رواية عشق ام انتقام الفصل الحادي عشر 11 - بقلم رنا سعيد

رنا بوجع ودموع: حرام عليك ليه بتعمل كده معايا؟ اذيتك في إيه؟ نفسي أعرف. ارحمني بقى. أدهم بحدة: انطقي أها أو لأ؟ رنا بصريخ ودموع: مواااافقة. أدهم بضحكة خبيثة: شطورة. البسي يلا وأنا مستنيكي في أوضتي. رنا بدموع وشهقة: حاضر. وكانت لسه هتمشي بس وقفها صوت شخص: وحشتوني وحشتوني أوي. أخباركم إيه؟ رنا وأدهم بصوا خلفهم. رنا بصدمة: ماما؟ وستو؟

ورنا رمت الفستان في الأرض وطلعت تجري عليهم وحضنت أمها بقوة كأنها طفلة مصدقة لقت حضن أمها تحتمي فيه. رنا بدموع: وحشتوني وحشتوني أوي. أمها بعدت عن حضنها. نهلة (أمها) إنتي بتعيطي ليه؟ أوعى يكون أدهم مزعلك. أدهم بضحكة خبيثة واقترب منها وحضنها. أدهم بابتسامة خبيثة وحضن رنا: هو أنا أقدر يا ماما أزعل قمري ده؟ واقترب من صباح (جدة رنا) وحضنها. أدهم: مش كده يا ستي؟ صباح بضحكة: الله وأعلم بيكم. تعالي يا بت في حضن ستك.

ورنا جريت عليها وحضنتها. رنا بابتسامة: أخبارك إيه يا سوسو؟ صباح بضحكة: فل الفل. إنتي مالك خسيتي وبقيتي عاملة زي العصاية ليه كده؟ هو أدهم مش بياكلك ولا إيه؟ أدهم بابتسامة: أنا ده؟ أنا مدلّعها على الآخر لدرجة بجيب لها الأكل لحد أوضتها بنفسي وبأكلها بإيدي كمان. اسأليها. رنا بابتسامة: أه فعلاً. أدهم حنين ومافيش راجل زيه أبداً. نهلة بابتسامة: ربنا يخليكم لبعض يا حبيبتي. أدهم بابتسامة: يلا اتفضلوا اقعدوا. صباح:

أه واسع كده عشان فعلاً عايزة أقعد. رجلي تعباني أوي. أدهم: ألف سلامة عليكي يا ستي. ونهلة وصباح قعدوا. رنا: تشربي إيه يا ماما؟ تشربي إيه يا ستي؟ نهلة بابتسامة: اقعدي معانا. مالهوش لازمة. رنا: يلا يا ماما قوليلي تشربي إيه؟ وإنتي يا سوسو تشربي إيه؟ صباح: أي حاجة منك تبقى عسل. رنا اقتربت منها وبوست خدها. رنا بابتسامة: ربنا يخليكم ليا يا رب. صباح بابتسامة: يارب. أدهم بابتسامة خبيثة: وأنا جوزك حبيبك ماليش دعوة. حلوها زي دي؟

رنا بابتسامة: تشربي إيه بقا يا سوسو؟ وإنتي يا ماما؟ صباح بابتسامة: مدام مصرة، أنا هشرب شاي. نهلة: وأنا كمان. رنا: تمام. أدهم: وأنا كمان شاي. رنا بقرف: اممم. ورنا مشيت ودخلت المطبخ. أدهم بابتسامة: القصر منوّر بيكم والله. صباح بهزار: ليه هو حد قالك إننا لمبة بتنور ولا إيه؟ أدهم بضحكة: فصلت دمك عسل أوي والله يا سوسو. صباح بضحكة: عارفة عارفة. رنا ودخلت لهم بالشاي. رنا بابتسامة: اتفضلوا. ورنا قعدت جنب أمها. صباح: إيه؟

مفيش حاجة جاية في السكة كده يا شباب؟ أدهم ورنا بصوا في عين بعض ورنا نزلت عينها بكسرة وإحراج. أدهم بابتسامة: إحنا لسه مجوزين. هو إحنا لحقنا؟ لسه بدري على الكلام ده. صباح: ولا بدري ولا حاجة. عايزة أشوف عيالكم بقى قبل ما أموت. أدهم ورنا ونهلة: بعيد الشر عليكي. صباح بضحكة: الموت عمره ما كان شر. نهلة: ربنا يطول في عمرك يا أمي ويخليكي لينا يا رب. رنا بابتسامة: يارب. أنا أقوم أعمل ليكم العشا. نهلة باستغراب:

مش إنتي عندك شغالة بتساعدك؟ خليها تعمل هي الأكل وإنتي اقعدي معانا عشان كلها ساعة ونمشي. وكمان مالهوش لازمة يا بنتي. رنا بتوتر: آه عندي بس هي خدت إجازة عشان بنتها تعبانة وراحت تزورها. أدهم: طب أنا قايم أعمل مكالمة. عن إذنكم. صباح: إذنك معاك يا حبيبي. وبعد فترة من الوقت أهل رنا مشيوا. رنا في المطبخ وبتغسل المواعين. أدهم دخل عليها. أدهم بابتسامة خبيثة: خلصتي؟ رنا برقة: آه قربت أخلص يا حبيبي. أدهم بابتسامة خبيثة:

طب يلا عشان تلبسي ده وتنفذي اللي قولتلك عليه. رنا برقة: حاضر. أدهم بابتسامة خبيثة: أنا مستنيكي بره. رنا بدلع: ماشي يا قلبي. وادهم مشي وسابها. رنا بتتذكر كلمات أمها. فلاش باك. نهلة: أنا حاسة إنك زعلانة إنتي وجوزك. رنا بابتسامة: لأ أبداً. مفيش حاجة. نهلة: هحاول أصدقك. بس على العموم متخليش أي زعل يأثر مابينكم. وقربي من جوزك. حاولي تخليه يحس إنك مصدر الأمان ليه عشان مايلجأش لوحده غيرك. وساعتها هتندم.

رنا فاقت من ذكريات أمها وخرجت من المطبخ وذهبت لأوضتها. ورتدت الفستان ووضعت مساحيق تجميل وبرفانها الأنثوي. كانت جميلة جداً. رنا بخجل وبصت على نفسها في المرايا: يالهوي! أنا مكسوفة أطلع كده. وأخذت نفس عميق. لأ لأ يا رنا لازم تجمدي. ده جوزك ولي حقوق عليكي. ورنا بالفعل خرجت من المطبخ وكانت لسه هتطلع فوق شافت أدهم قاعد في الصالون. ذهبت له. رنا برقة: أدهم. أدهم بانبهار: رنا إيه ده؟ وقاطعه صوت جاي عليهم من فوق:

أدهم مين دي اللي معاك؟ رنا وبصت على مصدر الصوت وكان راجل كبير في السن يبلغ من العمر 55 عاماً نازل من على السلم. رنا بصدمة وبذهول: بابا.