رواية عشق في حي شعبي الفصل الثاني عشر 12 - بقلم ايات

تسعت عيون هايدي عندما رأت شادي يقف خلفها. هايدي بتوتر: شادي، انت واقف هنا من امتى؟ شادي: مالك ياحبيبتي، انا لسه داخل لقيتك قاعدة سرحانة مع نفسك. هايدي وهي تأخذ أنفاسها بارتياح: مفيش، بس كنت سرحانة في جيجي لأنها راجعة من برا مع عيسى وبتعيط وعيسى عيونه كلها شر. انا خايفة على جيجي أوي. شادي: متخافيش، انا هطلع أشوف في ايه. هايدي: ماشي، وابقى طمني عليها. في غرفة عيسى. كان عيسى كأنه يحتضن الجحيم في عينيه من شدة الغضب.

عيسى: انتي كنتي مبسوطة وهما عينهم عليكي صح؟ جيجي وهي تحتضن نفسها وتبكي: لا بابي، انا معملتش حاجة. عيسى وهو يكسر كل زجاج الغرفة: اسمعي، انتي مفيش ليكي خروج من الأوضة دي، انتي فاهمة؟ جيجي وهي تبكي بشهقات مثل الأطفال: حاضر، بس بس متعملش كده. يجلس عيسى على الأرض ويضع يده حول رأسه بتعب. جيجي وهي تقترب منه بخفوت وتضع يدها على رأسه بحنان: بابي، جيجي مش عملت حاجة. جيجي بتحب بابي، جيجي مش عملت حاجة.

عيسى وقد تبدلت ملامحه تمامًا ويتحدث بضعف مثل الأطفال: بس جيجي وجعت قلبي النهارده. جيجي وهي تحتضن رأسه بحنان: بابي مش يزعل من جيجي، انا مش قصدي أوجع قلبك. دلف بين يديها أكثر ودخل بين أحضانها وبدأ يبكي كالطفل الصغير ويتفوه بكلمات كثيرة وهو يبكي. عيسى: مش هقدر أشوف حد يبصلك يا جيجي. جيجي ببراءة: بابي، لي كل ده؟

عيسى وهو ينظر لها بضعف: عارفة يا جيجي، انا مش وحش بس بخاف أتعلق بحاجة وتروح مني. انا بحب شادي بس هو غبي متعلق بهايدي وهايدي هتغدر بيه. انا لو عليا عايز أبعد هايدي عن شادي بأي تمن. حاولت اني أتعدى عليها وهدتها عشان لو في حاجة جواها تنساها، لاما تبعد عننا. ان... انا... انا خلاص هخلص كل حاجة وهخلي شادي يبعد عني عشان هو متعلق بيها وهيا هتبعدك عني، عشان كده انا مش عايز أتعلق بيكي انتي كمان.

جيجي بطفولة: انا مش فاهمة حاجة، بس انا مش هسيب بابي. انا بحب بابي أوي. عيسى وهو يحتضنها بقوة: وبابي مش هيسيب جيجي أبداً. وبكرة هجيب آخر الحكاية دي. شادي وهو يدق على الباب: عيسى، اخرج عايزك. وضع عيسى جيجي على الفراش ومسح وجهها وفتح الباب. عيسى: ايه؟ في ايه؟ شادي: انت اللي في ايه؟ صوت الخبط وصل لتحت مبراحه شوية.

عيسى بجدية: عايزك تنزل تروح المخزن القديم هتلاقي أربع شباب هناك متكتفين. مش عايزك ترحمهم عشان انا لو روحت هقتلهم. شادي: اهدى بس كده، لي؟ يعني ايه اللي حصل؟ عيسى بتنهيدة: الكلاب كانوا بيبصوا على جيجي. شادي بتعجب: يا ساتر يارب، صحيح الدنيا اتقل خيرها. عيسى بحدة: مش وقت استظراف أمك، روح اعمل اللي قولتللك عليه. شادي: متهدى شوية على نفسك، بعدين مش هي دي المجنونة اللي كنت مش بطيق تبص في وشها؟

بعدين انت ناسي اللي عملتوا فيها؟ مش انت اللي حرقت شقتهم؟ عيسى بجدية مصطنعة: ميخصكش. انت تحاول تفهم مراتك تنسا أي حاجة حصلت ونبتدي صفحة جديدة. انا خلاص مش ناوي أبعد جيجي عني. شادي: العب، حبيتها يا عيسى. عيسى: ملكش دعوة. حاول تبعد مراتك. شادي بجدية: هو ايه اللي أبعد مراتك؟ أنا مراتي خلاص هتعيش معايا ونسيت كل اللي فات. انت اللي حاول تصلح صورتك قصادها بدل ما انت شبه دراكولا كده. عيسى

