رواية عشق في حي شعبي الفصل السابع 7 - بقلم ايات

خرجت جيجي من مكتب عيسى ودلفت إلى غرفة والدها. الأب: إيه يا بنتي عملتي إيه؟ جيجي بابتسامة تخفي بها حزنها: كله تمام يا حاج، واه أنا لقيت شغل حلو أوي ليا أنا وهايدي. هايدي بتعجب: شغل إيه ده يا جيجي؟ جيجي: خليها مفاجأة يا قلبي، تعالي يلا عشان نلحق نرتاح وكمان أنا لقيت شقة صغيرة لينا يا بابا.

الأب بصوت ضعيف: خلي بالكم من نفسكم يا بنات، وما تنسيش يا بنتي، إوعوا أكون نقطة ضعف ليكوا، أنا وجعي الكبير فيكم انتوا مش في جسمي، أنا أستحمل أي حاجة غير إني أشوف فيكوا حاجة وحشة. جيجي وهي تحاول أن تخفي حزنها: جرى إيه يا با، أنت مش واثق فينا ولا إيه؟ الأب: واثق طبعًا يا بنتي، بس بفكرك إن حياتي أو موتي في إيدكم انتوا. هايدي: بعد الشر عليك يا حبيبي، ما تخفش، أنا هروح مع جيجي بقى... هتعوزي حاجة يا ماما؟

الأم: لا يا حبيبتي، خلي بالكم من نفسكم. توجهت هايدي وجيجي إلى خارج المستشفى حيث وجدوا سيارة فخمة تنتظرهم. صعدت هايدي وجيجي داخل السيارة. هايدي: جيجي مين دول، وإيه العربية دي؟ جيجي بهدوء: اصبري يا هايدي وهتعرفي كل حاجة. وصلت السيارة أمام قصر هو أكثر من فخم يحيط به الكثير من الرجال. هايدي بتعجب: أوبا إيه ده يا جيجي! السائق: اتفضلوا يا هانم، الباشا أمرني أدخلكم القصر بنفسي. دلفت جيجي وهايدي إلى داخل القصر. هايدي

بانبهار من جمال القصر: وااااو هو في كده؟ جيجي يا جيجي إحنا فين؟ جيجي ببرود أعصاب: ده قصر عيسى باشا، وإحنا هنا هنشتغل خدم. اتسعت عيون هايدي بصدمة: إيه عيسى مين يا أختي ونشتغل خدم إزاي يعني؟ قاطعهم صوت عيسى من خلفهم: وإيه هو اللي إزاي يا هايدي؟ هتشتغلوا خدم في القصر بتاعي، والمقابل إني هعالج أبوكم في المستشفى من غير أي حساب. هايدي بغضب: أنت إنسان مريض ومحتاج تتعالج. جيجي بحدة: اخرسي يا هايدي.

ثم أكملت كلامها لعيسى: مين هيسلمنا الشغل يا باشا؟ عيسى بغرور: رئيسة الخدم هتيجي دلوقتي وهتفهمكم شغلكم. صعد عيسى على الدرج بدون أي اهتمام لهم. هايدي بغضب: إنتي إزاي وافقتي على الكلام ده ها إزاي يعني؟ جيجي بصوت كله ضعف: أومال عايزاني أسيبك تترمي في الشارع ولا كلنا نبقى في الشارع؟

أبوكي لازم يتعالج ويخرج، وساعتها نمشي من المكان ده، بس عايزاكي تعرفي حاجة، إوعي تنسي أصلك ولا إنتي مين، إنتي من إمبابة وشغلك هنا زي أي شغل، إنتي ولا بتعملي حاجة عيب ولا حرام، كله شغل وبالعكس إحنا بنشتغل ومحافظين على شرفنا. قاطعتهم صوت امرأة قصيرة ترتدي نظارة تدعى عزيزة وهي كبيرة الخدم: انتوا اللي جايين تشتغلوا هنا؟ جيجي بهدوء: أيوه إحنا. عزيزة بعجرفة: طيب مين فيكوا جيجي ومين هايدي؟ هايدي

وهي تمصمص شفتيها بعشوائية: أنا زفت وهي أطران، يعني أنا هايدي وهي جيجي.

عزيزة بجدية: خلي بالك من ألفاظك معايا، وإنتي يا اللي اسمك جيجي، إنتي هتكوني مسؤولة عن جناح عيسى باشا، فترة الساعة سبعة وربع، سبعة وربع ودقيقة ليكي عقاب. محدش غيرك هيهتم بنضافة الجناح وممنوع أي حد يطلع الجناح غيرك ودي الأوامر والنظام اللي مسموح لها تطلع الجناح هي واحدة بس. وإنتي يا اللي اسمك هايدي هتبقي مسؤولة إنك تقدمي المشروبات للضيوف، ممنوع أي حد غيرك يعمل كده أو يطلع لأي ضيف وإنتي موجودة. ودلوقتي يلا ورايا عشان أوريكوا الأوضة اللي هتناموا فيها.

