رواية عشق جنوني الفصل السادس عشر 16 - بقلم سارة محمد

في يوم جديد على أبطالنا. مراد صحي وأخذ شاور. وفي الوقت ده كانت شمس بتصحى. ومراد خلص وطلع، كانت قاعدة ماسكة دماغها. مراد: مالك قاعدة كده ليه؟ شمس: مفيش. مراد: طيب أنا هروح الشغل. شمس: آآآ يعني. مراد: عاوزة إيه؟ شمس: عاوزه أشوف ماما. مراد: بعدين. شمس: إيه اللي بعدين؟ عملت اهو اللي انت عاوزه بس عاوزه أشوف ماما. مراد بغضب: قوووووولت بعدييييييين. شمس بعياط: حرام عليك، عملتلك إيه كل ده علشان رفضت أقلع الحجاب؟

علشان أنا محترمة. قولتلك مش عاوزة شغل، كنت سبتني. منك لله، حسبي الله ونعم الوكيل فيك يا أخويا. مراد اتعصب وراح شدها من شعرها وفضل يضربها. مفاقش إلا على صوت فون. كانت شمس تقريبا فاقدة وعيها. مراد سابها ودخل غرفة الملابس. أما شمس، فكانت حالتها لا تُحسد عليها، كانت بتنزف من بوقها ومناخيرها. عند مراد، لبس بدلة سودا تحتها قميص أبيض وساعة فضي. طلع من الغرفة ومبصش على شمس وطلع برا غرفة النوم ونزل للخدم.

مراد: منى، تطلعي دلوقتي لشمس تفطريها وتديها الدوا. ومش عاوزها تطلع من الأوضة خالص، فاهمة؟ منى: تمام يا بيه. مراد: لو طلعت من الأوضة مش هيحصلك كويس. منى: تحت أمرك. مراد مشي وطلع من الفيلا. *** أسر كان بيصحى سارة. أسر: سارة اصحي. سارة: ممم، سبني بقى. أسر: قومي يلا، ورانا مشوار مهم. سارة: مشوار إيه؟ حرام عليك، أنا ملحقتش أنام. أسر: قومي، هنروح لعمك. سارة انتفضت من مكانها وكان باين عليها الخوف: ليه؟ هنروح هناك؟

انت هتوديني ليه؟ أسر: لا يا هبلة، أنا عمري ما هسيبك. سارة: طب هنروح ليه طيب؟ أسر: علشان هتطلبي ورثك. سارة: مش عاوزة حاجة أصلا. أسر: لا، عاوزة. هتجيبي ورثك. انتي لو مأخدتيش ورثك أنا مش هعرف انتقم. سارة: وانت عاوز تنتقم ليه؟ أسر بارتباك: هه، لا قصدي عشانك وكده يعني. سارة بشك: آها، طيب هقوم. ولسه كانت هتقوم. أسر شدها قعدت على رجله. سارة: ممكن تسيبني؟ عيب كده. أسر: لا عادي، انتِ مراتي.

سارة: لا ابعد عشان مكملتش الجملة وكان أسر انقض على شفايفها في قبلة عميقة بينت اشتياقه ليها. فضل يبوسها بعمق واشتياق، وسارة كانت بتحاول تقاومه لكن دابت هي كمان معاه واستسلمت معاه. وكانت قبلة مليانة بالحب والاشتياق. بعد عنها لما حس إنها بحاجة هوا. أسر بخبث: نفسك قصير أوي على فكرة. سارة بغضب طفولي: انت قليل الأدب أصلا. وسابته وجرت على الحمام. سارة دخلت أخدت شاور وخلصت، بس كانت نسيت هدومها. سارة: هنقول إيه؟

مهو انتي متخلفة أصلا، المرة الكام تنسي فيها الهدوم؟ نقول في بس متخلفة. بعد ربع ساعة. أسر: يا بنتي خلصي، بقالك نص ساعة جوا. سارة: اطلع من الأوضة طيب. أسر: ليه؟ سارة: ملكش دعوة، اطلع. أسر راح عند الباب، فتحها وقفله، بس فضل في الأوضة واستخبى في غرفة الملابس. سارة اطمنت إنه خرج وطلعت بالبرنس ودخلت الأوضة لقت... *** يوسف صحي ولبس بنطلون جينز رصاصي على تيشرت أبيض وجاكيت رصاصي وساعة سودا وكوتش أبيض. وراح علشان يصحي جنى.

