رواية عشق ام انتقام الفصل التاسع 9 - بقلم رنا سعيد

ادهم بعصبية: سمعني، انتي قولتي إيه تاني كده؟ رنا بحدة وبتصطنع القوة: العفو يا دونكي، يعني العفو يا حمار. ادهم ساب العصير وبص عليها بغضب جحيم، وبدأ يقترب منها ومسكها من شعرها قبل ما تهرب منه. ادهم بغضب: يعني سمعتها في الأول وقولت هتخاف ومش هتعيدها، بس اثبتي العكس وبقيتي شخصية جامدة عليه صح، يابنت الـ******. رنا بوجع: سيب شعري يا متوحش. ادهم بعصبية وماسك شعرها بقوة أكبر: اعتذري الأول. رنا بوجع أكبر: لا مش هعتذر.

ادهم باستفزاز: طيب ماشي، يبقى قولي على أمك وستك يا رحمن يا رحيم. رنا بخوف وبوجع: أنا آسفة خلاص، وبترجاك ملكيش دعوة بيهم. ادهم وساب شعرها. ادهم بضحكة: شطورة، أحبك كده وانتي بتسمعي الكلام. رنا بحدة: وأنا بكرهك. وطلعت تجري على أوضتها وقفت الباب على نفسها، وقعدت على سرير وفضلت تبكي وتفتكر ذكرياتها معاه قبل ما يتجوزوا. فلاش باك. رنا: ادهم. ادهم بابتسامة: عيون ادهم. رنا: هو أنا ممكن أسألك سؤال؟ ادهم بابتسامة: انتي تأمري.

رنا: هو إحنا لما نتجوز أنت هتتغير معايا؟ ادهم بضحكة: إزاي؟ هتقلب باتمان مثلاً؟ ههههه. رنا بضحكة: مش قصدي. ادهم: اومال قصدك إيه يا قطة؟ رنا: يعني أسلوبك، طريقتك هتتغير، زي الناس كتير في الخطوبة حاجة والجواز حاجة تانية.

ادهم: آها فهمت قصدك إيه. بصي بقا ياحبيبتي أنا مختلف بقا عنهم، أنا حبيتك من أول مرة شوفتك فيها، وعمري حبي ما قل لحظة واحدة، لا بالعكس كل يوم بيزيد. يوم عن القبلة، يعني بالعربي انتي كل دنياتي، من غيرك عمري ما أقدر أعيش ثانية ياعمري. رنا بابتسامة: أنا بحبك أوي أوي يا ادهم. ادهم بابتسامة: وأنا بموت فيكي يا قلب وعقل وروح وعيون ادهم ياحبيبتي. باك. رنا بدموع: كل كلامك كان كدب في كدب يا ادهم.

وفجأة قامت من على السرير ومسحت دموعها وخرجت برا الأوضة وطلعت في الصالون، لقيت ادهم مش موجود فيه، وطلعت تجري على برا، وفعلاً استطاعت الهروب من القصر. في أحد شركات ادهم الصاوي. يوسف: مش كفاية تعذيب في رنا بقا. ادهم بغضب وغيره: مش قولت اسمها مدام ادهم الصاوي. يوسف بابتسامة خبيثة: اومال دام بتغير عليها وبتحبها بالشكل ده، مترحمها يا أخي. بقا حرام عليك، ماكنش حتة قلم يعني أخدته منها.

ادهم بضيق وغضب: اقفل على الموضوع ده وقولي انت عملت إيه في المشروع. يوسف: قرب المشروع يخلص خلاص. ادهم: اممم. وبعد فترة من العمل، ادهم ذهب إلى قصره. ايمان: ادهم عايزة أقولك حاجة يا ابني. ادهم بابتسامة: نعم يا داده. ايمان بخوف: بصراحة يا ابني. ادهم: إيه قلقتني. ايمان: رنا بعد ما صحت من النوم. وفجأة سكتت. ادهم بخوف: مالها؟ انطقي بسرعة يا داده يا ايمان، الله يخليكي قلقتني. ايمان: رنا مش موجودة في القصر يا ادهم يا ابني.

ادهم بصدمة: انتي بتقوووووولييييي إيه.