رواية عشق في الجحيم الفصل الخامس 5 - بقلم شهد ابو شنادي

في أوضة منار بنت نرجس. منار بعصبية: أنا قلت لك اثنين. أحمد: بقولك إيه، البوليس بقى مش سايبنا والبضاعة واقفة. منار: طب هات خلص. أحمد: امسكي. منار خدت منه الكيس وهو طلع من الأوضة. نرجس: مين ده يا بت؟ منار بتوتر بعد أن أخفت ما في يدها: زميلي، كنت غايبة والدكتور قاله يديني أسئلة يعني عشان آخر امتحان بكرة. نرجس: ماشي. ذهبت نرجس وزفرت منار بارتياح، لكن دخلت شغف مغلقة الباب خلفها. منار: انتي عايزة إيه؟

شغف: هاتِ اللي في إيدك ده. منار: أوعي. خدته شغف ونظرت بداخله وقالت: ليه؟ ليه يا منار؟ منار بعياط: غصبًا عني والله، أنت مش عايزة أشرب تاني بس مش قادرة. شغف: منار اهدى وقومي عشان تتفاهمي. منار: حاضر. شغف: منار اعتبريني أختك واحكي لي بتشربي الهباب ده من امتى؟ منار: من سنتين لما كنت في الجامعة اتعرفت على أحمد ولقيت إن محدش جنبي، أمي على طول ما بتتابعنيش.

وأكملت ببكاء: حتى إخواتي كل واحدة عندها شغلها، محدش لا بيحاول يكلمني ولا أكلمه. شغف: اهدى واسمعيني كويس. منار: قولِ لي. أنهت شغف حديثها مع منار تاركة المنزل وتوجهت إلى شركة فهد، وكادت أن تدخل لولا تلك الهوجاء منعتها. مايا: انتي يا آنسة انتي، واخدة معاد؟ شغف ببرود: لأ. مايا: طب وعايزة تدخلي إزاي؟ شغف: شركة جوزي. مايا: نعم، انتي بتهزري؟ شغف: لأ، انتي اللي بتهزري بقى. أمسكتها مايا من شعرها قائلة: انتي واحدة عايزة تربية.

فهد خرج على صوتها. شغف: سيبني أربيها بنت سلطح ملطح دي. فهد: جتك نيلة، وانتي 150 سم على الفاضي. شغف: أوعي. وفجأة قطع الشجار صوت رجل، توسعت حدقت كل من في المكان.