رواية عشق في قلب صعيدي الفصل السابع عشر 17 - بقلم اسماء السيد

سليم وجد ورقة على السرير. عندما أخذها، وجد أنها من عشق ومكتوب فيها شيء صدمه وأغضبه بجنون. "سليم، أنا همشي ومش راجعة تاني. أنت اتجرأت وضربتني، وعمتاً أنا كنت ناوية أهرب من زمان. أنا ما حبيتكش من الأساس يا سليم. أنا عمده عارف ليه؟

عشانك غبي وصدقتني وأنا حامل، بس مش منك يا سليم. ده من حب حياتي. أنت اتجوزتني من غير علمي وأنا هربت. متحاولش تدور عليا عشان مش هتلاقيني يا سليم. ومتبقاش عبيط وتثق وتحب أي حد كده. عندك البت منار اهي، هتموت عليك. اتجوزها. هههه. ولا إياك تولعوا. ابقى سلم لي على العيلة كلها وعلى عيلتي كمان، لأنهم طيبين وما يعرفوش إني واخدة طبع الخيانة من أبويا. آه صحيح، هتوحشني يا مغفل. أنا هتجوز اللي بحبه وبعشقه. سلام يا سولم. هههه. عشق."

سليم بغضب: "عششششق يا عششق! نزل يجري على تحت والعيلة كلها اتجمعت. مجدي: "في إيه يا سليم بتزعق ليه؟ سليم بغضب مفزع: "عشق هربت." صفية ضربت على صدرها وشهقت بصدمة: "يا مربي! يا مربي! كريم: "وإنت عرفت إزاي؟ سليم بغضب: "سايبة لي رسالة. بس والله لها ألاقيها وهقتلها." رامي: "تقتلها ليه؟ دي مراتك وحبيبتك." سليم بصوت عالي: "أنا مش هسيبها وهجيبها. كريم، لم لي الرجالة واقلب الدنيا عليها بسرعة يا كريم."

كريم بخوف: "حاضر." وطلع يجري هو ورامي. ريان: "وأنا هخلي كل الكمائن تدور عليها." سليم بغضب: "بسرعة قبل ما تطلع من الصعيد. جدي كلم عمي يعقوب دلوقتي." مجدي: "حاضر يا ولدي." واتجه للتليفون. روح بدموع: "أنا متأكدة إن عشق ما تعملش كده." تاليا وريحانة: "وأنا كمان مش مصدقة." سليم بغضب جحيمي: "اسكتوا بقى! أنا هجيبها وهقتلها." منار: "هو ممكن تعمل كده بجد؟ يا ني، ما توقعتهاش دي."

سليم بغضب: "اخرسي خالص. أنا مش طايق حد." واتجه للمكتب بغضب جنوني. *** عند يعقوب، كانوا بيتعشوا. زين: "المهم يا بابا، أنا أخدت أول دفعة من فلوس بناية العمارة." يعقوب: "كويس والله." فريدة: "أنا قلقانة أوي." زين: "من إيه يا ماما؟ فريدة: "على عشق. مش عارفة، بس قلبي مش مطمن. كلموها لي." يعقوب: "فاتت نايمة. بكرة نروح لها و... " قاطعه رنة التليفون. مجدي: "الو يا يعقوب." يعقوب: "أهلاً يا مجدي. عاملين إيه؟

مجدي: "مش كويسين. عشق جت لك؟ يعقوب بخوف: "وعشق هتجي لي ليه؟ أنا مش شفتها." مجدي: "بنتك هربت يا يعقوب." يعقوب بصدمة: "إيه؟ بنتي؟ أنا؟ كيف ده؟ مجدي: "تعالوا بسرعة." يعقوب: "حالا جايين." وقفل. فريدة: "في إيه؟ طمني." يعقوب: "بيقولوا عشق هربت." زين: "إيه؟ كيف؟ عشق ما تعملش كده." فريدة: "أنا كنت حاسة إنها مش كويسة. يا ترى فين يا ضنايا؟ دنيا: "بس أنا مش مصدق إن عشق تعمل كده."

يعقوب: "ولا أنا. مش وقته. يلا نروح نفهم الموضوع." وبالفعل، الجميع اتجهوا على قصر القناوي. *** في المكتب، سليم كان بيشرب سيجارة ورايح جاي بغضب، وبييبص في الرسالة وغضبان جداً. سليم بدموع: "ليه يا عشق؟ ليه؟ ده أنا عشقتك. ده أنا كنت بحبك أكتر من روحي. ده إنت الوحيدة اللي كنت بضعف قدامها وبعيط في حضنها. ليه؟ ده إنت كنتي قلبي و... قاطعه الخبط على الباب. فمسح دموعه وقال بغضب. سليم بغضب: "ادخل."

