رواية عشق في قلب صعيدي الفصل التاسع 9 - بقلم اسماء السيد

تاني يوم الصبح صحي سليم ولقي عشق نايمة. فضل سرحان في جمالها. فجأة عشق صحيت وأول ما شافته قعدت تعيط وحضنته جامد وهوا بيهديها. سليم بحب: اهدي يا حبيبتي اهدي، كله هيكون تمام، متخافيش. عشق ببكاء: أنا كان زماني متت يا سليم، زي ما هي ماتت. سليم: اهدي يا قلب سليم، دي قطة. عشق: لا، أنا بتكلم على حد تاني، هي سابتني كده يا سليم... وانهارت خالص. سليم بإستغراب: هي مين اللي سابتك كده؟ عشق: ليلة اللي سابتني كده. سليم: مين ليلة؟

مين دي؟ عشق أخدت بالها إنها مقربّة منه أوي وبعدت عنه. عشق: إنت لازق فيا طول الليل كده؟ سليم بخبث: آه، وحضنك وبوستك كمان. عشق اتصدمت. عشق: يا حيوان، إنت بتستغفلني! وقعدت تضربه بالمخدة وهوا ميت من الضحك. وبعدين فجأة وقعت عليه وشفتيها لزقت في شفايفه بالغلط. سليم اتصدم وعشق كانت هتموت من الإحراج. سليم: كمان واحدة، وحياة أمك. عشق: كمان واحدة يا قليل الأدب يا سافل. سليم: الله، وأنا مالي يا لمبي، مش إنتي اللي بوستيني؟

عشق اتكسفت وجريت على الحمام. وبعد وقت طلعت. سليم: أنا هخليهم ينقلوا هدومك هنا، تمام؟ عشق: لا، مش هيحصل. سليم قرب منها ولزقها في الحيطة. سليم بهدوء: إنتي هتيجي تنامي هنا بعد كده يا قلب سليم. عشق بتوتر من نظراته: لا، لا، أنا هقعد هناك في أوضتي.

سليم باسها فجأة وهي اتجاوبت معاه ومسكت في رقبته. وهو خلاص، كسرت كل الحصون بتاعته. وشالها وداها لحد السرير وهو لسا بايسها. ولكن فجأة قطعهم خبط الباب. وهما ولا اهتموا، وكانوا في دنيا تانية. لحد ما الخبط زاد جداً وسليم اتضايق وبعد وراح يشوف مين. لاقى جنات الشغالة. سليم بغضب: إيه؟ عاوزة إيه؟ جنات بخوف وعينها متشلتش من على جسمه الرياضي: الست صفية اللي بعتاني عشان أقول لحضرتك تنزل إنت والست عشق تفطروا. سليم: طب امشي إنتي.

وهي لسا متنحة فيه. وعشق أخدت بالها، فطلعت فجأة وشدت سليم رجعته ورا. وقفت عند الباب بغضب وغيره. عشق بغيره شديدة: إيه؟ مش قالك امشي إنتي مبحلقة كده ليا؟ جنات بتوتر: ما فيش يا هانم. عشق: طب امشي يلا. وبعدين دخلت وقفتلت الباب وبصت لسليم بغضب طفولي. وسليم كاتم ضحكته بالعافية على غيرتها. عشق بغضب: إنت طالع كده ليه؟ سليم: عادي، مأخدتش بالي. عشق: والله تقوم تطلع عريان كده؟ مش تلبس تيشرت يا سليم؟ سليم بخبث: ليه؟ بتغيري عليا؟

عشق بجنون: آه، بغير لما أشوف جوزي طالع كده قدام واحدة وهي مبحلقة فيه. ومحدش ليه الحق يشوفك كده غيري، فاهم؟ إنتا بتاعي أنا، فاهم. وسليم واقف مصدوم من كلامها. وعشق أخدت بالها من اللي قالته واتصدمت. سليم بخبث: ما تيجي نكمل اللي كان بيحصل يا قلب سليم. عشق بخجل: تصدق إنك قليل الأدب. أنا رأيحة أغير. وفتحت الباب وكانت خارجة بس وقفت فجأة. عشق: سليم، خد. أقولك...

فنزل سليم لمستواها وعشق باستُه من خده وجريت. وسليم اتصدم وحط إيده على خده وابتسم. وعشق جريت أخدت شاور وطلعت لافة الفوطة عليها. فطلعت لقت سليم على السرير وانبهر بجمالها وشعرها مبلول. واتصدمت وهوا قام حاصرها في الحيطة. سليم بتوهان: إيه الحلاوة دي؟ أنا متجوز قمر. عشق بتوتر: سليم، ابعد عشان أغير. سليم: لا، مش هبعد. وفجأة دفن راسه في رقبتها. وعشق خلاص بتنهار. عشق: سليم، ابعد. عشان خاطري. سليم: تؤ تؤ، مش هبعد.

