رواية عشق في قلب صعيدي الفصل السادس عشر 16 - بقلم اسماء السيد

وبعد وقت عند سليم، كانت عشق نائمة في حضنه. اتصلت الحارسة وقالت له إن الأكل وصل. قام سليم وأخذ شاور ونزل تحت. عشق دخلت الحمام. سليم جاب الأكل وطلع، وعشق لسه في الحمام. راح سليم خبط عليها. سليم: يلا يا عشقي الأكل وصل. عشق: حاضر يا قلبي جايه أهو. وتطلع عشق وهي لابسة قميص أسود من بتوع سليم وسايبة شعرها. راحت قعدت جنبه على الكنبة. سليم بضحك: تاني يا عشق، قميصي تاني. عشق: يا سولم يا حبيبي أنا بحب قمصانك، ليه مش عارفة.

يمكن عشان بحبك وبحب ريحتك. سليم: ياراجل كولي بعقلي حلاوة يا ست عشقة. عشق: تصدق إني غلطانة، تب كل يا سليم وأسكت. سليم: خلاص يا سيد يا قماص، بهزر. وقعدوا يضحكوا. وبعد 15 ساعة. سليم: إيه رأيك في ذوقي. عشق: لا بجد تحفة، تسلم يا أحلى سليم في الدنيا. سليم: تب يلا بقا عشان أنا فصلت وعاوز أنام. عشق: يلا، أنا كمان عاوزة أنام. وبالفعل اتجه سليم وعشق وناموا على السرير. عشق نامت في حضنه. بعد شويه. سليم: عشق، انتي نمتي يا حبيبتي.

عشق بنوم: امم. سليم: أنا عاوز أسألك سؤال مهم. عشق: في حاجة يا قلبي ولا إيه. سليم: انتي بتحبيني يا عشقة. عشق بضحك: إيه يا عم الشغل ده، المفروض إني اللي يجيلي الهرمونات مش انت يا سولم، ههه. سليم بجدية: عشق، أنا مبهزر. شعشق قامت قعدت على السرير وبصتله بحب. عشق: انت بتسأل ليه يا سليم، عموما أنا مش بحبك. سليم بصدمة: اايه. عشق: أنا بعشقك وبموت فيك يا سليم، ارتحت. سليم بابتسامة: بتتكلمي جد، انتي بتحبيني أوي كدا.

عشق: أيوا والله بحبك يا سولم، بحبككككك. سليم: وأنا كمان بحبك اووووووي يا عشقة. عشق: يلا ننام بقا يا قلب عشق وروحها. سليم: أكيد، بس عاوز حاجة يا عشقي، ممكن. عشق برفعة حاجب: هيا إيه. سليم: عاوز أنام في حضنك يا عشق. عشق بحب: اوي اوي يا حبيبي. ونامت وأخدت سليم في حضنها، وهوا مسك فيها كأنها هتهرب. وبقت تقرأ قرآن على دماغه لحد ما نام، وهيا نامت. تاني يوم الصبح. بيكون عشق وسليم نايمين، وسليم في حضن عشق. بس فجأة الباب بيخبط.

عشق بتصحي وسليم نايم. فتحت، وحاولت تفلت منه لحد ما عرفت. راحت لبست اسدال وفتحت. وكان رامي. رامي: صباح الخير يا عشقة. عشق: صباح النور، في حاجة ولا إيه. رامي: سليم في. عشق: سليم لسا نايم، أصلنا جايين متأخر. رامي: تب صحيه عشان عندنا جلسة والبلد كلها مستنياه. عشق: جلسة إيه، هوا لازم هوا اللي يحضر. رامي: أيوا لازم، مش هوا العمده وكبير البلد، يلا أنا نازل، صحيه بسرعة. عشق: حاضر. وبالفعل بينزل رامي.

عشق بتقفل الباب وبتدخل تخلع الاسدال. واتجهت للسرير وبدأت تصحيه بكل رقة. عشق: سليم يا حبيبي، سلي. سليم بنوم: امم. عشق: يلا عشان عندك جلسة. سليم فتح عينه: جلسة إيه. آه افتكرت. عشق: صباح الخير يا قلبي، يلا قوم بقا. سليم: صباح الفل والعسل يا عشق. عشق بابتسامة: تب يلا عشان الناس مستنية تحت. سليم بابتسامة: متجيبي بوسة. عشق بضحك وضربته في كتفه: يلا قوم يا سليم، هوا دا وقته، الدنيا بتولع تحت. سليم بضحك: ااه، قاسية يا بت عشق.

