رواية عشق الصياد الفصل الأول 1 - بقلم نور محمد

يعني إيه.. ياماما عاوزني.. أجوز حد معرفوش.. ولا عمري شفته.. لا وكمان.. بتقولي عليه.. مشوه.. كده حرام. خرسي يابت.. ده ابن خالتك.. سناء.. وهو كان مسافر.. بره مصر في شغل.. وعمل حادث. وهو راجع هنا مصر.. يعني ده قضاء ربنا. بس أنا.. مش عاوزة.. أجوز بالطريقة دي.. ياماما.. وخالتي دي.. أنا عمري ماشوفتها.. أو ابن خالتي ده.. أجوزه إزاي..

بس أنا اللي عندي ياسما.. قولته.. وأنا وخالتي خلاص.. جهزنا كل حاجة.. على الأسبوع الجاي.. كتب الكتاب. إيه الأسبوع الجاي.. طب وجامعتي.. دي آخر سنة يماما.. في الجامعة.. وعاوزة أخلصها.. وأشتغل.. وأحقق ذاتي.. مش مستعدة لجواز أنا.. في الوقت ده.. أرجوكي. ادخلي.. يابت أوضتك.. ومناقشة في الموضوع ده.. تاني مش عاوزة.. امشي ياله.. من قدامي.

نفخت بضيق، من طريقة ماما دي معايا، ودخلت أوضتي، واترميت على سريري، وبدأت في العياط على حالي.

لو بابا لسه عايش، مكنش هيسمح بكده بدأ، لأنه كان بيحبني أوي، الله يرحمك يابابا، بس أنا، هعمل إيه دلوقتي، مش عاوزة، أجوز حد أنا عمري ماشوفه، أو اتكلمت معاه، والنهارده بس عرفت، إن معايا خالة اسمها سناء، وعندها ولد كمان، طيب أنا إيه ذنبي، أسيب جامعتي اللي تعبت فيها، عشان أحقق ذاتي، وبعدين وأشتغل، وأبقى ليا اسم في المجتمع، بس أمي حكمت عليا، إني أجوز ابن خالتي ده، لا وكمان مشوه، لا أنا مستحيل، أقبل بكده، على نفسي، لازم أتصرف.

طيب هعمل إيه، أقول لأخويا، اللي مسافر بره مصر هو ومراته، يساعدني، بس مظنش، إنه هيساعدني، لأنه بيسمع كلام ماما على طول، ومش بيعارضها أبدا. طيب أعمل إيه، ياربي بس، آه خطرت في بالي فكرة، هتنجح إن شاء الله، أنا هكلم، حبيبي حازم، ده زميلي، اللي اتعرفت عليه في الجامعة، من تلات سنين، وبنحب بعض أوي، أكيد هيساعدني، لأنه بيحبني أوي كمان. ومن غير تردد مسكت تليفوني، ورنيت عليه، علطول وإجاني الرد، بعد دقايق بس.

الوو.. ياسما عاملة إيه.. ياحبيبتي. أنا كويسة ياحازم.. أنت عامل إيه.. وطنط هبه.. عاملة إيه. كويسين ياحبيبتي.. بس أنتِ.. مال صوتك.. أنتِ بتعيطي. ياسما بعيط ياحازم.. عشان.. عشان ماما.. عاوزة تجبرني أجوز ابن خالتي.. اللي عمري ماشفته.. وكمان الأسبوع الجاي.. كتب الكتاب. انتِ بتقولي إيه.. ياسما.. إزاي ده.. يعني يحصل!!

زي.. ما بقولك كده.. ياحازم.. وماما مصرة.. كمان على كده.. الحقني أرجوك.. أنا مش عاوزة أجوز.. دلوقتي.. وأنا بحبك انت.. ومش عاوزة أجوز.. حد غيرك. طيب أهدي.. كده الأول.. وأنا هتصرف.. تقدري تاجي عندنا.. في شقة ماما.. حالاً مش هقدر.. عشان ماما قاعدة بره دلوقتي.. وهي متعصبة مني.. تمام.. اتصرفي انتي بكرة.. على الساعة 10 كده.. وتعالي وأنا هألاقي حل.. إن شاء الله.. متخافيش. حاضر.. هتصرف وإن شاء الله.. خير سلام.