عشق: سليم، لو بتحبني، ابعد دلوقتي. سليم بعد بسرعة وعشق جريت على الدريسنج وبقت تاخد نفسها بالعافية. سليم بحب: أنا بقيت مجنون بيكي يا بنت الجبالي. أنا أول مرة أحب واحدة كده. وعشق لبست دريس أزرق وطرحة بيضة وكوتشي أبيض. وكانت قمر حرفيًا. وسليم قال بإنهيار. سليم: يخربيت حلاوتك، هتجنيني. وعشق اتكسفت. طب يلا ننزل عشان متهورش. وعشق طلعت تجري على الباب. واتجهوا لتحت. وسليم مسك إيد عشق ونزلوا. ومنار كانت هتولع.

سليم: صباح الخير. الجميع: صباح النور. وبدأ ياكلوا. بس سليم جاله مكالمة واستأذن وطلع برا القصر عشان يتكلم. وكان الراجل بتاع أول الرواية واللي كان اسمه حامد. سليم بجمود: عملت إيه؟ حامد: كله تمام ياباشا. كريمة كلمت الراجل ده أربع مرات. سليم: وعرفت مين ده؟ حامد: لا لسا. أصله بيقفل التليفون بعد ما بيكلمها.

سليم: ابعتلي تسجيلات المكالمات، واعرفلي هو مين. وقفل. ودخل جوه. وقعد يكمل أكل وهو بيبص لكريمة بصات مش مفهومة. وعشق أخدت بالها. لحد ما قاطعه صوت مجدي. مجدي: كنت بتكلم مين يا ولدي؟ سليم: كنت بكلم ناس في الشغل يا جدي. واه صحيح، أنا مسافر النهاردة وهغيب شهر كدا أنا وعشق. منار بغل: وده ليه إنشاء الله؟ ماجد: اخرسي يابت. ومنار بصت لعشق بتوعد وسكتت. مجدي: اللي تشوفه يا ولدي. وبعدين خلصوا أكل وطلعوا فوق. &&&&&&&&&

وهنروح مكان أول مرة نروحُه. وهوا في قسم الشرطة. دخل ريان وكانت في بنت جميلة وانبهر بجمالها. وعمالة تزعق وواقفة على مكتبه وماسكة سلاح. والعساكر بيحاولوا ينزلوها مش عارفين. ريان بغضب: إنتي مين وإزاي تطلعي كده يا بت؟ روح بغضب طفولي: اسمع يا ظبوطة، أنا كنت ماشية وهوا اللي عاكسني، فضربته. ريان بعصبية: طب انزلي وأنا هشوف الحوار ده. وبعدين إيه ظبوطة دي؟ أنا بلعب معاكي. وروح خافت ونزلت. وريان قرب أخد منها السلاح وراح قعد.

ريان: إيه يا عسكري؟ العسكري بخوف: البت دي فتحت دماغ واحد وخبطته بطوبة. ولما جبناها هنا عملت اللي حضرتك شوفته. ريان: إنتي عملتي كده؟ روح: اسمي روح. وبعدين هوا اللي عاكسني، فضربته. ريان: تقومي تفتحي دماغ الراجل؟ روح: آه، عادي يا ظبوطة، ولا يهمك. ريان بعصبية: قولتلك متقوليش الزفت دي. أنا اسمي ريان، فاهمة. ودموع روح اتجمعت في عيونها. وهوا حس بضيق من نفسه. ريان: خلاص، متزعليش. أنا آسف. روح: ممكن أمشي؟

ريان: استني أما نشوف الراجل مات ولا لسا. وبعد وقت ريان بيخرج روح لأنها صعبت عليه. @@@@@@@@@@@@@@@@@@@@@@@ عند عشق كانت بتجهز الشنطة. وسليم جه حضنها من ضهرها. وعشق اتخضت ومحاولتش تمنعه. سليم: غريبة إنك معترضيش على السفر يعني. عشق: عادي، أنا حابة أغير جو. سليم: إنتي عارفة إحنا رايحين فين؟ عشق: فين؟ سليم: المالديف. وعشق لفتله واتكلمت بحماس. عشق بحماس: بجد؟

تصدق إني مرحتش هناك قبل كده. مع إني سافرت دول كتير، بس كنت بسمع عنها. سليم: عشق، إنتي سامحتيني؟ وعشق بصت بعيد. واتنهدت. عشق: لسا هفكر يا سليم، سيبني على راحتي. سليم: تمام يا عشق. وبعد عنها ونزل. وهيا اتنهدت بحزن. وجابت تليفونها ورنت على يعقوب. وهوا كان في المكتب واتصدم لما شاف اسمها. يعقوب بلهفة: الو، عشق حبيبتي، وحشتيني. عشق بحزن: بعد إذن حضرتك، أنا رنيت عشان أعرف إيه سبب جوازي بشكل داي.

