رواية عشق فوق النيران الفصل العاشر 10 - بقلم مريم مجدي

نزلت فرح تجري على منال، وقالت لها على اللي حصل. وراحوا كلهم بسرعة على المستشفى. الدكتور خرج من أوضة العمليات. منال: خير يا دكتور؟ الدكتور: هو حصله كسر في ضهره، وده عمل له مشاكل كتير. ياسين: يعني إيه؟ الدكتور: يعني مش هيرجع يمشي غير لما يعمل العملية. فرح بصدمة: إيه؟ الدكتور: بس... حامد: بس إيه يا دكتور؟ الدكتور: العملية دي هتتكلف كتير. حامد: مش مهم، هندفع. من مليون لمليار. الدكتور استأذن ومشي.

فرح كانت قاعدة منهارة من العياط. عدت الأيام وسيف خرج بس على كرسي متحرك. *** روحوا على البيت. سيف كان قاعد بيفكر في فرح، وإنه كده بيظلمها معاه. فرح قطعت تفكيره: الجميل زعلان؟ سيف: مفيش حاجة. فرح برفع حاجب: يرا.جل. سيف بعصبية: قُلت لك مفيش حاجة. فرح: في إيه بس يا سيف؟ مكنتش سؤال يعني. سيف وهو بيهدى: خلاص يا فرح. ومشي وساب فرح. بعدها بشوية جه ياسين. فرح: أهلاً. ياسين: إيه يا فرح، عاملة إيه؟

فرح: تمام والله الحمد لله، وانت عامل إيه والعروسة عاملة إيه؟ ياسين: كلنا تمام والله. أومال فين سيف؟ فرح: في البلكونة. ياسين: ماشي، طب أنا داخل. فرح: ماشي. دخل ياسين لسيف. ياسين: سرحان في إيه؟ سيف: مفيش. ياسين: يرا.جل. سيف: يوووو، هو كل ما حد يشوفني يقولي يرا.جل؟ ياسين: خلاص خلاص. فرح قطعت كلامهم: تشربوا إيه؟ سيف: روحي اعمليلنا اتنين شاي بالنعناع. فرح مشيت. ياسين: إنت بتكلم فرح كده ليه؟ هو في حاجة؟ سيف: لا مفيش.

ياسين: لا فيه، وأنا مش هسيبك غير لما أعرف. سيف: قُلت لك مفيش. ياسين: وأنا بقول لك فيه. سيف: يوووو، خلاص بقى. هو إحنا هنلعب؟ ياسين: وماله، هو إحنا ورانا حاجة؟ قعدوا مع بعض شوية، وياسين مشي. *** عدت الأيام وكل واحد فيهم على نفس حاله. سيف بيزعق وفرح بتحاول تراضيه. فرح: هو إنت زعلان مني في حاجة؟ سيف: لا خلاص. فرح: أومال في إيه؟ سيف: بصراحة، أنا حاسس إني بظلمك معايا. خايف العملية متنجحش وأظلمك معايا. فرح: إنت بتقول إيه؟

أنا عمري ما هسيبك، حتى لو -لا قدر الله -العملية منجحتش. أنا بحبك. سيف خد فرح في حض.نه. وبعدها بشوية دخلوا ناموا. سيف حجز تذاكر الطيران. فرح: أنا جاية معاك. سيف: تروحي معايا فين؟ هو أنا رايح ألعب؟ فرح: لا، أنا مش هسيبك لوحدك. سيف: لا، مش هبقى لوحدي. هييجي معايا ياسين. فرح: لا، أنا هاجي معاك. بعد محاولات كتير من سيف إنه يقنع فرح إنها متجيش، فرح اقتنعت. ***

في مرة سيف مكنش في البيت. جت هدية على البيت، كانت عبارة عن بوكس فيه قميص نوم وبرفان وجواب مكتوب فيه: "إمتى بقى تتطلقي من جوزك؟ بحبك يا كتكوتة." فرح مكنتش عارفة مين اللي باعت البوكس ده. وفجأة سيف جه. فرح حطت البوكس في الدولاب بسرعة. سيف: فرح، يا فرح. فرح: آه! إيه؟ إيه يا سيف؟ سيف: إيه ده؟ في إيه؟ مالك؟ فرح: إيه؟ مفيش. مفيش حاجة. سيف: طب تعالي بقى عشان تجهزي معايا الشنطة. فرح: يا.له. سيف بيفتح الدولاب لقى البوكس.

سيف بصدمة: إيه ده؟ فرح: إيه ده؟ سيف طلع قميص النوم ورماه في وشها: ده. فرح: والله ما بتاعي. سيف: أومال بتاع مين؟ فرح: معرفش والله. سيف قطع كلامها: اسكتي خلاص. مش عايز أسمع منك ولا كلمة. لمي هدومك وامشي. فرح: يا.سيف. سيف ضربها بالقلم: اخرسي خالص. بتخونيني يا فرح؟ فرح بدموع: اديني فرصة أدافع عن نفسي. سيف: ما كل حاجة واضحة زي الشمس أهو. غو.ري في داهية. فرح لمّت هدومها ومشيت.

فرح بدموع وهي على الباب: افتكر إنك ظلمتني. ولو رجعت لي راكع على رجلك مش هرجع لك. ومشيت. وسيف كان زعلان من اللي عمله. ياسين طلع لسيف. ياسين: إيه ده؟ إيه ده؟ في إيه؟ سيف: مفيش. ياسين: أومال فرح فين؟ ياسين: إنت برضه عملت اللي في دماغك وبعتلها البوكس عشان تمشي؟ سيف: مكنش في حل تاني يا ياسين. مكنتش هقدر أشوفها وهي بتتظلم معايا. ياسين: بس إنت غلطت. سيف: خلاص، اللي حصل حصل. أنا دلوقتي هسافر الأول، وإنت هتيجي ورايا.

ياسين: ماشي. سيف: عشان هعمل لك توكيل عشان تطلقها بعد ما أنا أسافر. ياسين بصدمة: إيه؟