سلام.. ياحبيبتي. قفلت معاك، وقمت اتوضيت، وصليت ودعيت ربنا يقف جنبي، وينجيني من الموضوع ده، بخير. واتسطحت على السرير، وروحت في النوم من التعب. تاني يوم الصبح صحيت وصليت وطلعت لقيت البيت كله مقلوب. في.. إيه ياماما.. إيه الكركبة.. دي كلهادي. عشان.. بكرة خالتك والعريس.. هييجوا يتقدموا رسمي.. هنا.. وبنضف زي.. ما انتي شايفة. تمام.. يماما أنا.. هساعدك.

فضلت أساعدها وأنا ببص على الساعة لحد ماخلصنا ودخلت لبست طقم الخروج بسرعة. ماما.. أنا هخرج لمريم.. صحبتي وحشتني.. وعاوزة أشوفها. لأ مفيش.. خروج نهائي.. لحد ماخالتك بكرة.. تيجي. يعني إيه ياماما.. هتحبسني هنا.. أنا مش هتأخر.. والله. قولت لأ.. وادخلي أوضتك.. فوراً ياله. فيت ودخلت أوضتي وأنا هفرقع. عاوزة أطلع بسرعة عشان أقابل حازم. قعدت أفكر شوية. آه بس لقيتها ههرب من الباب المطبخ أحسن.

وفعلاً طلعت وهربت منه، بس كانت في عيون بتراقب كل حاجة من وقت ماطلعت من البيت. ركبت تاكسي وقولتله العنوان، وبعد عشر دقايق وصلت ورنيت جرس الشقة. وفتح ليا حازم اللي كان لابس تشيرت نص كم بازر عضلاته وبنطال عادي كده. فاتكسفت منه وبصيت في الأرض. احم.. حازم هي طنط.. جوه مش كده. أكيد ياسما.. اتفضل. دخلت وقعدت في الصالون بتوتر وشك عشان مسمعتش صوت طنط في البيت. رغم إن كل مرة باجي بلاقي صوتها عالي في البيت. فسألت أطمن عليها.

هي طنط تعبانة.. ياحازم والا إيه.. أصل مش عوايدها.. مسمعش صوتها في البيت. آه هي تعبانة.. ونايمة جوه.. عشان كده.. تعالي في أوضتي.. نتكلم أحسن. حسيت بضيق وخوف منه فجأة. فقولت: لأ.. نتكلم هنا.. أحسن. وانتِ خايفة مني.. ياسما.. يعني بقولك.. ماما تعبانة جوه.. فلازم نتكلم في أوضتي.. أحسن. فضل يصر عليا كتير. فدخلت معاه رغم إني قلبي مش مطمن أبداً. وهو قفل الباب فوراً وراه.

انت.. قفلت الباب ليه.. ياحازم افتحه.. كده غلط لطنط تزعل.. وتشك فيا. لأ.. متخافيش عشان ماما.. مش موجودة.. أصلاً. انت بتقول إيه.. انت كذبت عليا.. طب ليه ياحازم. بقى عاوزة تتجوزي.. ياسما.. وتسيبيني مش.. كده. لأ.. أبداً والله.. ده أنا حتى جيت هنا.. عشان ألاقي.. حل معاكم. دام كده.. ليه بعتي رسالة.. امبارح لماما.. وبتقولي خلي.. ابنك ياطنط يبعد عني.. لأني هجوز ابن خالتي.. وبحبه مش كده.

لأ.. والله ماحصل.. ياحازم.. أنا لو عملت كده.. مكنتش جيت هنا.. أصلاً. انتِ.. جيتي هنا.. عشان آخد.. حقي منك.. بعد ماضحكتي عليا.. بحبك.. وعاوزة تسيبيني.. عشان ابن خالتك.. ياخاينة. حازم.. انت بتقول إيه.. أنا مش بحب.. حد غيرك انت بس.. صدقني. تمام.. وأنا هشوف.. ده بنفسي.. دلوقتي. وقرب مني وأنا ارتعبت منه ومن نظرة ليا. ده مش نفس حازم اللي حبيته. حازم مكانش كده كان بيحترمني وبيخاف عليا أوي كمان. ويتبع…