الخادمة: "يعقوب بيه وصل يا كبير." سليم: "روحي." وجريت بخوف. وسليم طلع وجري عليه زين. سليم: "عم يعقوب وزين عاوزكم في المكتب." وراحوا وراه وقفل المكتب. زين بغضب: "أختي فين يا سليم؟ سليم بغضب جنوني: "هربت يا زين، هربت. وكمان مش حامل مني وهربت مع عشيقها." زين مسكه من ياقة الجلابية بغضب: "اخرس. أنا أختي أشرف من الشرف. إنت مجنون؟ سليم زعقه واتكلم بغضب: "اتفضل شوف." وعطاله الورق. زين بدأ يقرأ وهو مصدوم.

يعقوب: "في إيه يا زين؟ فهمني." زين مدله الورقة ويعقوب بدأ يقرأ وهو مصدوم. يعقوب بجمود ورما الورقة: "ده مش خط عشق. بنت." سليم برفعة حاجب: "يعني إيه؟ يعقوب: "يعني ده مش خط بنتي. يا زين، ركز في الحرفين اللي عشق بتكتبهم بطريقة مميزة." وزين جري أخد الورقة من على الأرض وبدأ يشوف ويدقق. زين بصدمة: "فعلاً ده مش خطها. عشق مستحيل تكتب الراء كده." سليم بفرحة: "يعني مش عشق اللي كاتبة كده؟

يعقوب: "أنا بنتي ما كنتش أتوقع منها كده و... " فجأة الباب خبط. وكان كريم. سليم بلهفة: "لقيتها؟ كريم: "قلبنا الصعيد. ملهاش أثر." سليم بغضب: "يعني إيه؟ اقلب لي الدنيا شبر شبر، فاهم؟ كريم بخوف: "فاهم. فاهم." وطلع يجري. زين: "في حاجة غلط." سليم: "فعلاً. أنا مش هسكت. أنا مراتي هتبات في حضني الليلة." وفجأة دخلت روح. روح بخوف: "استاذ سليم، ممكن أتكلم معاك دقيقة؟ سليم بغضب: "مش وقته يا روح، بعدين."

روح بتوتر: "لأ، ماهو بخصوص عشق." سليم بلهفة: "تعرفي مكانها؟ روح: "لأ، بس أعرف اللي يعرف مكانها." زين: "انطقي بسرعة." روح بخوف: "م... م... منار." سليم بصدمة: "ومنار تعرف منين؟ روح: "أصل النهارده كنت معدية وسمعتها بتتكلم في التليفون مع واحد وبتقول: أنا لو عملت كده ممكن سليم يقتلني. وبعدين قالت: ممكن يصيب وأبعد عشق عن سليم." زين بغضب: "بنت الكلب! هقتلها."

سليم مسكه: "اهدا يا زين. إحنا لازم نعمل نفسنا مصدقين الكلام اللي في الورقة عشان ما تأذيش عشق." يعقوب بخوف: "أنا بنتي في خطر وبتروح مني." روح: "ياريت أكون قدرت أساعدكم. عن إذنكم." وطلعت. سليم بتفكير: "الأسورة والسلسلة." زين: "أسورة إيه وسلسلة إيه دلوقتي؟ سليم: "دول عشق مش بتقلعهم أبداً، لأن محفور عليهم اسمي. وأنا حاطط فيهم جهاز تتبع." زين: "حلو دا." سليم: "يلا بينا. بس ولا كأننا عرفنا حاجة." وكانوا خارجين.

نده عليه يعقوب. يعقوب: "سليم." سليم لف له: "في حاجة يا عمي؟ يعقوب برجاء: "رجع لي بنتي." سليم: "متقلقش. عمر ما حد هيوصل لدرجة حبي لعشق. أنا بعشقها ومستحيل أعيش من غيرها." وطلع أخد زين على جنب واتكلموا. وبعدين طلعوا الصالة. فريدة: "بنتي فين يا ولدي؟ عشق فين؟ زين بغضب مصطنع: "بلا عشق بلا زفت. متجيبيش سيرتها." فريدة: "يعني إيه؟ يعقوب: "يعني بنتك حطت راسنا في الطين يا فريدة." دنيا: "هو إيه اللي حصل؟ فهمونا."