وكانت جنى في الوقت ده صحيت ولبست هدوم من عند سارة، واللي كانت عبارة عن بنطلون جينز أسود وتيشرت أبيض وجاكيت أسود وكوتش أسود وساعة سودا. يوسف راح لقاها طلعت من الأوضة. أخدها ونزلوا. راحوا على الشركة. سارة فتحت الباب واتفاجأت بأسر، صوتت. بس آسر لحقها وحط إيده على بقها. أسر: اهدى يا مجنونة، ده أنا. سارة: وانت بتعمل إيه هنا؟ أسر: يعني هو أنا راضي ذمتك، حد يسيب القمر ده ويمشي؟ سارة: اطلع برا يا أسر، عاوزه ألبس هدومي.

أسر: البسي، حد حايشك. سارة: . يووووه بقى، اطلع اخلص. أسر: مش هطلع. سارة: أسر لو سمحت، بلاش كده. اطلع برا. أسر: اوووووف، طيب طالع. طلع أسر ولبست سارة فستان أبيض في أسود طويل بحمالات رفيعة وسابت لشعرها الطويل العنان. وطلعت. سارة: يلا، أنا خلصت. أسر: تمام، يلا. طلعوا وركبوا العربية. سارة: هنروح فين دلوقتي؟ أسر: هنروح نفطر في أي مطعم وبعد كده نروح لعمك. سارة: بلاش موضوع عمي ده. أسر: ليه؟ سارة: معرفش، خايفة.

أسر: متخافيش، أنا معاكي. محدش هيقدر يقرب لك. أسر ساق لمطعم وطلبوا فطار وفطروا. وبعدين مشيوا راحوا شركة السويفي. *** في شركة السويفي. وصل مراد الشركة وطلب قهوة ودخل مكتبه. السكرتيرة: مفيش مواعيد إلا اجتماع واحد يا فندم. مراد: الغي أي اجتماعات وهاتيلي أي ورق محتاج يتمضي، أنا مش هطول هنا. السكرتيرة: أمرك يا فندم. طلعت السكرتيرة وسرح مراد في شمس وشكلها. فقرر يتصل على الخدم. مراد: آلو. منى: أيوه يا بيه.

مراد: أخبار شمس هانم إيه؟ منى: مرضيتش تفطر يا بيه ولا تاخد الدوا. مراد بعصبية: يعني إيه؟ تحاولي معاها تاني، فاهمة؟ منى: أمرك يا باشا. *** في سيارة أسر. كان أسر اتصل على المحامي يسبقه على شركة السويفي. وكان أسر وصل الشركة. سارة: هو أنا ممكن أتنازل عن حقي عادي؟ أسر: انتي خايفة كده ليه؟ سارة: خااايفة عليك والله. أسر: يا بنتي متخافيش، والله.

وفجأة عربيات كتيرة جت وضربوا نار. وواحد جه ضرب أسر على دماغه وخطفوا سارة. الأمن جري على أسر. شالوه وطلبوا الإسعاف واتصلوا بلغوا مراد. مراد: بتقول إيه؟ اللي حصل؟ أنا جاي حالا. نزل مراد راح لعربيته وساقها لطريق المستشفى. واتصل على يوسف. يوسف: آلو، مين؟ مراد: أنا مراد السويفي. يوسف: خييييير. مراد: أخوك في المستشفى. يوسف: إيه اللي حصل؟ مراد: معرفش، لما نوصل هنعرف. يوسف: أنا جاي حالا. نزل يوسف وراح على المستشفى. ***

منى: يا شمس هانم، لو مأكلتيش هيحصلي مشكلة. شمس: قولت مش عاوزة. منى: يا هانم، علشان خاطري كلي. وبالفعل بدأت شمس تأكل وأخذت الدوا. وفضلت قاعدة سرحانة، إزاي تهرب من مراد. اتجهت شمس للشرفة واتفاجأت بكم الحراسة اللي قدام الفيلا، فقررت إن هي تهرب بالليل أفضل. *** عند سارة. هيدي: عفارم عليكم يا رجالة. شخص: انتي تأمري يا هيدي هانم. هيدي: فلوسكم كلها مع عمار. شخص: هتعملي إيه مع البت دي؟

هيدي: هعمل عمايل سودة، وبعد كده هرميها لكم زي الكلبة. شخص: هو ده الكلام المظبوط. هيدي: خليكم مراقبينها كويس لحد ما أرجع. *** في المستشفى. وصل يوسف ومراد واشتد بينهم الكلام. يوسف: متأكد إن انت اللي عملت كده؟ مراد: والله، قولتلك أكتر من مرة، معملتش حاجة. عاوز تصدق صدق. الدكتور خرج. يوسف: خير يا دكتور؟ الدكتور: للأسف الخبطة كانت جامدة، ادعوا أن ميدخلش في غيبوبة.