عشق: يلا يا عم الحنين. وقامت شدته وبقت تزقه عشان تدخله الحمام، وهوا ميت من الضحك. وبيدخل، وعشق بتطلع له هدوم عبارة عن جلابية وعمة وساعة وعصاية أبوه. وبتجهز كل حاجة، وبتطلع هدوم ليها هي كمان. وبعد شويه بيطلع سليم، وهوا لافف فوطة على خصره. عشق: تعالي، طلعتلك هدوم تحفة يا كبير. سليم حضنها من ضهرها: أي حاجة بتعمليها عسل يا قلب الكبير، بحبك يا قلب الكبير. وباسها من خدها. عشق بتوتر: تب يلا عشان الناس تحت يا عم العمده.

سليم: انتي بتهربي، بس ماشي يا عشق، أما أخلص بس هوريكي الوحش اللي جوايا. عشق: طيب يا عم الوحش، أنا هاخد شاور عشان أنزل معاك. سليم: تب يلا بسرعة. وبدأ يلبس. وبعد شويه بتطلع عشق، وهي لابسة دريس أبيض فيه ورود صفراء. ولبست طرحة بيضة قطنية، وكانت جميلة جدا. ولبست كوتش أبيض. وسليم لبس الجلابية السوداء، وكانت بارزة عضلاته وعطياله هيبة، وكان وسيم جدا وواقف بيسرح شعره. عشق بغيره: اقلع دا يا سليم، حالا.

سليم برفعة حاجب: ودا ليه إن شاء الله، وحشة. عشق بغيره أكبر: لا دي مخليّاك قمر، أنا مليش دعوة. سليم بضحك: مش انتي اللي طلعتيها. عشق: بس متوقعتش تحليها كدا، يا رخمة. سليم: تب سيبني أكمل لبسي عشان أتأخر. عشق: لأ استنى. وراحت جابت البرفان ورشتله وعدلتله الجلابية. لأ، الكوتش دا مش لايق، انت عاوز كوتش أبيض. سليم: مش وقته، ماهوا الأسود حلو. عشق: قولت لأ. وراحت الدريسنج جابت كوتش أبيض وقعدت سليم على السرير، وقلعته الكوتش.

سليم بصدمة: انتي بتعملي إيه، عنك يا حبيبتي. عشق بغيره: لو أنا معملتش كدا مين هيعمل. اسكت بقا وانت حلو كدا. وسليم ضحك على غيرتها، وهيا اتغاظت. ولبسّته الكوتش الأبيض، وفعلا كان شكله لايق وأجمل. سليم بخبث: كدا كويس يا عشق. عشق بغيظ: أيوا حلو، يلا يا أخويا، جتك القرف في حلاوتك. سليم بضحك: يلا يا غيورة قلبي، ههههه. وبالفعل سليم أخد عصاية أبوه ونزل، وكان وسيم جدا وكان هيبة. وعشق ماسكة إيده.

تحت في الصالة كان الكل متجمعين ومستني سليم. أول ما نزل فضلت منار متنحة في سليم. عشق أخدت بالها واتغاظت ومسكت إيد سليم جامد، وهوا لاحظ. مجدي: كل دا يا ولدي، البلد كلها مستنية، يلا. سليم بجدية: يلا يا جدي، معلش راحت عليا نومه. كريم: تب يلا اتأخرنا. سليم: يلا، بعد إذنك يا عشقي، اعمليلي قهوة وابعتيها. عشق: من عيوني يا سليم. سليم: تسلميلي عيونك. عشق: مع السلامة يا حبيبي. سليم: الله يسلمك يا حبيبتي. وباسها من خدها ومشي.

وهيا اتكسفت. ومنار ولعت. تاليا بضحك: ياسيدي ياسيدي على الحب، هههه. ريحانة: بس يابت متكسفيهاش. عشق: وحياتك انتي وهيا، رخمين. روح بمرح: عندك حق والله يا عشق، بس بردو الحب ولع في الذرة، ههه. عشق: تصدقوا إنكم عيال واطية، أما أروح أعمل قهوة لحبيبي. ودخلت المطبخ. ريحانة: ماشي يا عشق يا كلبة، أما تيجي بس. في المطبخ، عشق عملت القهوة وطلبت حد من الخدم يوديها. بس الكل كان مشغول.