زين: "خدي اقرأي. الهانم هربت مع عشيقها الفاجرة." ودنيا أخدت الورقة وقرأتها وقالت بنفي: "لأ، عشق ما تعملش كده. صدقوني." سليم: "واهي عملت. أنا مش هفكر فيها. دي واحدة فاجرة وأنا هتجوز من بكرة." مجدي: "إيه الكلام ده يا سليم؟ أنت اتجننت؟ سليم ببرود: "ده اللي عندي. وهتجوز منار بكرة. مش هي اللي قالت؟ منار بفرحة: "بجد يا سليم؟ سليم: "أيوا بجد. بكرة دخلتي عليكي." وطلع فوق. فريدة: "أنا بنتي ما تعملش كده أبداً."

يعقوب: "وعملت يا فريدة. وبعدين هي مش بنتنا أصلاً. انسيها بقى. إنتي ناسيه إننا لاقيينها في الشارع." زين: "عندك حق. عشق خسارة فيها دي. حطت راسنا في الطين." تاليا: "بس عشق مش كده يا جماعة." منار بغل: "هي كانت كده من زمان بس ما كانتش بتبين." ريحانة: "لأ، أنا واثقة في عشق. إنتي كذابة." منار بفرحة: "وأنا كنت قلت حاجة؟ ماهي اللي كتبت. مش أنا. وبعدين أنا لازم أجهز عشان بكرة دخلتي." وطلعت. ***

عند عشق، صحيت لقت نفسها نايمة على سرير. وفكرت إنه سريرها، بس بعدين افتكرت واتفزعت. عشق: "أنا هنا بعمل إيه؟ في حد؟ محمد: "أنا هنا يا حبيبتي." عشق لفت واتصدمت: "إنت إيه اللي جابك هنا؟ وأنا فين؟ محمد بحب جنون: "اسمعيني بس يا عشق. أنا اللي جبتك هنا عشان بعشقك." عشق بغضب: "وأنا بحب سليم وبس. إنت مين إنت؟ محمد بغضب وقرب مسكها من وشها بغضب: "لأ، إنتي هتحبيني أنا وبس. فاهمة؟ وإلا والله أقتله. فاهمة؟

إنتي ملكي وهتجوزك وهنسافر بكرة برا مصر كلها. يا حبيبتي." عشق زقته وقالت برعب: "ابعد عني. إنت إنسان مريض. ابعد يا مجنون." محمد اتجه للكرسي وقعد: "أنا مجنون بحبك يا عشق. إنتي روحي من أول ما شوفتك." عشق قعدت على السرير: "إنت مجنون صدقني. أنا متجوزة ومينفعش اللي بيحصل ده." محمد بغضب: "هتتطلقي وهتجوزك وهتبقي ملكي يا عشق." عشق بخبث: "إحنا فين يا محمد؟ محمد بحب وسعادة: "إنتي أول مرة تنطقي اسمي."

عشق: "ومالو يا محمد. هو حد يلاقي حد بيحبه كده؟ الأيام دي... محمد: "أنا بعشقك يا عشق." عشق: "المهم، إحنا فين دلوقتي يا ميدو؟ محمد بتوهان: "إحنا لسه في الصعيد وبكرة هاخدك برا مصر." عشق: "بجد؟ هنسافر فين بقى؟ محمد: "هنسافر لندن." عشق: "آه، حلوة لندن. بس أنا عاوزة آكل." محمد: "حالا هجيب لك أكل يا روحي." وطلع من الأوضة. عشق اتنفست براحة وقالت برعب: "يا ترى أنا هتصرف إزاي؟ بس أنا جيت هنا إزاي؟

هبقى أسأله. يارب يا سليم توصلني. يارب." *** عند سليم، كان نزل وأخد زين وطلعوا. وفريدة ودنيا والعيلة كلها زعلانين من عشق ومش مصدقين. مجدي: "بس أنا مش مصدق إن عشق تعمل كده." يعقوب: "وعملت. دي وسخة. اسم الجبالي اللي ادتهولها." فريدة: "متقولش عليها كده. دي بنتي أشرف من الشرف." منار بخبث: "طب ماهي اللي كاتبة وبتقول إنها مش حامل منه وهربت مع عشيقها." دنيا بغضب: "اخرسي خالص. عشق مش كده. ولما هترجع مش هتسكت لكم."

