رواية عشق الصقر الفصل الرابع عشر 14 - بقلم شهد طارق

خدت نفس عميق وردت: أنا مبحبكش يا صقر. غمض عينيه بألم وقال: تمام. شهد: استنى رايح فين؟ أنا مخلصتش كلامي. صقر: عايزة تقولي إيه تاني؟ مش خلاص جاوبتي؟ شهد: لأ لسه مخلصتش. قربت منه أوي وهمست في ودنه: أنا بعشقك.

رجعت بصت لعينه: أيوة بعشقك. كلمة بقالي سنة نفسي أقولها لك. نفسي لما تقولي بعشقك، أقولك وأنا كمان بعشقك. نفسي أناديلك يا حبيبي. قررت من أكتر من سنة إني مش هديك ثقتي وحبي بسهولة، وهستحمل عشان خاطرك السنة دي. أنا عديت مرحلة الحب من زمان، دلوقتي أنا في مرحلة عشقك. عشقت الراجل اللي حاول يسعدني بأي طريقة. عشقت الراجل اللي مستغلش إنه ياخد حقه بورقة. اللي حافظ عليا أكتر من سنة. عشقت الراجل اللي حسيت معاه بالأمان.

أحببتك في قسوتك، وعشقتك في حنيتك. فأنت الهواء الذي أتنفسه. عشقك هو هوائي، فبدونه تنقطع أنفاسي. أنت نبض حياتي، فبدونك يتوقف نبضي. أنت الذي يجعل دمي يتدفق إلى قلبي. فقلبي هو قلبك، وقلبي يفيض بعشقك. فأنا عاشقة صقر المنياوي. ......... واقف صقر مش مصدق، شهد بتعشقه. شهد: إيه يا صقر؟ معجبكش كلامي؟ صقر بصدمة: الكلام ده ليا؟ شهد بحب: امم أيوة بقوله لحبيبي. شالها ولف بيها: بعششششششقققككككك... وأنا بعششششششقققككككك...

صقر: اتصل بالمأذون. هزت راسها بشدة بمعنى آه. نزلها وراح اتصل بمروان. صقر: مروان، خلال نص ساعة تكون قدامي معاك مأذون وشاهد معاك. راحت شهد ولفّت إيديها حوالين رقبته: مش هنحتفل بعيد ميلادي ولا إيه؟ صقر: طبعًا هحتفل يا قلبي. نكتب كتابنا، وهنحتفل بالمناسبتين، عيد ميلاد أجمل شهد في الدنيا، وكتب كتابنا.

شهد: ماشي يا حبيبي. ياااه الكلمة دي اتمنيت أقولها من زمان، وأخيرًا قولتها. صقر، أنا عطيتك ثقتي وقلبي. أوعى تخون ثقتي أو تجرح قلبي. أنت أول حب في حياتي وآخر حب. يعني لو عملت حاجة من دول، حياتي هتتدمر. صقر: عمرك شفتي حد بيأذي روحه؟ شهد: لأ. صقر: أنتِ روحي، مستحيل أأذيكِ أو أخون ثقتك فيا. وبعد نص ساعة وصل مروان والمأذون. مروان: مبروك يا صقر. صقر: الله يبارك فيك. عقبالك يا مروان. مروان بتنهيدة: يااارب يا صقر، ادعيلي.

صقر: أنت لسه بتحبها؟ مروان: اه. صقر: هتتحل صدقني. وبعد عشر دقايق كان اتكتب كتاب صقر وشهد. ومشي المأذون ومروان. وأول ما مشيوا، جرى عليها حضنها. صقر: مبروك يا مراتي. دلوقتي بقيتي مراتي بجد قدام ربنا. تعالى. شدها من أيدها ودخلها المكتب وطلع من خزنته ورقتين. صقر: قطعيهم واحرقيهم، عشان مبقاش خلفت بوعدي. مع إنهم بالنسبالي كأنهم مش موجودين. وفعلًا قطعتهم. صقر: ارتحتي؟ شهد: فوق ما تتخيلي. صقر: طب مش يلا عشان نحتفل؟

شهد: هطلع أغير هدومي وأنزل على طول. صقر: بسرعة. شهد: عيوني. طلعت غيرت هدومها وهي في منتهى السعادة إنها بقت مراته. لبست فستان غاية في الروعة وحطت لمسات خفيفة من المكياچ. بقت قمر أكتر ما هي. ونزلت. صقر: ممكن أعاكس؟ شهد: هههههه طبعًا. بس أوعى تعاكس غيري أقتلك. صقر: هو أنا يبقى قدامي القمر نفسه وأعاكس ليه؟ عبيط؟ شهد: لأ حبيبي مش عبيط. صقر: أحلى كلمة في الدنيا. طب يلا ولا إيه؟ شهد: اه طبعًا يلا. *** عند فاتن وطارق.

طارق: كان نفسي أحضر معاها عيد ميلادها. بعتت الجواب بقالها أكتر من سنة وقالت راجعة لكم. يا ترى هترجعي إمتى يا شهد؟ فاتن: عندي إحساس إننا هنشوفها قريب. طارق: يارب يا فاتن، يارب. *** صقر: يلا انزلي. نزلوا. وانبهرت شهد بالمنظر. كان يخت مليان بالبلونات، ومكتوب: "أحلى يوم في حياتي عشان اتخلقت فيه شهدى". ومكتوب بالخط الكبير على اليخت (الشهد) شهد بفرحة: ده ده على اسمي؟ صقر: ده هدية عيد ميلادك. شهد: أنت بتهزر؟ اليخت ده بتاعي؟

صقر: أيوة وكتبته باسمك. شهد: بعشقك يا عمري. صقر: وأنا بموت فيكي يا حياتي. وقضوا أجمل ليلة في عمرهم. دخلوا كل واحد أوضته وناموا في اليخت للصبح. ......... صقر: اصحي بقى يا شهد، عندنا مشوار مهم. شهد: يا صقر عايزة أنام بقى. صقر: يلا قومي بجد مشوار مهم. شهد: اديني قمت. صقر: خدي اكتبي في الورق كل التفاصيل من ساعة ما اختفيتي للحظة دي. شهد: ليه يعني؟ صقر: هتعرفي كمان شوية.

قعدت كتبت كل حاجة، وكتبت قد إيه هي حبت صقر وتقريبًا مسابتش حاجة. شهد: خلصت. صقر: طب يلا. ركبوا العربية. وبعد شوية لقت نفسها قدام بيتها. صقر: دي قسيمة جوازنا. والجواب اللي معاكي بعد ما يستقبلوكي وإنتي ماشية، الورق ده. ولو سامحوكِ، اديهم وقت عشان يسامحوكِ. اديهم رقم تليفونك. ماشي. شهد: ربنا يستر. أنت هتستنى هنا؟ صقر: اه هفضل مستنيكي هنا. شهد: ماشي. ادعيلي. صقر: إن شاء الله هيسامحوكِ.

طلعت سلالم بيتها ومش عارفة أهلها هيستقبلوها إزاي. وخبطت على الباب. فاتن: أيوة جاية أهو. وفتحت الباب. فاتن بصدمة: شهد.