صفية: معلش يا بنتي، وديها انتي، هما مشغولين دلوقتي في الغدا والطلبات. عشق بصدمة: أوديها أنا. ريحانة: وفيها إيه لما توديها، متقلقيش، سليم مش هيقول حاجة. عشق بتوتر: بس بس، ممكن يزعل مني. منار بخبث وغل: خلاص هاتي، أوديها أنا. عشق بغيره: لأ، أنا اللي هوديها. منار: اشمعنا دلوقتي انتي اللي هتوديها. عشق بغيره: قولت أنا حرة، قهوة جوزي وأنا اللي هوديها. ريحانة بضحك: والله انتي مجنونة. وبالفعل عشق اتجهت للمجلس. في المجلس.

دخل سليم والكل وقف له احترام. وهو دخل قعد على كرسي الكبير. سليم بجمود: خير يا رجالة. رامي بتوتر: أصل حسنين يا كبير عاوز ياخد بيت أبوه وأرضه ويبيعهم ويرمي أبوه في دار المسنين. سليم بغضب جحيمي: الكلام دا صح يا حسنين. حسنين برعب: أصل. أصل يا كبير. سليم بحدة: انطق. حسنين بتوتر وخوف: أيوا يا كبير، بس مش أكده، هوا أنا كنت مزنوق في قرشين وهوا مرضيش يبيع الأرض عشاني. وسليم قاطعه بجدية وغضب: صوح الكلام دا يا عم حماد.

حماد بحزن: صوح يا كبير، بس والله أنا قولت له يجي يعيش معايا هوا ومراته وولاده، بس هوا اللي كان هيرفع إيده عليا. سليم قام وقف بغضب ودب عصايته في الأرض، والمجلس كله اترعب. وقال بغضب: ووه، الكلام دا حصل يا حسنين، انت كنت هتمد يدك على أبوك عشان مراتك. حسنين برعب كبير: مش. مش القصد يا كبير. سليم: اومال إيه، اياك بتهزر. حماد بدموع: سامحه يا كبير عشان خاطري، أبوس إيدك.

سليم بص له بقرف وغضب: شوفت اللي كنت هتحطه في دار المسنين، هوا اللي بيترجاني عشانك، يخص عليك يا واكل ناسك. حسنين بخوف: إيه اللي يرضيك يا كبير، وأنا تحت أمرك. سليم قعد وقال بجمود: تاخد مراتك وولادك وتروح تقعد مع أبوك وتشتغل في أرضه، فاهم. حماد بسعادة: ربنا يبارك لك يا كبيرنا، بس مراته متحبنيش عاد. سليم: حسنين هيخليها تحبك يا عم حماد، ولا إيه يا حسنين.

حسنين بتوتر: واه، تعامله فوق راسها، بنت الرافدي، ولو معملتوش حلو أطلقها. سليم بجمود: بوس على راس أبوك وإيده، هم يا واد. حسنين جري عند أبوه وباس راسه وإيده وحضنه: حقك على راسي يا أبويا. حماد: ولا يهمك يا ولدي. قام سليم واتجه ناحية حسنين وبصله بنظرة رعبته. وهمس جنب ودنه بصوت مخيف: والله في سماه، لو شميت خبر إنك زعلته، لأكون قاتلك، فاهم يا حسنين. حسنين برعب: فاهم يا كبير.

سليم رجع مكانه بهيبة وقال: يلا يا حسنين، خد أبوك وروح، وكلامي يتنفذ. وبالفعل حسنين أخد أبوه وطلعوا. وعشق كانت داخلة بالقهوة. وخبطت على الباب ودخلت، وكل الرجالة حطت وشها في الأرض لأنهم عارفين إنها مرات الكبير. معاد اتنين مكانوش عارفين وكانوا مبهرين بجمالها. وسليم لاحظ وكأنه هيولع من الغيرة. عشق: سلام عليكم. الجميع ووشه في الأرض: وعليكم السلام. وعشق استغربت. وسليم باصصلها بغضب جحيمي. عشق: اتفضل القهوة يا كبير.

سليم بغضب: هاتي. واخدها بغضب، وهيا مستغربة. عشق بخوف: محتاج حاجة تاني. سليم: لا، مش محتاج حاجة، ارجعي القصر حالا. وعشق لفت وخرجت وهي مستغربة. الراجل: اومال مين القمر دي يا كبير. سليم بغضب جحيمي: نعم يا روح أمك، وانت مالك وبتبصلها ليه. الراجل التاني: أصل عجبتني وبيفكر يتجوزها لو مش تخصك. رامي وكريم بصدمة: البس يا حلو انت وهو. واسليم قام وقف واتجه عندهم، والغضب عاميه. وهما اترعبوا من منظره.