منار بغل وفرحة: "مش لما تبقى ترجع. ههههه. ماجد: "على فكرة يا منار، أنا مش موافق على جوازك من سليم." منار بغضب: "يعني إيه مش موافق؟ أنا هتجوزه يعني هتجوزه." ماجد بغضب: "وأنا قولت مش موافق يا منار. هتعصي كلامي؟ منار ببجاحة: "آه، هعصي كلامك. لأن سليم هو اللي اختارني وأنا وافقت. وأنا مش صغيرة." وطلعت. ماجد بجنون: "لأ، البت دي فجرت خالص. والله لأربيها. بنت الرافضي." مجدي مسكه: "اهدا يا ماجد. بعدين." وماجد قعد.

عند سليم، كان واقف هو وزين ورامي وريان وكريم في القطاع بتاع المخابرات وبيشوفوا جهاز التتبع. عمرو: "المكان اتحدد يا سليم." سليم بلهفة: "فين؟ وريني." عمرو: "ده هنا في الجبل قريب." زين: "يبقى يلا بينا بسرعة." عمرو: "لأ، مش بسرعة. دي لازم نعمل خطة." ريان: "فعلاً لازم خطة." سليم: "أنا عندي فكرة." الكل: "قول بسرعة." وسليم شرح الخطه واتحركوا. *** عند عشق، كان محمد جاب الأكل وطلع. عشق بغضب: "مش عاوزاهم."

محمد: "مش إنتي اللي قولتي؟ عشق: "وقولت مش عاوزة دلوقتي. بس صحيح، أسألك سؤال." محمد بحب: "قولي. وما علينا من الأكل." عشق برفعة حاجب: "أنا جيت هنا إزاي؟ وكمان إزاي محدش بيدور عليا؟ محمد بسخرية: "عشان بقوا بيكرهوكي. ده حتى سليم هيتجوز منار بكرة. ههههه. عشان تعرفي إن أنا بس اللي بحبك." عشق بغضب: "مستحيل سليم يتجوز غيري. إنت مجنون." محمد: "تحبي تسمعي؟ عشق: "أسمع إيه؟ محمد: "ثواني."

وطلع تليفونه وراح قعد جمبها على السرير. وهيا بعدت وأخدت التليفون. وكان عليه تسجيل. وزين بيقول: "طلعت فاجرة". وسليم بيقول: "أنا هتجوزك بكرة". وكل اللي حصل. وعشق اتصدمت. محمد: "شوفتي؟ إنهم نسيوك." عشق: "إنت عملت إيه عشان يقولوا كده؟ محمد: "بسيطة. اتصلت عليكي وقلت لك إن سليم عامل حادثة على الطريق. وإنتي نزلتي ورجالتي خطفوكي وجابوكي. ومنار حطت ورقة مكتوب فيها إنك ما بتحبيش سليم وحامل من حد تاني وبتكرهيه."

عشق بصدمة: "ده إنتوا عصابة بقى؟ محمد: "عيب عليكي." وبدأ يقرب منها وهي بترجع. عشق: "ابعد عني. إنت عاوز إيه؟ ابعد." محمد بجنون: "عاوزك إنتي يا عشق. وهموت عليكي." عشق برعب: "والله لو استجرأت ولمستني، هقتلك." ومحمد حاصرها في الحيطة. ومن غير ما ياخد باله، عشق مسكت المزهرية وخبطتها في دماغه. واغمي عليه. وهي اترعبت. *** بعد ساعتين.

عند سليم، كانو وصلوا الفيلا اللي جمب الجبل. وفعلاً، محدش عمره هيلاقيها هنا. وضرب النار اشتغل لحد ما خلصوا على كل اللي برا. وسليم دخل يجري ويدور في الغرف بجنون. لحد ما لقاها. واتصدم من اللي شافه. والكل دخل وراه واتصدموا. لقوا عشق رابطة محمد في الكرسي. ورافع رجله على الترابيزة. وهوبيقولها تفكه. وهي ماسكة عصاية ونزلت فيه ضرب. وعشق ما خدتش بالها منهم. وكلهم مصدومين.

عشق بضحك: "يلا يالا قول ألف. يلا انطق." وضربت على رجله وبتضحك. محمد بألم: "آآآه. ألف ألف." عشق ميتة من الضحك: "باء. انطق." وضربته على رجله. محمد برعب: "آآآه. باء باء." عشق: "أيوا كده يا كلب." وضربته. سليم: "إنتي بتعملي إيه؟ عشق لفت: "أخيراً. اتأخرتوا ليه يا رجالة." زين بصدمة: "ده إيه ده؟ يا مجنونة." عشق: "ده لاء. أنا قولت أتسلى عقبال ما تيجي. اهو يستفاد من خبراتي." سليم جري عليها حضنها. وهي حضنته جامد وعيطت.

