لكن انسيه. طارق: ربنا يخليكم لبعض ومتحرموش من بعض أبداً. صقر وشهد: آمين. شهد بصوت منخفض: بحبك. صقر بنفس الصوت: بعشقك. *** شهد: عايزة أسافر باريس. صقر: من عنيا، بس ليه دلوقتي؟

شهد: أنا بعشق باريس يا صقر، مش عشان شكلها لا خالص. عشان باريس أول مكان اعترفت فيه لنفسي إني بحبك. صقر بصدمة: يعني إنتي بتحبيني من أول ما رحنا باريس؟ شهد: هههههههه، أه. صقر: يا مفترية وسيباني سنة عشان أعرف. شهد: كنت عايزة أتأكد من حبي ليك وحبك ليا، وكنت عايزة أشوفك هتصبر ولا لأ. متنكرش إننا كنا محتاجين الفترة دي. صقر: عندك حق. طب إيه، مش يلا نبتدي الإجازة يا سيادة المخرجة؟

شهد: أه صحيح، بمناسبة سيادة المخرجة، هو إنت مسمعتش عن المخرجة سهيلة المنياوي خالص؟ صقر: لأ صراحة سمعت، بس مكنتش بهتم بخبر أي ست غير حبيبتي. شهد بابتسامة: يلا بينا. صقر: يلا. *** سافروا باريس وعادوا أحلى أيام ليهم. وكان أحلى شهر في حياتهم، عوضوا نفسهم من حرمان ٦ سنين. وبعدها شهد رجعت شغلها بعد ما بقت المخرجة شهد طارق، حرم صقر المنياوي، اللي بتمشي مع حراسة خاصة في كل مكان، والكل الناس بتحسدها على حياتها. ***

بعد مرور شهرين. شهد: حبيبي، إنت اتأخرت ليه؟ صقر: آسف حبيبتي، بس عندي شغل كتير. شهد: لأ يا صقر، نص ساعة وتكون عندي. أنا أصلاً تعبانة من الصبح ومش راضية أقولك. صقر بفزع: إيه؟ تعبانة؟ مالك فيكي إيه؟ شهد: تعبانة يا صقر، ولو مجتش هتعب أكتر ها. صقر: خلاص 10 دقايق وأكون عندك. متزعليش. أخذ مفاتيحه وذهب لمعشقته. وهوه يدخل باب قصره. صقر: شوشتي، أنا جيت. إنتي فين؟ دخل كام خطوة. وجاءت هي من ورائه وهمست في أذنه.

شهد بهمس: أنا حامل. صدم من الفرحة، لف ليها. صقر بفرحة: إنتي بتتكلمي بجد؟ شهد: أيوة بتكلم بجد. أنا جوايا حتة منك يا صقر. جوايا ثمرة عشقنا يا حبيبي. شالها ولف بيها. صقر: بحببببببببببك. شهد: هههههههه، براحة يا صقر. نزلها. صقر: آسف يا حبيبتي. آسف. مسكت وشه بحب: فرحان أوي كده؟ صقر: طبعاً، أنا مش قادر أوصفلك فرحتي. طب مش هنحتفل؟ شهد: هههههههه، يلا نحتفل. *** بعد سنة. صقر في مكتبه بيتكلم في التليفون.

صقر: اممم. تمام. لأ، برافو. شكراً. شهد برة سمعت صوت جرس الباب. شهد: نعمات، نعمات، افتحي الباب. راحت نعمات فتحت الباب وبعدها راحت لشهد. نعمات: العلبة دي عشانك يا هانم. شهد باستغراب: عشاني؟ ماشي، هاتيها. لما أدخل أشوف صقر بيعمل إيه. ادخل. صقر: تعالي يا قلبي. وراحت قعدت على رجله. شهد: إيه يا حبيبي بقالك كتير شغال؟ صقر: حقك عليا. كان عندي شغل كتير. وأكمل بخبث: إيه العلبة دي؟ شهد: مش عارفة، جاتلي من برة. استنى أفتحها.

فتحت شريط العلبة، وكان بداخلها كتاب بعنوان "عشق الصقر، بقلم شهد طارق". شهد بفرحة شديدة: دي روايتي! دي روايتي يا صقر. إنت اللي عملت كده صح؟ صقر: إنتي قولتيلي إنك خلصتي كتابة قصتنا بس مش عارفة تسميها إيه. ملقتش اسم مناسب أكتر من إنك "عشق الصقر يا قلب صقر". حضنته بشدة. شهد: إنت أحلى إنسان في الدنيا. أنا بحبك أوي، لأ أنا بعشقك. يا حياتي يا روحي. صقر: بجد عجبتك أوي كده؟

شهد بدموع من الفرحة: إنت مش عارف أنا فرحانة إزاي. ربنا يخليك ليا. وهو يمسح دموعها. صقر: ليه الدموع دي؟ شهد: مش مصدقة كل اللي أنا فيه. حاسة إني بحلم. صقر: لا يا قلب صقر، مش بتحلمي. وأكمل بمرح: ويلا اجهزي، عندك حفلة توقيع كمان ساعتين. شهد بفرحة ودموع وحب: بعشقك، بعشقك. يا حياتي. صقر وهو يحتضنها: وأنا بعشقك يا عشق الصقر. *** بعد مرور ٤ سنوات. "هييييييه، بابي جه." "حبيبة بابي، وحشتيني."

"وإنت أكتر يا بابي. أمال فين شوشتي؟ "سوستك قاعدة جوة بتستغل. ههههههه، يا عيني عليكي يا شهد جايبة بت لدغة في الشين، يا حظك ههههه. طب روحي العبي يا فيروزة قلبي، انتي عقبال ما أشوف شهدى. أمال فين دومي؟ "نايم." "ماشي حبيبتي روحي." دخل عليها وجدها نائمة تحتضن صورته. دخل ومسح على وجنتيها. صقر: حبيبتي، أنا جيت. وهي تفوق: وحشتني. صقر: إنتي أكتر. أمال فين فيروز وأدهم؟ شهد: فيروز كانت بتلعب وأدهم نايم.

صقر: إنت عارف إن بكرة عيد ميلاد ثمرة عشقنا. شهد: طبعاً. لسه بتعشقيني يا شهد؟ صقر: لو في كلمة أكتر من العشق كنت قولتها. إنت حبيبي وعشقي. إنت قلبي وروحي وعقلي وكياني وتوأم روحي. يا فاتن قلبي. أبكي من شدة عشقي لك. إنت من ملك قلبي. يا روحي يا عقلي. إنت ملك أحلامي وذكرياتي. وحاضري ومستقبلي. وإنت بطل أحلامي. أعشقك وعشقك في قلبي حتى الممات. صقر: آآآه من كلامك شوشتي. شهد: ده مش كلام. ده حقيقة يا عشقي. ***

الدنيا كالوردة الذبلانة. يأتي الحب والعشق، كالمياه والهواء، التي تشع الحياة بالوردة. عمر ما كان الفراق سبب في أن الحب يقل، بالعكس ممكن يكون السبب في زيادة الحب وتثبيته بالقلب. والسماح أهم شيء في الحياة، بدون سماح، ليست للحياة وجود.