سليم بغضب وغيره جنونية: دي مراتي يا ود المركوب انت وهوا. وهما اتصدموا لما عرفوا وبلعوا ريقهم برعب. وسليم نزل فيهم ضرب، ومحدش استجرأ يتدخل لأنهم عارفين جبروته. وبعد شويه بعد سليم عنهم. سليم بغضب: المجلس انتهى النهارده. وطلع واتجه للقصروالعيلة راحت وراه. سليم بغضب وصوت عالي: يا عششق، عششق. صفية بقلق: في إيه يا ولدي. سليم: فين عشق. ريحانة: جوا في المطبخ. سليم بغضب: يا عششق، عششق. طلعت عشق بخوف: في إيه يا سليم، مالك.

سليم قرب عليها وضربها بالقلم لدرجة إن شفتيها نزفت. وكلهم اتصدموا، ومنار فرحت. عشق بصدمة: انت بتمد إيدك عليا يا سليم. سليم والغضب عاميه: انتي إزاي تتجرأي وتدخلي المجلس قدام كل الرجالة دي. عشق بعصبية وصوت عالي: انت بتضربني عشان جبتلك القهوة ليه. سليم ضربها بلقلم تاني بس أقوى لدرجة إنها وقعت على الأرض. وعشق اتصدمت. سليم بغضب ولهجة صعيدية: انتي بتعلي صوتك على جوزك.

يا بنت الرافدي، لا أنا الظاهر إني دلعتك كتير، بس لازم تتربي. مجدي بجمود: سليم، انت إزاي تمد إيدك عليها، يا ولدي، احنا ربيناك على كده. سليم بجمود: محدش يتدخل بيني وبين مراتي، أنا هربيها. عشق قامت وقفت وقالت بقوة وحزن: اسمع يا سليم، أنا ممكن أكون غلط، بس غلطتي مكانتش تستاهل كل دا. بس صدقني يا ابن القناوي، مش هسامحك، أنا بكرهك، بكرهك يا سليم عشان انت زيهم، أنا بكرهك. وطلعت تجري على فوق.

وسليم استوعب اللي عمله وكلمة بكرهك وجعت قلبه. سليم: يا عشق، استني يا عشقة. مجدي: انت غبي، أديك هتخسرها. سليم بجنون: لأ، لأ، أنا مش هخسرها، دي ملكي ونور عيني. وطلع يجري على فوق. والعيلة كلها حزينة، إلا منار هي اللي هتموت من الفرحة. عند عشق، دخلت الأوضة، قلعت حجابها واترمت على السرير. ودفنت وشها في المخدة ومنهارة وحالتها لا حول ولا قوة. دخل سليم وراح عندها وهوا هيموت من الرعب لتسيبه. سليم بحزن: عشق.

عشق بعصبية ودموع: بلا عشقي بلا زفت، ابعد عني، ابعد. سليم بحزن: أنا آسف يا عشق، والله غصب عني يا قلب سليم. عشق بدموع: إنك تضربني وتقلل مني وتكسرني وترجع تقول أنا آسف، لأ يا سليم، وأنا مش متقبلة أسفك، اطلع برا. سليم قرب منها وحضنها، وهيا بتحاول تبعده بس مقدرتش. بس استسلمت لما تعبت. عشق: ابعد عني يا سليم، ابعد. سليم: لأ، أنا مش هبعد يا عشق، أنا بعشقك ومش هسيبك، فاهمة.

ودي كانت غلطة، سامحيني يا عشق، أنا مقدرش أعيش من غيرك، أنا بحبك أوي. عشق: واللي بيحب حد مبيكسروش، ياسليم، أنا مغلطتش. سليم: لأ، بس لما يقولولي مين القمر دي، جوزيهالي، أقولهم إيه يا عشق، لو انتي مكاني هتعملي إيه. عشق استوعبت، بس بردو لسا زعلانه. عشق: وأنا ذنبي إيه يا سي سليم، ابعد عني عشان أغور من هنا. سليم بعد عنها، وهيا دخلت الدريسنج وجابت شنطة وبقت تحط هدومها. سليم بغضب: انتي بتعملي إيه.

عشق بعصبية ودموع: رايحة عند بابا، أنا مليش مكان هنا. سليم قرب عليها وشد منها الهدوم وقرب منها. عشق: سليم، ابعد عني وسيبني ألم هدومي وأم… قاطعها سليم بقبلة. وعشق كانت بتحاول تبعده، بس بعدين اتجاوبت معاه. وهوا فرح جدا إنها لسا بتحبه. وبعد عنها لما حس إنها محتاجة للهواء. وهيا اتوترت. عشق: ابعد عني يا سليم، لو سمحت، ومتقربش مني تاني. سليم بغضب: انتي مراتي، فاهمة، يعني أعمل اللي أنا عاوزه.