عشق: "أنا كنت خايفة أووووي من غيرك." سليم: "أنا جنبك يا نور عيني." وشدد من حضنها أكتر. زين زق سليم: "عدي كدة يا أخويا. أما أطمن على أختي." سليم بعد. زين مسك وشها بين إيده. زين بخوف: "إنتي كويسة يا حبيبتي؟ عشق: "كويسة يا زوزو. متقلقش. بس أنا كنت مرعوبة." رامي وهو ميت من الضحك: "مرعوبة؟ ده إنتي علمتيه الأدب من الأول. ههههه."

كريم: "عندك حق والله. ده أنا قولت هنيجي نلاقيها بتعيط متعلقة مربوطة. ههههه. طلعت هي اللي ربطاه." عشق: "عيب عليكم. أنا بردو وحش؟ سليم قرب عليها وشالها. وهي اتكسفت. سليم: "تبي يلا يا وحش. نروح." ريان: "ياسيدي على الحب." وسليم نزل وعشق دافنة وشها في صدره. والشرطة قبضت على الرجالة ومحمد. وسليم نزل ركبها العربية وركب ودور. عشق بخجل: "مكنش لازم تشلني يعني." سليم: "أنا أشيلك العمر كله بقلبي يا عشق. روحي."

عشق بكسوف: "بس يا سليم. بتكسف." سليم: "أموت أنا في الفراولة يا عشقي." عشق بخجل: "بس يا سليم بقى." فجأة سليم وقف العربية. عشق عقدت حاجبيها باستغراب: "وقفت ليه؟ سليم: "إنتي خوفتي يا عشق؟ عشق: "عاوز الحق ولا ابن عمه؟ سليم: "الحق طبعاً يا عشق." عشق بحب: "أنا ما خوفتش. أنا اترعبت. بس أول ما شفتك حسيت إني مش خايفة من أي حاجة، عشان إنت أماني."

سليم بص لها بحب. وفجأة قرب منها وباسها بشوق وبخوف وبحنين. وعشق تجاوبت معاه. وحضنته. لحد ما هو بعد لما حس إنها محتاجة هوا. وعشق اتكسفت جامد. عشق بخجل: "يالا يا سليم نروح عشان أنا تعبانة وعاوزة أريح." سليم بضحك: "ماشي يا مزة قلبي. ههههه." ودور العربية وهو بيضحك ومبسوط إنها رجعت. *** في القصر، كان الكل متجمعين وخايفين. فريدة بدموع: "يعني إيه بنتي راحت خلاص يا يعقوب؟

يعقوب بحزن: "صدقيني يا فريدة، أنا زعلان وخايف أكتر منك." دنيا: "صدقني يا بابا، أنا متأكدة إن عشق ما تعملش كده أبداً." روح بدموع: "والله أنا كمان متأكدة إن عشق ما تعملش كده." تاليا: "وأنا كمان. عشق محترمة جداً." منار بغل: "وإنتي إيه اللي عرفكم؟ ده إنتوا لسه عارفينها من شهرين بس. وبعدين إنتوا لسه قاعدين ليه؟ أنا كنت سامعة إنكم يومين وماشيين." عشق بغضب من وراها: "قاعدين في بيتنا يا بنت كريمة."

روح وتاليا جريوا عليها. ومنار اتصدمت. روح: "إنتي كويسة يا عشق؟ عشق: "أنا تمام يا حبيبتي." تاليا: "حمد الله على السلامة يا عشق." عشق: "الله يسلمك يا لولو." فريدة حضنتها جامد: "وحشتيني يا قلب أمك." عشق: "وإنتي يا ماما والله." دنيا: "وحشتيني. وحشتيني يا حبيبة قلبي." عشق: "وإنتي يا حبيبتي." يعقوب بغضب مصطنع: "كنتي فين يا بنت الكلب؟ ها؟ عشق بمرح لأن سليم حكالها: "هكون فين غير في قلب يويو."

