رواية عشق في ظل النور الفصل الثاني 2 - بقلم مريم عصام

جاسر: أنا مبقتش عارف أعمل إيه يا أحمد مع أختك بجد مش عاجبني حالها. أحمد: في إيه يا بابا إيه اللي حصل؟ جاسر: لبسها والشلة اللي ملوكة عليها وعدم اهتمامها بصحتها. ولسه الدكتور كان بيكلمني بعد آخر مرة وقالي إنها محتاجة تتعرض على أخصائي نفسي يساعدها لأن موت مامتك لسه مأثر فيها جامد لحد دلوقتي. والمصيبة في كل ده إنها رافضة تتكلم مع حد وتروح لأخصائي يساعدها.

أحمد: متقلقش يا بابا سيب الموضوع ده عليا وأنا هتكلم معاها وأقنعها وأحاول أشوف مالها. جاسر: ماشي يا حبيبي. آه بالحق نسيت أقولك إني عازم واحد صاحبي مش شفته من زمان، هو وعيلته. أحمد: تمام يا بابا ينورونا. سارا: أنا مش عارفة إيه الدكتور ده وشايف نفسه على إيه. أمنية: اهدّي كده وكل حاجة هتتحل. سارا: طب يلا بينا نروح حلقة النهارده في الدرس الديني. في مكان آخر (ملهى ليلي) حسين: هموت وأعرف المعيد الجديد ده عمل فيهم إيه.

كاميليا: آه هتقولي على المعيد الجديد، هو فين من زمان ده شكل وشخصية وكاريزما. ليلى: لا بقولك إيه شيلي عينك من عليه يا ماما لأنه بقا يخصني. شادي: اتفرج يا عم حسين ليلى وقعت. ليلى: بقولكم إيه شيلوني من دماغي. كاميليا: طب يلا نقوم نرقص وفككم. في فيلا الكيلاني إلهام: قلتلكوا مش عايزة أكلم حد. أحمد: حتى أنا يا لولا؟ إلهام قامت فتحت الباب وأعطت لأحمد ضهرها ودخلت تاني. وأحمد دخل وراها وقفل الباب. أحمد: ها بقا مالك يا لولتي؟

إلهام: مفيش يا أحمد. أحمد: لا فيه يا قلبي أخوكي، مالك؟ مش أنا أخوكي اللي مبتحبيش تخبي عنو حاجة؟ إلهام: ماما واحشاني أوي يا أحمد. غيابها طال أوي. أحمد: ومين قال إنها مش وحشانا كلنا يا لولا. بس فكري إن هي كده هتبقى مبسوطة وهي شايفاكي زعلانة كده. وبعدين يا ستي أنا محضرلك مفاجأة وعازمك على بيتزا. إلهام: هي هي هي يحيا دكتور أحمد. في بيت سارة سارة: إيه يا ست الكل طبخلنا إيه النهارده؟ أنا هموت من الجوع.

صفية: مش في سلام عليكم الأول، وبعدين انتي كده ديما همك على بطنك مفجوعة صحيح. عادل: ماتسيبيها يا صفية حبيبة قلبي بابا تأكل اللي هي عايزاه. صفية: والله ما حد مبوزها غير دلالك ده فيها. سارة وهي بتحضن باباها: والله اللي مش عاجبه يبعد عينه عننا. صفية: بس ياقليلة الرباية. سارة: فيه إيه بقا يا صفصف أنا هموت من الجوع هنقضيها كلام. صفية: فوضت أمري إليك يا ربي. أحمد: إيه رأيك في الخروج يا لولتي؟

إلهام: حقيقي ربنا يخليك ليا يا أحلى أخ في الدنيا. أحمد: طب ياستي جهزي نفسك بكرة هاخدك مشوار. إلهام: فين يا حمودي؟ أحمد: بقيت حمودي دلوقتي، على العموم يا ستي هي مفاجأة. يلا بقا أحسن هموت وأنام. تصبحي على خير يا لولتي. إلهام: وانت من أهله يا حمودي. أحمد: بردو حمودي.