فتحت هايدي فمها بصدمة من طريقة كلام عزيزة وقالت: إيه ده، أول مرة أشوف حيزبونة بحق وحقيقي، شفتيها يا بت يا جيجي؟ جيجي بصوت منخفض: اتلمي وامشي خلينا نشوف آخرتها. هايدي: آخرتها طين يا أختي على دماغها ودماغ اللي مشغلها. دلفت هايدي وجيجي داخل الغرفة.

عزيزة بحدة: دي أوضتكم انتوا الاتنين، وهتلاقوا في الدولاب اليوني فورم بتاع الشغل. وإنتي يا جيجي البسي وحصليني على المطبخ، هتلاقيه آخر الطرقة على الشمال عشان ده ميعاد الغدا بتاع عيسى باشا. خرجت عزيزة والفاتاتان استلقتا على الفراش. هايدي وهي تسترخي بتعب: آه هتعملي إيه مع الولية دي؟ جيجي وهي تقف وتتجه إلى الخزانة: هعمل إيه؟ هشتغل يا هايدي زي أي حد، بس بقولك إيه، مش عايزة تتسلي على حد. هايدي: آه يا ريت.

جيجي بمكر: طب يا صاحبي أهي عندك اتسلي براحتك. ضحكت الفاتاتان حتى ارتدت جيجي ملابس العمل. هايدي بتعجب: بت إنتي هتطلعي كده بالجيبة القصيرة دي؟ جيجي وهي تحاول أن تخبئ قدمها: مش عارفة أعمل إيه... إيه عالم الكفار دول! أنا مش هخرج كده. هايدي: خلاص اخرجي وقولي لعم دراكولا ده إنك مش هتلبسي القصير ده. كادت جيجي أن تبدل ملابسها لكن عزيزة طرقت الباب بحدة: يلا إنتي اتأخرتي دقيقتين ومش من أولها كده. جيجي بقلة حيلة: هعمل إيه؟

هطلع كده وهحاول أقوله يغير الزفت ده. خرجت جيجي من الغرفة وقامت بأخذ الطعام وصعدت لغرفة عيسى حيث قامت عزيزة بإخبارها بمكان الجناح. جيجي بعد أن دخلت الغرفة ومعها الطعام: يا عيسى يا باشا! لم تجد أي رد حيث فكرت أنه لا يوجد أحد في الغرفة. جيجي وهي تتفرج على الغرفة: ما شاء الله دي كأنها قطعة من الجنة. كانت جيجي شاردة في جمال الجناح لكن قاطعها صوت عيسى من الخلف بحدة: إنتي بتعملي إيه؟

جيجي بتوتر: أنا أنا كنت جايبالك الغداء ومشيه أهو. عيسى وهو ينظر لملابسها القصيرة. جيجي بتوتر من نظراته: أنا كنت عايزة بس أغير اللبس ده عشان قصير ومش عايزة أطلع كده قصاد حد. عيسى وهو يضع يده في جيبه: لا هتلبسي اللبس ده، ده لبس الخدم وده مكانك الطبيعي هنا. جيجي وهي تحاول أن تخبئ دموعها: طب عن إذنك عشان أشوف شغلي. خرجت جيجي من الغرفة وبعدها ابتسم عيسى بخبث: ده إحنا لسه بدري أوي على الدموع دي يا جيجي.

توجهت جيجي إلى المطبخ حيث وجدت أختها تقف مع عزيزة. هايدي: جيجي عملتي إيه مع دراكولا؟ جيجي بابتسامة هادية: هعمل إيه يعني، ما تقلقيش إنتي المهم عملتي إيه؟ هايدي: أهو يا أختي الولية دي قالتلي مش هعمل حاجة غير لما يكون في ضيوف، دي أوامر عم دراكولا. كانت الفاتاتان تتحدثان لكن قاطعهم صوت عالٍ في القصر. شادي بمرح: يااا عيسى يا أهل القصر الملعون! هبط عيسى من على الدرج بغضب: في إيه يلا بتزعق لي؟

شادي: بقى كده تجيب هايدي وجيجي من غير ما تقول لي. عيسى برفعة حاجب: وإنت مالك؟ شادي: لااا ده مالي ونص، خلي الخدم يطلعوا الشنطة. عيسى بتعجب: شنطة إيه دي؟ شادي: شنطة هدومي، ما أنا خلاص هستقر هنا معاك. عيسى بزهق: أنا مش عايز مشاكل. شادي بضحك: عيب عليك، بس هما فين؟ عيسى بجدية مصطنعة: عزيزة! عزيزة: نعم يا باشا. عيسى بجدية: نادي هايدي وفهميها إني شغلتها هنا هو الأستاذ شادي، فاهمة؟ عزيزة: حاضر يا فندم.