يعقوب بضحك: "تعالي يا بكاشة. وحشتيني." وعشق طلعت تجري عليه وحضنته. عشق: "وحشتك إنت بتثبتني بس. بحبك يا يويو." مجدي: "حمد الله على سلامتك يا عشق. إنتي نسيتي جدك؟ عشق: "وأنا أقدر أنساك يا حبيبي؟ سيبك منهم. أنا بحبك إنت حتى أكتر من سليم. تصدق؟ مجدي بضحك: "لأ، مصدقش. عشان إنتي ما بتحبيش حد أكتر من سليم. ههههه." والكل ضحك. وعشق اتكسفت. ومنار مصدومة ومرعوبة. وسليم قرب على عشق.

سليم بهمس: "لو عاوزه تعملي فيها حاجة بسرعة. كلها نص ساعة والبوليس يوصل." عشق بابتسامة شريرة: "حبيبي يا سولم." عشق اتجهت عند منار. ومنار اترعبت منها. وعشق وقفت قدامها. منار برعب: "إنتي بتقربي ليه؟ ها؟ عشق: "عشان أربيكي قبل ما تروحي لأمك يا واطية." منار بتوتر: "أنا... أنا ما عملتش حاجة." عشق فجأة نزلت على وشها بالقلم. ومنار خافت أكتر. منار: "إنتي بتضربيني ليه؟

عشق بسخرية: "لأ، ولسه يا مرمر. ههههه. يلا يا بنات. اللي ليه حق ياخده." فجأة قربت روح وتاليا وريحانة ودنيا. ونزلوا فيها ضرب. وهي بتصرخ. ومحدش اتدخل. بعد ربع ساعة ضرب من البنات، دخل الشباب. كريم: "إنتوا بتعملوا إيه؟ يخرب بيتكم." والبنات كلها في نفس واحد: "بنربيها." رامي بضحك: "ههههه. إنتوا عجنتوها مش ربتوها." ريان بضحك: "هي عملت إيه؟ سليم: "أنا هقولكم. الست منار عملت إيه." الكل: "إيه؟

سليم بغضب: "اتفقِت مع محمد السيوفي إن هو يكلم عشق ويقولها إن سليم عامل حادثة على الطريق. وعشق نزلت تجري ورجالة تاخدها على فيلا في الجبل. وبعد كده بكرة الصبح ياخدها ويسافر لندن. وهيا تكتب ورقة بالكلام اللي شوفناه. عشان يتجوزها ويطلق عشق. زي ما كتبت في الرسالة. متعرفش إني مأمن مراتي. ولو تحت الأرض هجيبها. دي روحي. مش معقول هسيب روحي تمشي من غير ما أأمنها." مجدي بجمود: "إنتي عملتي كده يا منار؟ أنا كنت عارف إنك شبه أمك."

منار بتعب: "إنت كذاب. أنا ما عملتش كده." سليم بغضب: "لسه بتقاوحي؟ خلاص كل حاجة اتكشفت. ومحمد اعترف عليكي. إنتي اتكشفتي يا منار خلاص. وعرفنا إنك سودة زي أمك." ريان بغضب وكره: "ليه يا منار؟ لييه كل ده؟ حرام عليكي يا خاينة. إنتي واحدة خسيسة." ماجد: "قلبي وربي غضبانين عليكي يا منار. أنا متبري منك ليوم الدين. اطلعي برا. برا." سليم: "برا فين؟ ده الحكومة كلها دقيقة وتوصل." وفجأة دخل عمرو وهو معاه عساكر.

عمرو: "إيه اللي عمل فيها كده؟ سليم بضحك: "لأ، دول العصابة. متقلقش." عمرو بضحك: "يعني هاخد البت مشلفطة كده؟ رامي: "كانوا بيتعلموا زي ما عشق كانت بتعلم محمد. ههههه." عمرو: "فعلاً. أنا أول مرة أشوف واحدة تعمل في واحد خاطفها كده. لاء، وايه بتعلمو الألف والباء. ههههه." سليم: "وأنا مراتي أي واحدة برضه. هههه." مجدي: "يلا يا عمرو خدها عشان مش طايقين نشوف وشها." عمرو: "حالا يا جدي. خدوه."

أقرب العساكر ومسكوا منار. وخدوها وهي بتصرخ. كريم: "وأخيراً ارتحنا من كل الأشرار." ريان: "عندك حق. إحنا ارتحنا بعد تعب كتير. وبمناسبة دي، أنا هتجوز روح." عشق: "واو. بجد؟ روح بخجل: "موافقة يا ظبوطة." ريان: "قلب الظبوطة من جوا." وروح اتكسفت. رامي: "ياسيدي على الحب. وأنت كمان عاوز أتچوز. دوروا لي على عروسة." صفية: "من الصبح هدور لك على عروسة." وتاليا زعلت.

