رواية عشق فوق النيران الفصل الحادي عشر 11 - بقلم مريم مجدي

ياسين بصدمة: إيه؟ سيف: أيوه زي ما سمعت. ياسين: إزاي هتقدر تسيب فرح؟ سيف: مش عارف والله. *** فرح مكنتش عارفة هتروح فين. مكنش ينفع تروح لأهلها، لأنها لو راحت هتروح تقولهم إيه. محسّتش بنفسها غير وهي راكبة قطار رايح لمرسى مطروح لعمتها. (عمتها مني طيبة جداً وقلبها أبيض أوي وبتحب فرح أوي، متجوزة راجل طيب أوي اسمه محمد، معاها ولدين وبنت: أحمد 26 سنة الكبير ومتجوز، وخالد 23 سنة الوسطاني، وإيمان 22 سنة الصغيرة) راحت لعمتها.

مني بفرح: أهلاً أهلاً يبنتي. فرح: أهلاً يا عمتي. مني: عاملة إيه يا بنتي؟ فرح: الحمد لله يا عمتي. مني: ادخلي ادخلي. دخلوا وقعدوا سوا. إيمان صحت من النوم. إيمان بتفاجؤ: إيه ده؟ فرح... إيه المفاجأة الحلوة دي؟ فرح بضحك: إيه رأيك؟ إيمان: قمر زيك. عاملة إيه؟ وخال عامل إيه؟ ومرات خال؟ وأخوكي؟ فرح: الحمد لله تمام والله. مني: وجوزك عامل إيه يا بنتي؟ فرح اتنهدت وقالت: كويس يا عمتي. مني وإيمان في صوت واحد: في إيه؟

فرح: مفيش حاجة. مني: احكي يا بنتي، إحنا أهلك. فرح حكتلهم ع كل اللي حصل. إيمان: والله ما يستهلك أبداً، وإنتي تستاهلي واحد أحسن منه. هو اللي خسران. فرح: والله أنا فعلاً معملتش حاجة. مني: إحنا مصدقينك يا بنتي طبعاً. فرح: حبيبتي يا عمتو. أنا هقعد معاكوا شوية بس لغاية ما أعتمد ع نفسي وأشتغل وأجيب شقة. مني: اخص عليكي يا بنتي، متقوليش كدا. إنتي هتقعدي معانا ع طول. فرح: لا يا عمتو معلش عشان محسش إني متقلة عليكوا.

مني: ده لو مشيلتكيش الأرض نشيلك فوق راسنا. فرح: حبيبتي يا عمتو. إيمان: أكيد جايه تعبانة من السفر. ادخلي ريحي شوية. دخلت فرح نامت شوية. *** عند سيف. سيف خلاص جهز ورقوا وسافر. سيف عمل العملية ونجحت. ياسين: ألف مبروك يا عم. سيف: الله يبارك فيكي. ياسين: أهو العملية نجحت. مش لو كنت خليتني مطلقتهاش كانت زمنها معانا دلوقتي. سيف بحزن: الحمد لله. ربنا يعوضها بالأحسن مني. ياسين: نعم، هو إنت مش هتروح تتقدملها؟

سيف: لا، هروح لها بأنهي وش. ياسين: بوش الحبس. سيف: خلاص يا ياسين. *** رجعوا مصر. منال: ابني حبيبي، حمدلله ع سلامتك. سيف: الله يسلمك يا ماما. قعدوا يتكلموا كتير. منال ضربته ع كتفه: اخص عليك، لي طلقت فرح؟ سيف بص لـ ياسين: إنت قلت لها؟ ياسين: أكيد، كانوا كدا كدا هيعرفوا. سيف: خلاص يا ماما، اللي حصل حصل. يلا يا ياسين نقوم نشوف شغلنا. منال: من أول يوم كدا؟ طب ارتاحوا شوية.

ياسين: سيف فعلاً عنده حق، إحنا عندنا شغل كتير أوي. سلموا ع منال ونزلوا. *** سيف: إحنا لازم نفتح فرع تاني لشركتنا، خصوصاً إن شركتنا اسمها كبر ف السوق. ياسين: إيه رأيك نروح دبي؟ سيف: حلو كلام ده. وقعدوا يتكلموا ف الشغل. *** عند فرح. إيمان دخلت تصحي فرح عشان تتغدا، لقيت الدم مش بيجري ف جسمها وقطع النفس. إيمان: يا ماما، يا ماما. مني: إيه؟ إيه؟ في إيه يا بنتي؟ إيمان: الحقي يا ماما، فرح قط.عة النفس.

ياترى إيه اللي حصل لفرح؟