رواية عشق الطفولة الفصل التاسع 9 - بقلم سلمي محمود

حور بتذمر: الصلاة خلصت يا سليم من بدري، قول المفاجأة إيه بقى؟ وأصلًا مغمّض عيني ليه؟ سليم: يا ستي، اهمدي بقا. حور: يا سليم، أنا عندي تجهيزات كتير لسه عايزة أعملها عشان بالليل. سليم: لا، ماهو مش بالليل. حور: هو إيه ده؟ المش بالليل؟ سليم: الفرح. بالنهار. أزال سليم القماشة من على عينيها. سليم: افتحي يا ستي، واحدة واحدة. حور بصدمة: عااااا! إيه ده؟

وجدت حور نفسها داخل حديقة مزينة بطريقة مبهرة، وهو يقف أمامها يرتدي بدلته السوداء. سليم: كل حاجة جاهزة، مش فاضل غير العروسة. يلا ادخلي بسرعة، البسي الفستان بتاعك، وفيه بنات هتساعدك. مالك يا حور؟ انتي مش فرحانة إنه أخيرًا هتبقى معايا؟ حور بصدمة: هتعمل فرحنا بالنهار يا سليم؟ ده الظهر لسه مأذنش. سليم: آه، هعمله الظهر، وإلا والله هاخدك وهطلع شقتي دلوقتي ومفيش فرح خلاص. حور: يا عم، وعلى إيه؟ الطيب أحسن.

سليم: طب ادخلي يالا، البسي فستانك. دخلت حور لتجهز، وخرجت بعد مرور ساعتين. سليم واقف مصدوم ومش عارف يحدد هو عايز إيه. سليم: انتي قمر أوي. حور بفرحة: بجد؟ بس أنا كان نفسي ماما تكون معايا أوي. سليم: ودي حاجة تفوتني بردو؟ بصي هناك كدا. بصت حور ووجدت شاشات تنقل كل ما يحدث لوالدتها. سليم: زمان مامتك دلوقتي قاعدة وشايفانا دلوقتي. حور بفرحة: أنا بحبك أوي أوي يا سليم ومش عارفة أقولك إيه بجد.

اقترب منها سليم بخبث: هبقى أقولك أما نروح. حور بخجل: أنت قليل الأدب. وبعدين مش كفاية الفرح اللي انت عامله الصبح ده؟ الناس هتقول عليك إيه؟ سليم: هيقولوا واحد بقاله 12 سنة بيحبها، وكاتب كتابه عليها من أكتر من سنة، وخلاص استوى. ياناس الرحمة بيا. بعد مرور ساعتين أخرى، انتهى الفرح بسلام. في شقة سليم وحور. دخل بها الشقة وهو يحملها، وأوقفها أمامه.

سليم: اسمعيني يا حور. انتي عارفة إن أهلي متوفيين، وأنا عاهدت ربنا من النهارده إنك تكوني كل أهلي، وإني أكونلك كل حاجة في حياتك. لما تزعلي مني لقدر الله، متروحيش تشتكي لحد، تيجي وتشتكيلي وتقوليلي على كل اللي مزعلك بصراحة. مش عايزين أي حد يدخل بينا، عايزين مشاكلنا نحلها مع نفسنا. فهماني يا حبيبتي؟ حور بحب اقتربت منه ووقفت على أطراف أصابعها وطبعت قبلة صغيرة عليها. فهمتك يا حبيبي. سليم: تعالي بقا نصلي.

وبعد مرور القليل من الوقت، اقترب منها وقال: انتي من النهارده بتاعتي يا حور. حملها ووضعها على سريرهم، واقترب منها بحب.