تاليا بزعل: "عن إذنكم، أنا طالعة. وإن شاء الله بكرة الصبح همشي. لإني طولت هنا أوي." مجدي: "متقوليش كده يا بتي. إنتي زي زي أحفادي." تاليا بدموع: "معلش يا جدو. أنا لازم أطلع." واتجهت لفوق. عشق: "إنت حمار يالا يا رامي. والله." رامي برفعة حاجب: "ليه؟ إن شاء الله؟ عشق: "عشان هي بتحبك يا متخلف." عن إذنكم. وطلعت. ورامي اتصدم. وطلع وراها. عند تاليا، كانت دخلت الأوضة وبتعيط جامد. تاليا بدموع: "ليه؟ ليه؟ مش أنا؟ هوا أنا وحشة؟

والله أنا بحبه من أول ما شفته. ليه مش أنا؟ كل دا ورامي واقف على الباب وسامع ومبسوط لأنه بيحبها. بس كان خايف تكون مش بتحبه زيه. وخبط على الباب. وتاليا مسحت دموعها وفتحت. تاليا: "رامي؟ في حاجة ولا إيه؟ رامي دخل وقفل الباب: "لأ، مفيش حاجة." تاليا بخوف: "قفلت الباب ليه؟ الوقت اتأخر." رامي: "عاوز أقولك حاجة." تاليا: "بكرة، بكرة يا رامي." رامي: "لأ، وقته. أنا اتأخرت أوي ولازم أتكلم." تاليا: "قول يا رامي بسرعة. قول."

رامي بتوتر قرب منها: "أنا... أنا بحبك يا تاليا. من يوم ما شفتك." تاليا اتصدمت وفتحت بوقها وبرقت. رامي بضحك: "اقفلي بوقك. ليخش في بوقك دبانة. ههههه." تاليا بصدمة: "إنت بتتكلم جد يا رامي ولا بتتهري؟ رامي: "هيا دي حاجة فيها تريئة يا بنتي. وكمان عاوز أتجوزك. موافقة يا تاليا؟ ولا أدور على عروسة؟ تاليا بغيره: "روح دور لو راجل. وأنا أقتلك وأموت نفسي. عشان مش هقدر أعيش من غيرك." واتصدمت لما استوعبت. رامي: "تقتليني؟

آه. بس حلوة. مقدرش أعيش من غيرك دي." تاليا بكسوف: "أنا... أنا كمان بحبك يا رامي." رامي بفرحة: "وحياة أمك بتحبيني؟ لاء، إحنا نتجوز دلوقتي." تاليا بضحك: "استنى يا مجنون. مش دلوقتي." رامي: "خلاص نتجوز مع ريان وروح. ونعكنن عليهم." تاليا: "وأنا موافقة يا... رامي: "يا إيه؟ يا حبيبتي؟ تاليا مسكته وفتحت الباب وطلعته. تاليا بخجل: "يالا يا حبيبي." وقفلت في وشه. رامي بضحك: "مردودلك يا تالية قلبي. بكرا هعمل اللي أنا عاوزه."

تاليا بضحك: "امشي يا سافل. يا قليل الأدب." ورامي ضحك. *** بعد شهرين. كانت العيلة كلها متجمعين في المحكمة عشان يوم الحكم على كريمة ومنار ومحمد وأكرم. والي حصل في الشهرين أنا روح وريان ورامي وتاليا وعشق وسليم عملوا فرح كبير جداً الشباب كلها. دخل القاضي وقعد. وطلبوا شهود على الجرايم. القاضي: "أين الشهود على هذه التهمات؟ عشق: "أنا يا حضرت القاضي." القاضي: "اتفضلي. تعالي." وقامت عشق واتجهت قدام القاضي. القاضي: "اسمك إيه؟

عشق: "أنا اسمي عشق يعقوب الجبالي." القاضي: "اتفضلي. إنتي شاهدة على إنهي واحد فيهم؟ عشق: "على الأربعة سيادتك." القاضي: "إزاي يا عشق؟ عشق: "الأربعة أذوني يا باشا." القاضي: "قولي لي. أذوكي في إيه يا عشق؟ عشق: "أنا متأسفة بس هتكلم بالعامية. حضرتك." القاضي: "اتكلمي يا عشق."