وهو يحاول أن يستفز شادي: قصدك يعني آخدها ونتعشى برة؟ قام شادي بلكمه بغضب: اخرس، لو الكلام ده طلع منك تاني هقتلك ياعيسى، انت فاهم؟ عيسى وهو يقف ويضع يده مكان اللكمة: آآه يابن المجنونة، خلاص يعم بهزر معاك، ايدك بقت تقيلة. شادي بجدية: الحاجات دي مفيهاش هزار، وهايدي ملكش كلام معاها، مفهوم؟ عيسى: خلاص ياشادي قلت، كنت بهزر. ابقى افهمها انت بقا على اللي قولته.

دلف شادي بدون أي كلمة، فهو الآن عاشق لهايدي، فهي عنده خط أحمر لا أحد يتجرأ حتى يفكر فيها، فهي عشق شادي، كاد يصبح عشق الأسد لفريسته. هايدي وهي تتحدث مع شروق. هايدي: عملتي ايه؟ شروق وهي تأكل شيبسي: لسه، اصبري عليه بس الدنيا تهدى وكله هيبقى تمام. هايدي: تمام، حاولي تنجزي، ظبطي اللي قولته عليه. شروق: متخافيش، كله تمام، بس دراكولا ده يهدى كده والدنيا هتمشي زي السكينة في الحلاوة. هايدي: خلي بالك يا شروق.

شروق: متخافيش، ولو ياستي يومين وكله هيبقى عندك. هايدي: تمام، هطلع أشوف شادي وهبقى أجيب جيجي ونقعد مع بعض شوية. انتي مش ظبطي الدنيا عند أبوكي؟ شروق: آه ياستي، هو فاكر إني في رحلة تبع الكلية يعني، متخفيش. صعدت هايدي لغرفة شادي. شادي وهو يحتضنها من الخلف: وحشتيني أوي. هايدي: لحقت أوحشك؟ منا لسه كنت معاك. شادي وهو يقبل رقبتها: انتي بتوحشيني طول الوقت. انا دقت معاكي أحلى وألذ وقت في حياتي.

هايدي: لا يا شادي، لو بتحبني كنت أعلنت جوازنا، وكمان جواز أختي من عيسى. شادي وهو يلفها ويمسك بوجهها: حبيبتي، أحلى فستان وأحلى فرح ليكي يحصل لو عايزة النهارده. هايدي بابتسامة: بس انا مش عايزة فرح، انت شخص مشهور، كفاية إنك تنشر صورنا وصحافة وسوشيال ميديا تعرف إنك جوزي. شادي وهو يقبل شفتيها بحنان: طبعاً ياحبيبتي، بكرة الصبح هينتشر خبر جوازنا لكل الناس. هايدي: ربنا يخليك يارب وميحرمنيش منك أبداً. شادي: بقولك ايه؟

طب متيجي نعتبر إنهااردة فرحنا ونعيد اللحظة من تاني. ضحكت هايدي بشدة، بينما شادي حملها بين يديه. شادي: شكلها ليلة عسل أوي. في المستشفى. الأب بتعب: البنات وحشوني أوي. الأم: معاك حق ياحاج، دول بقالهم فترة مش سمعالهم حس ولا خبر. كاد الأب أن يتحدث لكن قاطعهم دخول شخص ما عليهم. في غرفة عيسى. جيجي وهي تأخذ العلاج: بابي، انت لسه زعلان؟ عيسى وهو يجلس على الفراش وهو عاري الصدر: لا يا جيجي، مش زعلان، بس مفيش خروج تاني. جيجي

وهي تضع يده مكان قلبها: بابي، حاسة إن هنا واجعني أوي. اقترب منها عيسى بلهفة: مالك؟ حاسة بايه؟ أجيبلك دكتورة؟ هزت جيجي رأسها بنفي: لا يابابي، بس حاسة إنه وجعني أوي. عيسى وهو يضمها له بشدة ويقبل شفتيها بحنان بالغ، وأخذت هي تحاول أن تجاريه: طب يا حبيبتي نامي شوية، تلقيكي تعبانة من اللعب طول النهار. استرخت جيجي داخل حضن عيسى حتى غرقت في النوم. حل الصباح على الجميع. شادي وهو يرتدي ملابسه بنشاط: صباح الخير ياحبيبتي.