دلفت عزيزة لتخبر هايدي بعملها. هايدي وهي تقف أمام شادي بملل: خير، عايز إيه؟ شادي وهو يبتسم لها بإعجاب: كل خير يا قمر، إنتي يلا عشان تجيبي لي الغدا فوق في الأوضة. هايدي بزهق: وإنت مالك يا أخويا فاتح بقك شبرين كده ليه؟ شادي: بصراحة معجب يا جميل إنت يا رايق. هايدي وهي تلوي فمها بعشوائية: ولا محن الكلاب ده ما بحبوش. شادي بتعجب: محن كلاب إيه؟ ده بقك ده ولا مقلب زبالة؟

هايدي بصوت قوي: لا يا حبيبي مقلب الزبالة ما حضرش، بس لو عايزاه يحضر عيني حاضر. تغيرت ملامح شادي إلى الغضب: دقيقة واحدة والاقيكي فوق إنتي فاهمة؟ صعد شادي لغرفته وترك هايدي واقفة في حيرة من هذا الرجل: ماله الجدع ده بيتحول في لحظة واحدة؟ دلفت هايدي لغرفة شادي الذي سرعان ما كانت بين يديه وحاصرها بالحائط. هايدي وهي تأخذ أنفاسها من الموقف: في إيه إنت بتعمل إيه؟ شادي وهو بداخله بركان من الغضب: إيه الزفت اللي لابساه ده؟

هايدي وهي تبتلع ريقها من نظراته: أن... أنا... أنا لسه أول يوم وكا... قاطعها شادي بصوت جهوري: إنتي إزاي تخرجي كده؟ هايدي وهي تغمض عينها بخوف: أنا كنت هقول إني مش هلبسه تاني. شادي وهو يقترب من وجهها بحدة: وإنتي فاكرة إنك هتنزل كده؟ هايدي بتوتر: قصدك إيه؟ شادي وعيونه ما زالت حمراء من شدة الغضب: خشي الزفت الحمام غيري القرف ده والبسي أي حاجة تكون طويلة ومقفلة، خدي البسي ده. هايدي بصوت منخفض: حاضر حاضر خلاص.

ذهبت هايدي مسرعة إلى الحمام وهي معها قميص رجالي أبيض. جلس شادي على الفراش بضيق وهو يفكر من الذي رآها بهذه الملابس فهو لم يحتمل هذه الفكرة يريد أن يحطم كل شيء أمامه. هايدي وهي تقف خلف الباب: إنت يا عم إنت شوف لي حاجة تانية. شادي بغضب: ليه يا أختي في إيه؟ ما تلبسي. هايدي: يا عم هات ده أنقى منه، شوف بنطلون واسع ولا حاجة. شادي بعدم فهم: اخلصي يا هايدي تعالي. هايدي: يا عم إنت عبيط عايزني أطلع كده؟

شادي بصوت قوي: نص دقيقة وتكوني واقفة قدامي بسرعة يلا. ارتعبت هايدي من صوت شادي خرجت وهي ترتدي قميصه الأبيض ويصل لنصف رجلها وأكمامه طويلة. هايدي بخجل: يا يا عم البتاع قصير أكتر. اتسعت عيون شادي بصدمة من جمال القميص الأبيض عليها مع لون بشرتها البيضاء: إنتي إنتي إيه؟ هايدي بخجل: لو سمحت بقى هات لي أي حاجة طويلة. لم تكمل كلامها حتى سحبها شادي داخل أحضانه كانت هي فوق وهو يحيط بيديه حول خصرها.

هايدي بتوتر: إنت إنت بتعمل إيه؟ ابعد عني. شادي وهو يتأمل عيونها: هش بتكوني أرق وأجمل حاجة في الكون وإنتي هادية. .................. عند عيسى... كان يجلس يشرب القهوة حيث جيجي تقف أمامه: إيه أوامر تانية؟ عيسى بعدم اهتمام: آه خليكي في هانم هتيجي دلوقتي استني عشان تشوفي هتشرب إيه. قاطعهم صوت فتاة ترتدي ثياب مثيرة للغاية. شاهي بدلع وهي تقبل عيسى: حبيبي اتأخرت عليك. عيسى: لا يا حبيبتي إنتي تيجي براحتك.

جيجي ببرود أعصاب: تشربي حاجة يا هانم؟ شاهي وهي تنظر لها باشمئزاز: لا ويلا غوري من قدامي لما أعوزك هندهلك. جيجي بغضب: إنتي بتتكلمي كده ليه يا بت إنتي؟ شاهي بغضب: إنتي حيوانة وقليلة الأدب، يلا غوري من وشي إنتي مرفودة. جيجي وهي في كامل غضبها: ترفدي مين يا حيزبونة إنتي؟ قاطعهم عيسى بصوت قوي: اخرسي، إنتي عارفة دي مين؟ دي شاهي هانم خطيبتي، ولو صوتك الزبالة ده علي عليها هدفنك مكانك إنتي فاهمة.

شاهي بدلع: حبيبي أنا عايزة أعاقبها وأعلمها الأدب. عيسى وهو يقبل يدها: إنتي تؤمري يا قلبي. شاهي بخبث: تُقلع هدومها كلها وتتحبس في المخزن اللي كله فيران لمدة أسبوع. اتسعت عيون جيجي من الصدمة. حيث رد عيسى مبتسمًا بخبث: اللي تؤمري بيه فعلًا. الزبالة دي هو ده أحسن عقاب ليها.