عشق: "أنا اتظلمت وشوفت الويل والحزن من الأربعة. أول واحدة وأكتر حد أذاني. وهي كريمة. دي قتلت أمي وجدي بسم اللي معاها. دي شيطانة مش إنسانة. قتلتهم من 17 سنة وأنا كان عندي 6 سنين. وحت أبويا. وهوا قتلهم وأخد أملاكها. وكمان جابت أكرم ده واغتصب أمي قدام عيني وأنا طفلة. وأنا اترميت في الشارع. وأخدني أحن اثنين، اللي هما عيلتي حالياً. وبعد 17 سنة دخلت البيت واتجوزت سليم. وهيا ما كانتش بتحبني. ومرة حطولي سم في العصير. بس

القطة اللي شربته هيا وبنتها. ومرة كمان حطولي تعبان في الأوضة. وكمان حبسوني. بس طلعت براءة في قضية اختلاس. وكمان أكرم ده وكان معاه رفعت الرفاعي أبويا الحقيقي. وكمان هشام السيوفي خطفني. وكان هيعتدي عليا. بس دخل سليم في الوقت المناسب. واحنا خارجين. هشام كان هيضرب نار على سليم. بس أنا أخدت الطلقة. والظابط موته. وبعدين لما فوقت، روحت لرفعت واعترف لي بكل حاجة وندم. وهوا رفعت عليا السلاح. وأبويا أخد مكاني الطلقة. يعني قتلت

أبويا وأمي. وحاولت تقتلني كتير. بس ربنا كان ساترها معايا. وعرفنا إنها بتاجر في السلاح. وكمان قتلت سالم القناوي وأحمد القناوي. وكمان قتلت أختها سمر. اللي كانت عشيقة أبويا. اللي طلبت منها إنها تقتله. بس سمر كانت بتحبه ومرضيتش تقتله. فخلصت عليها. إنما بقى منار ومحمد دول اتفقوا وخطفوني من شهرين. وكان محمد هياخُدني ويسافر. ومنار حطت ورقة فيها إنّي مش حامل من جوزي وإني خونته. وكلام كتير يوسخ صورتي. وحاولوا يقتلوني كذا مرة.

اللي عاوزة أقولهولك يا حضرت القاضي، إنّي طفلة اتظلمت واتحرمت كتير. وشوفت كتير من الناس دي. أنا طالبة منك إنك تحكم عليهم. بس مش بالأدلة والورق. أنا عاوزاك حضرتك تحكم بقلبك عليهم. واعتبرني زي حفيدتك. واتعمل فيا كده. أنا اتأذيت كتير واتعذبت كتير. احكم بقلبك يا حضرت القاضي. وشكراً لحضرتك لأنك سمعت كلام مدفون جوايا من 17 سنة."

عشق راحت في حضن سليم. قام. وعشق راحت عندهم. عشق بغضب وشماتة: "ورحمة أمي وأبويا، ما هتشوفوا الشمس تاني يا كلاب." كريمة: "لسه مخلصتش يا بنت الجبالي." عشق: "لأ يا كريمة. كلها دقايق ونخلص." سليم: "مبسوط فيكم أوي والله. لأنكم كلاب." كريمة بكره: "يا ريتني كنت قتلتك من زمان. بس أوعدك إنّي لما أطلع هقتلكم." ريان: "ليه عملتوا كده؟ ليه؟ أنا بكرهكم و... " قاطعه دخول القاضي. وكله رجع مكانه.

القاضي: "حكمت المحكمة حضورياً على المتهمة كريمة الشربيني، وأكرم كوفالي، ومحمد السيوفي، ومنار القناوي، بتحويل أوراقهم إلى فضيلة مفتي الجمهورية." رفعت الجلسة. سليم: "مبسوطة يا عشق؟ عشق بفرحة: "بجد شكراً. أنا مش عارفة أقولك إيه. ربنا يسترِك ويفرحك. اللهم لك الحمد." وخرجوا وهما مبسوطين كلهم. والباقي كانوا بيصرخوا. سليم: "أنا مبسوط أوي يا عشق." عشق بسعادة: "وأنا هموت من الانبساط يا قلب وروح عشق."

سليم بحب: "أنا بحبك أوي يا عشق." عشق بحب: "وأنا بعشقك يا قلب عشق." سليم: "إنتي عشق في قلب صعيدي. بحبك." تمت بحمد الله. ياريت تكون الرواية عجبتكم. وقولولي بقى تحبوا أكتب لكم واحدة كمان أحلى ولا كفاية كده؟ وبالتوفيق يا حبايبي. متنسوش تعرفوني رأيكم. وبحبكم يا مسكرين. سلام.