يعقوب بحزن: أنا هحكيلك. وحكى اللي حصل. عشق بصدمة: كل ده حصل من غير ما أعرف؟ يعقوب بحزن: سامحيني. وسامحي سليم، بيحبك يا عشق. عشق: تمام يا بابا. عن إذنك. وقفلت. ويعقوب اتنهد بحزن وكمل شغل. وعشق خلصت الشنط والخدم نزلوها. ومشيت هيا وسليم. وهوا متكلمش خالص. عشق: سليم، وديني أشوف ماما ودنيا. سليم بصدمة: إيه؟ عشق: وديني يا سليم أشوف أهلي، وحشوني.

وسليم اتجه لقصر الجبالي بصدمة. ونزل هوا وعشق. دخلت وأول ما فريدة شافتها جريت عليها وحضنتها جامد. وعشق حضنتها هيا كمان. وحضنت دنيا جامد هيا كمان. وبعد شوية مشيت. وراحت شركة الجبالي وطلعت هيا وسليم. وعشق دخلت مكتب يعقوب. ولما شافها اتصدم. وقام راح عندها ووقف بصدمة. وعشق حضنته جامد. وهوا حضنها. يعقوب بفرحة: وحشتيني يا بنت الكلب. عشق: فين زين؟ وحشني أوي.

زين من وراها: وإنتي وحشتيني يا مجنونة. وجري عليها حضنها جامد. وبعد وقت عشق مشيت هيا وسليم. وهوا كان فرحان عشان اتصلحت مع أهلها جداً. وبعد وقت وصلوا المطار وركبوا الطيارة واتجهوا للمالديف. في الطيارة. عشق: سليم. سليم: نعم يا روح سليم؟ عشق: عاوزة أنام في حضنك.

وسليم اتصدم. وفتح دراعه. وعشق دخلت في حضنه. وسليم كان مبسوط أوي. وهيا نامت. وهوا كمان نام لحد ما وصلوا. وسليم شال عشق لحد العربية لأنهم كانوا بليل. وبعد كده صحيت بعد ما وصلوا. وبصت على الفيلا اللي كانت على البحر. وكانت بتاعت سليم. عشق بإنبهار: واو يا سليم، المكان تحفة. سليم: عجبك بجد؟ عشق: أوي أوي يا سليم.

وبعد كده دخلوا. وعشق أخدت شاور ولبست بيجامة هوت شورت وتيشيرت بحمالات. وعملت شعرها بشكل فوضوي. وكانت قمر. وسليم أخد شاور في حمام تاني وطلع لابس شورت أسود لحد الركبة. ودخل. وعشق كانت في البلكونة. حاوطها من ضهرها. وهيا ممنعتوش. ولفّت أخدته في حضنها. وسليم مصدوم منها خالص. وبعدين عشق طلعت من حضنه. وفضلوا باصين في عيون بعض شوية كتير. لغاية ما عشق بعدت. وكانت داخلة من البلكونة. ووقفها سليم.

سليم: مش ناوية تسامحيني يا عشق بقى؟ عشق: تؤ تؤ. وسليم اتنهد بحزن وقال. سليم: تمام يا عشق. عشق: سليم، أنا مسامحاك من زمان. بس كنت بربيك بس. وسليم بصّلها شوية ومصدوم. عشق: وكمان إنت الحد التاني اللي أنا بعشقه. أنا بحبك يا سليم أوي ومن زمان. وراحت عنده وطلعت على طراطيف صوابعها. ولفت إيديها حوالين رقبته وباسته. وهوا اتجاوب معاها وشالها ودخلوا. وعشق بقت مرات سليم قولاً وفعلاً برضو مش غصب عنها.

وبعد وقت طويل عشق كانت نايمة في حضن سليم. وهوا بيقولها. سليم بحب: بحبك يا عشق أوي. عشق: وأنا مش بحبك. وسليم اتصدم. أنا بعشقك. وسليم حضنها جامد وناموا.