رواية عشق ام انتقام الفصل الثالث عشر 13 - بقلم رنا سعيد

صلاح بندم: اقصد يعني أنا فكرتك بنت محمد، فحبّيت أنتقم من أمك فيكي انتي. فلاش باك صلاح: أدهم أنا عايزك تجوز البنت دي. أدهم وشاف صورتها: أنا أدهم العاصي أجوز البنت دي؟ إنت شايف هدومها عاملة إزاي؟ زي الشوال. أنا عايز واحدة ستايل على الموضة. صلاح بمقاطعة: اسمعني بس الأول، أنا عندي سبب لجوازك ليها. أدهم بسخرية: سبب إيه؟ سبب إيه بقى إن شاء الله؟ صلاح: إنت عارف إني كنت متجوز قبل كده، صح؟ أدهم: أيوه. صلاح:

أم البت دي بقى أنا كنت متجوزها. أدهم: يعني دي بنتك؟ صلاح: لا مش بنتي، دي بنت الراجل اللي هي خانتني معاه. أدهم باستغراب: هي مراتك خانتك مع واحد؟ صلاح: آه، وده السبب اللي خلاني أطلقها. أدهم بضحكة خبيثة: أنا دلوقتي فهمت كل حاجة. يعني إنت عايزني دلوقتي أنتقم من البت دي في أمها، صح؟ صلاح بضحكة:

الله ينور عليك. عايزك بقى تبدأ الخطة من بكرة، إنك تقرب بقا منها وتخلي البنت دي تعرفك وتحبك، وتتقدم ليها وبعد كده تجوزها وتنتقم منها بقا بطريقتك الخاصة، وبعد كده تطلقها. ماشي؟ أدهم: امممممم. باك صلاح: ده كل اللي حصل. يعني أنا السبب في كل حاجة. ومع الوقت، أنا كنت حاسس إن أدهم اتعلق بيكي وحبك بجد. أدهم واقترب منها: رنا أنا آسف، وصدقني أنا حبيتك بجد. رنا بمقاطعة: أدهم خلاص، مش عايزة أسمع حاجة. نهلة بصدمة:

عشان كده أنا كنت حاسة إن انتوا زعلانين من بعض، وطلع شعوري صح. صباح: بنتي، هو اللي بيحصل ده حقيقي؟ أنا حاسة إني في حلم. رنا وداخلت تجري على أوضتها، وأدهم طلع يجري وراها. ورنا قفلت الباب في وشه بقوة. أدهم وبيخبط على الباب: رنا افتحي. لا يوجد رد. أدهم: رنا أنا آسف، عشان خاطري سامحني. رنا فتحت الباب وماسكة شنطة هدوم في إيدها. أدهم: رنا إيه ده اللي ماسكاه؟ رنا ومشيت وراحت عند أهلها: ماما يلا نمشي. أدهم: تمشي فين؟ ده قصرك.

رنا بوجع: أدهم بعد إذنك، أنا هروح عند أهلي أرتاح شوية، ولما أعصابي تهدى يبقى أرجع. نهلة: قوليلي عمل فيكي إيه ده؟ رنا بوجع: ماما الله يخليكي، مش قادرة أتكلم ولا كلمة. كل اللي طالباه منك يلا نمشي من هنا. صلاح واقترب من رنا: رنا أنا عارف إنك زعلانة، بس أدهم ملوش ذنب. أنا... رنا بمقاطعة: بابا خلاص، حصل خير. يلا يا ماما. أدهم: طب أنا هسيبك تمشي معاهم دام ده اللي هيريحك، بس يلا أوصلكم. رنا: لا، إحنا هنركب تاكسي. أدهم:

طب وقسماً بالله ما إنتِ ماتتحركي من هنا غير لما أنا أوصلك. صباح: خلاص يا بنتي جوزك حلف. رنا: ماشي. صلاح: لو عايزة أي حاجة، رني عليا يا بنتي. رنا واقتربت من أبوها وحضنته: ماشي يا بابا. صلاح واقترب من صباح: مش هتخديني بالحضن ولا لسه زعلانة مني؟ صباح بهزار: لا، لسه زعلانة منك. صلاح بضحكة: طب هصالحك إزاي؟ صباح بطفولية: تجيبلي شوكولاتة. صلاح بضحكة: حاضر. صباح بضحكة:

أنا آه كنت زعلانة منك، بس دلوقتي خلاص قلبي صافي من ناحيتك، عشان عارفة قد إيه إنت شخص كويس وقلبك أبيض، بس اتصدمت بصراحة من حكاية إنك تنتقم من رنا وكده. صلاح بندم: أعمل إيه؟ الشيطان كان عميني. بقا مش هتخديني في حضنك بقا؟ صباح وحضنته. صلاح واقترب من نهلة: نهلة أنا آسف عشان مش فهمتك وحكمت عليكي قبل ما أسمعك. نهلة: خلاص يا صلاح، حصل خير. وبعد فترة، أدهم أوصلهم على بيتهم. أدهم: ملوش لزوم تعملي حاجة، أنا قايم ماشي. صباح:

لا، لازم تشرب حاجة قبل ما تمشي معانا. أدهم بابتسامة: ماشي. طب أنا هقوم أدخل أسلم على رنا قبل ما أمشي. صباح بابتسامة خبيثة: ماشي. أدهم وقام وداخل عند رنا. رنا بعصبية: إنت إزاي تدخل كده من غير ما تخبط؟ أدهم بابتسامة خبيثة وو