رواية عشق ام انتقام الفصل الرابع عشر 14 - بقلم رنا سعيد

رنا بعصبية: انت إزاي تدخل كده من غير ما تخبط؟ ادهم بابتسامة خبيثة: واخبط ليه؟ مش داخل عند مراتي حبيبتي. رنا بعصبية: مراتك دلوقتي بقت مراتك بعد ما خلتني أشوف العذاب الألوان. بقت مراتك؟ مراتك وإنت خونتيني قدام عيني. دلوقتي بقت مراتك يا أدهم؟ خلتني أشتغل عندك خدامة ومثلت عليّ الحب يا أدهم. افتكرت دلوقتي إني مراتك. امشي يلا يا أدهم وابعتلي ورقة طلاقي. امشي. ادهم بهدوء واقترب منها. ادهم: رنا، انتي عارفة أنا عملت كده ليه.

رنا بعصبية: هو انت أي حد ييجي يقولك انتقم من ده، تروح تنتقم على طول؟ ليه غبي؟ معندكش عقل؟ ادهم وبيحاول يسيطر على عصبيته: رنا، متغلطيش لو سمحتي. غير كده، كمان إنتي متعرفيش خاله ده أفضى عليه إزاي. هو لو كان قالي ارمي نفسك في البحر، كنت رميت من غير ما أفكر ثانية واحدة. رنا بعصبية: وإنت متعرفش كرامتي فوق أي حد إزاي؟ يلا اطلع بره بقى وابعت ورقة طلاقي. ادهم: يارنا، أنا آسف. سامحيني. رنا بوجع: آسف على إيه ولا إيه؟

إنت مفكر كلمة آسف دي هتشفي وجعي منك؟ هتمحي ذكريات الخيانة وإنت بتخوني مع غيري ليلة دخلتنا؟ إنت وجعتني وكسرتني يا أدهم. تعرف أكتر حاجة بتوجع وتكسر الست منا إيه؟ هي الخيانة يا أدهم، الخيانة. وإنت عملتها. أقصد عيني. عايزني إزاي أسامحك يا أدهم؟ طب أنا هسألك سؤال، لو أنا اللي خونتك، كنت عملت إيه؟ ادهم بعصبية: كنت هقتلك يا رنا. رنا بضحكة وجع: أنا بقى مش هقتلك يا أدهم، بس كل اللي طالبه ورقة الطلاق. ادهم بعصبية: طلاق؟

مش طلاق يارنا. واللي عندك أعمليه بقى. رنا ولسه هتتكلم بس حطت إيدها على قلبها بوجع. وقعت في الأرض. ادهم وجري عليها. ادهم بخوف: ر... رنا... مالك؟ رنا ودمعة سقطت منها: مش قولتلك قبل كده إنك هترتاح مني للأبد؟ جه الوقت إنك ترتاح مني يا أدهم. ورنا وقعت بين إيده. ادهم وبيضربها على وشها بخفة: رنا، فوقي. أنا آسف. رنا. ادهم وشالها وطلع يجري بيها على بره. صباح وقامت واقفت: ادهم شايل رنا ورايح فين؟ نهلة طلعت على صوت صباح.

نهلة: في إيه؟ ادهم: أنا واخد رنا على المستشفى. رنا تعبت شوية. نهلة: خدني معاك. صباح: وأنا؟ نهلة: لا، خليكي انتي. صباح: لا، هاجي. لازم أطمن على بنتي. نهلة: ماشي. وادهم وصباح ونهلة مشيوا وركبوا السيارة. وبعد فترة وصلوا المستشفى. ادهم بعصبية: عايز دكتورة بسرعة. الممرضة بخوف: حاضر. والدكتورة جت وأخدت رنا وكشفت عليها. وبعد فترة قصيرة طلعت ليهم. ادهم بلهفة: مالها يادكتورة؟ نهلة بخوف: طمنيني يادكتورة، بنتي مالها؟

الدكتورة بحزن: انتوا عارفين طبعًا إن بنتكم كانت عندها ثقب في القلب. الجميع اتصدم: لا. الدكتورة بصدمة: إزاي مش عارفين حاجة زي دي؟ ادهم: طب، المهم هي عاملة إيه دلوقتي؟ الدكتورة بأسف وبحزن: للأسف، حالتها كانت متأخرة وكان لازم يتعمل ليها عملية بسرعة. بس انتوا جيتوا بعد فوات الأوان. نهلة: يعني إيه يادكتورة؟ الدكتورة بحزن أكبر: البقاء لله. الجميع، الخبر وقع عليهم كالصاعقة.