عشق بغضب: وأنا والله مش سلعة لحضرتك تعمل اللي عاوزه. واتجهت لبرا، وهيا ماشية متجه للحمام، اتكعبلت ورجلها اتلوت وصرخت بألم. وسليم طلع يجري عليها ولاقاها واقعة على الأرض وبتعيط جامد. سليم بخوف: عشقي، مالك يا قلبي. عشق بدموع: رجلي يا سليم، بتوجعني أوي، مش قادرة. سليم بقلق: تب تعالي نروح المستشفى. عشق بدموع: لأ، مش قادرة. وسليم أخد باله إنها متلوية، ولمس رجلها، وهيا صرخت. سليم: بتوجعك أوي يا حبيبتي.

عشق بدموع: أوي أوي يا سليم، مش قادرة. سليم بتفكير: عشق يا حبيبتي، أنا بحبك أوي، عاوزك تسامحيني. عشق: هوا دا وقته، انت كمان. سليم: لأ، ماهوا انتي لازم تسامحيني، أنا آسف. عشق بدموع: سليم، أنا رجلي بتو… فجأة سليم مسك رجليها ولواها عدلها، وهيا صرخت بألم أكبر. عشق: عاااا، رجلي يا غبي، ااااه، مش قادرة. سليم: اهدي بس دقيقة وهترتاحي، أنا هجبلك مرهم. وقام وشالها وهيا بتصرخ وحطها على السرير.

ودخل يجيب مرهم من الحمام وطلع، وهيا لسا بتعيط. وقلعها الدريس. عشق بدموع: أنا مش قادرة يا سليم، رجلي بتوجعني أوي. وسليم بحنية مفرطة: معلش يا عشقي، أنا هحطلك مرهم وهتبقا كويسة يا عمري. عشق: بس أنا مش قادرة. سليم: اهدي يا حبيبتي. وبدأ يحط المرهم بحنية، وهيا بدأت ترتاح. بس وجعتها تاني. عشق: رجلي يا سليم، وجعتني تاني. وعيط. سليم قرب عليها بحب واخدها في حضنه، وهيا استسلمت.

ونامت في حضنه، وهوا حس إن دي إشارة من ربنا عشان متمشيش، وفرح جدا. وقام دخل الحمام غسل إيده وطلع غطا عشق وباسها ونزل تحت. عند منار، كانت قاعدة في أوضتها. وفجأة تليفونها رن. منار: أنا مستنياك من الصبح، مرنتش ليه. محمد بقرف: اهدي، كنت بجهز للخطه. منار: انهارده حصل خناقة كبيرة بين عشق وسليم. محمد بفرحة: بتتكلمي جد. منار بغل: أه والله، وضربها بالقلم، وهيا قالت له بكرهك، وشكلها مش ناوية تسمحه.

محمد: وهو مد إيده عليها، والله لهوريها ابن القناوي. منار بغضب: والله لو لمسته، لقتلك السنيورهم. محمد: خلاص، بعدين، المهم دلوقتي انتي هتنفذي كمان شوية، فاهمة. منار بخوف: تمام، بس أنا خايفة من سليم دا، مبيرحم. محمد بخوف وتوتر: لأ، متقلقيش، إن شاء الله خير. وقفل. تحت في الصالة، كان الجميع قاعدين في الصالون. نزل سليم وقعد جمبهم. صفية: ليه يا ولدي، كسرت بخاطرها. سليم: حصل خير يا ماما.

مجدي: مكنش ينفع تمد إيدك عليها بردو يا ولدي. سليم: قولت حصل خير خلاص. ريحانة: على فكرة، هيا مكنتش عاوزة تيجي، بس احنا اللي أصرنا عليها، لإن الخدم كلهم كانوا مشغولين، وانت ظلمتها. سليم بغضب: أنا قولت خلاص، اللي حصل حصل بقى. صفية: تب مش هتتغدا، تب هاتهه تاكل. سليم: عشق نايمة، لما تصحى هتاكل، عن إذنكم. وقام طلع برا القصر كله. وبيجي الليل وبيرجع سليم وبيطلع أوضته. وبيدور عليها مش بيلاقيها.

وبلاقي ورقة على السرير وبيقرأها وبيتصدم وبيتعصب جدا. سليم بغضب وبصراخ: عششق. ووووووو. يتبع.