رواية عشق بغير حسبان الفصل الحادي عشر 11 - بقلم ندى الشريف

وإتفاجئت بيها جريت عليا وشدتني بسرعة ورمتني من فوق الجبل. فتحت عيني لقيتني نايمة على السرير. وتميم بيغير هدومه جنبي. بصيت حواليا لقيتني في أوضتي أنا وتميم الجديدة. قولتله وأنا بمسح العرق اللي على وشي: "تميم إيه اللي حصل؟ قالي وهو بيقلع الجرافة: "ياااه أخيرًا فوقتي." قولتله وأنا بحاول أجمع أفكاري: "هو أنا كنت بحلم؟ قالي وهو بيديني كوباية ميه: "شكلك حلمتي بحلم زبالة... خدي اشربي." شربت بوق ميه وقولتله:

"هو مش أنا كنت مخطوفة؟ قالي بصدمة: "مخطوفة؟ قولتله وأنا بخبط بإيدي على راسي: "مش أنت ضربتهم وطلعت تنقذني من الجبل؟ قالي وهو بيبرق: "جبل إيه؟ يبنتي إحنا كنا راكبين العربية ومروحين وإنتي نمتي في الطريق. جيت أوقفك عشان نطلع قعدتي تقوليلي مش وقت هزار يا سالم... وجي بي إس... وتكتمي بقك. أنا قولت إنتي جالك صرع وخدتك ودخلنا وأهلك روحوا." اتنهدت وقولت: "الحمدلله... دا حلم زبالة، إيه الأوڤر اللي أنا فيه ده؟

قولتله وأنا ببص على لبسي: "مين غيرلي الفستان؟ غمزلي وقالي: "تفتكري مين؟ ضربته وقولتله: "إنت يا معفن." قالي وهو بيقوم: "يا ستي اقعدي أمك اللي غيرتلك، أنا رايح آخد دوش." قولتله بتذكر: "أومال إيه الرسايل اللي كانت بتهددنا دي؟ لفلي وقالي: "هو أنا مقولتلكمش؟ "لأ مقولتيش." "مش أنا لقيت اللي كان بيبعت الرسايل دي." "بجد.. مين؟ "حازم اللي طردته من الشغل عشانك ساعة الحفلة." "ياااه... وعملت فيه إيه؟ "متشغليش بالك." "طب سؤال."

"نعم." "هيا البت الصفرا اللي كانت جنبك في الحفلة.. قريبتك؟ "لأ ليه؟ ضحكت على خيال الواسع وقولتله: "مفيش حاجة." قالي وهو بيخرج: "هروح أنا بقا ومش هعوق." قمت وبصيت على نفسي في المرايا، إيه الحلم المرعب ده! بس إزاي بجد مجاش في بالي إن الحلم أوڤر! وجبل وكلاب وسالم سابني وجري... إيه كل ده. فتحت موبايلي ورنيت على سالم. جالي الرد وقالي: "الو." "إيه يا سالم." "إيه يا عروسة مالك؟ "مفيش أنا كنت بطمن عليك."

"بتطمن عليا دلوقتي... تميم فين؟ "بياخد دش." "اااه عشان كدا فاضية... طب اقفلي دلوقتي عشان أنا في ميعاد مهم." "ميعاد إيه ده؟ "ميعاد مع بسنت." "بسنت صاحبتي؟ إنت بتشقطها؟ "يا ستي اقعدي هيا اللي وقعتني... إن شاء الله هنحصلكم قريب. بس في مشكلة." "إيه؟ "هيا هبلة أوي." ضحكت وقولتله: "طب أسيبك بقا مع الهبلة." قفلت معاه وبصيت في السما وأنا بشكر ربنا إن اليوم عدى على خير. لفيت لما لقيت تميم داخل بالبرنس وبيفرك شعره بالفوطة.

قولتله وأنا مربعة إيدي وببتسم زيه: "على فكرة عيب إني أشوفك كدا." قالي وهو بيقرب: "بقا كدا؟ "أيوا." جري ورايا وقالي: "طب تعالي بقا!!