هايدي وهي تمسك بظهرها بألم وصوت ضعيف أثر النوم: آآآه، صباح الخير يا حبيبي، بجد انت فظيع، ضهري وجعني أوي. ضحك شادي بشدة: ياشيخة، على أساس البت ملاك، دا انتي طلعتي عين أهلي. يلا ورايا شغل كتير النهارده. اقترب منها شادي وأمسك بيديها بحنان: هايدي، انتي ناسيه كل حاجة صح؟ هايدي بابتسامة: انا مش عايزة حاجة غيرك، وغير إن جيجي تكون مبسوطة. وانا شايفة عيسى بيعاملها كويس، يبقى فين المشكلة؟

قبل شادي يديها بحب ثم خرج إلى غرفة عيسى. عيسى وهو يتأمل جيجي وهي غارقة في النوم: مش عارف حبيتك امتى، ولا أنا اللي كنت بحبك من الأول، بس كل يوم بقضيه معاكي بيكون أحلى وقت عمري. ما ارتحت في يومي زي ما برتاح معاكي. أفاق عيسى من شروده على صوت دق الباب من شادي. عيسى وهو يفتح الباب: هو أنا هتمسخر بيك وأتصبح بيك برضة؟ شادي: معلش يا سيدي، خليها عليك، بس كنت عايز أقولك على موضوع.

عيسى: وهو الموضوع ده ميستناش لحد ما نروح الشركة؟ شادي: مهو انا هروح انهارده المصنع ومش هكون فاضي. المهم انت تكلم كل بتوع السوشيال ميديا والصحافة، الجو ده. لازم تعلن خبر جوازك من جيجي، وخبر جوازي من هايدي. عيسى: خلاص ماشي، انا فعلاً كنت هعمل كده. خلاص روح انت وانا هتصرف. ذهب شادي إلى سيارته. وعيسى ارتدى ثيابه وتوجه إلى الشركة. بعد مرور بعض الوقت. جيجي وهي جالسة في غرفتها. دَلفت إليها هايدي: صباح الخير على القمر بتاعي.

جيجي: لا، انا زعلانة منك. هايدي: لي بس يا قمري؟ جيجي بحزن: عشان مش بتيجي تقعدي معايا. هايدي وهي تحتضنها بحزن: معلش ياحبيبتي، اديني جيت اهو، وأوعدك كل حاجة هتتصلح وهنرجع نقعد مع بعض. عيسى: عرفت هتعمل ايه انهارده، عايز كل الناس تعرف بجوازي من جيجي. مصطفى. وجوازي شادي من هايدي. مصطفى. مفهوم؟ الشخص: مفهوم ياباشا. في المساء بعد أن انتشر خبر الزواج. هايدي: الو، يا سيد، فين اللي اتفقنا عليه؟

سيد بصوت حزين: كله تمام، الراجل شوية كده وهيكلمك. هايدي: تمام، شكراً على تعبك معايا. سيد: ولا يهمك ياهانم، انتي حرم شادي باشا. هايدي بضيق: خلاص ياسيد، لما أعوزك هكلمك. المهم جهز عشان لما أقولك نفذ تنفذ. أنهت هايدي المكالمة. بينما خلفها شروق: سيد قالك ايه؟ هايدي: شوية والراجل هيكلمني. رن فون هايدي. هايدي بابتسامة: أكيد هو. الشخص يتحدث لغة غير مصرية: مرحبا السيدة هايدي معها.

هايدي بجدية: أيوه، ويا ريت ندخل في الموضوع على طول ونتكلم عربي. ابتسم الشخص وتحدث باللغة العربية: ماشي، اللي حضرتك عايزاه ياهانم، مع إني مش واخد عليها بس يكرم لاجل عيونك. بدأت هايدي والرجل الحديث معا في الأمر الذي تريده، حتى أنهت المكالمة. شروق: ها، خلصتي مع ابن الرغايه ده؟ هايدي: آه تمام، كلها يومين بس. شروق: وانا انهارده هطلع ادي العلاج لجيجي وهنفذ. ابتسمت

هايدي بخبث وتحدثت بمكر: انهارده بليل بداية أول حاجة هتحصل ليكوا و...