رواية عشق جنوني الفصل التاسع 9 - بقلم سارة محمد

أسر: امسحي الروج. ساره: لا. أسر قرب منها وطلع منديل وبدأ يمسح الروج وهو بيتأملها. وبعدين خلص وقال: أسر: انتي بتكوني حلوه من غير مكياج. لو عاوزه حطي في البيت لكن بره لا. ساره: طب ابعد. أسر بعد. وبعدين طلعوا من البيت. وساره كانت هتركب ورا. أسر: هوب هوب، راحه فين؟ ساره: هركب. أسر: هو حد قالك إني سواق أبوكي؟ ساره: أيوا، أعمل إيه يعني؟ أسر: اتفضلي اترزعي جنبي. ساره بضيق: أووووف. وركبوا ومشوا.

دخلوا مول كبير وراحوا محل دهب. أسر: اختاري اللي انتي عاوزاه. ساره: احم، كنت عاوزه أقولك أنا... أنا عندي حساسية من الدهب. أسر: أها. وأخدها وطلعوا وراحوا محل ملابس. أسر: طب يلا اختاري أي فستان. ساره عجبها فستان وجريت عليه. كان عباره عن فستان أسود طويل ولكن ضهره مكشوف وكمان من عند منطقة الصدر. أسر: بتعملي إيه؟ ساره: دا عجبني. أسر: لا طبعًا، مكشوف. ساره بنفاذ صبر: خلاص اختار انت.

أسر اختار لها فستان نبيتي طويل وله أكمام بس مش طويلة أوي. أسر: إيه رأيك في دا؟ ساره: حلو أوي. وراحوا دفعوا ومشوا. أسر وصلها وقال: أسر: أنا رايح مشوار، ادخلي انت عند جنى ويوسف. جنى: تفتكر هيتجوزوا عن حب؟ يوسف: أنا عارف إن هما معجبين ببعض وبيحبوا بعض بس مش راضيين يقولوا. جنى: طب لازم نخليهم يقولوا. يوسف: بعد كتب الكتاب.

عند أسر، راح أسر محل ماس واشترى لساره طقم ماس وكان تحفه ورقيق كدا. وراح محل الملابس واشترى الفستان اللي كان عاجبها. وخلص وراح قعد علا شط البحر شوية. أسر في نفسه: أنا لي بعمل كل دا؟ لي هيا شاغلاني كدا؟ معقول أكون حبيتها؟ لا لا، كلها أوهام. ورجع البيت وطلع على أوضة ساره. أسر: خدي دول. ساره: إيه دول؟ أسر: افتحيهم. ساره فتحتهم وشافت الفستان وطقم الألماظ وكانت طايرة من الفرحة. وبتلقائية حضنته. ساره: شكرا، شكرا.

أسر ومن جواه مبسوط أوي: عجبوكي أوي كدا؟ ساره بعدت عنه: احم، آسفه بس دي أول مرة من أربع سنين من وقت وفاة ماما وبابا. أسر: آه، ربنا يرحمهم. ساره: يعني ممكن ألبس دا عادي؟ أسر: لا، دا يتلبس وانتي في الأوضة بتاعتك. ساره: طيب. أسر: هاتي هدومك علشان تحطيها في أوضتي ولكي هدوم كمان علشان هنسافر. ساره: أوضتك لي؟ وهنروح فين؟

أسر: أولًا، انتي هتكوني مراتي، فـ أكيد هتنامي في أوضتي. ثانيًا، شهر عسل أو هنقول كدا قدام الناس، انتي بردو هتكوني مرات أسر الخطيب. ساره: مغرور. أسر: بتقولي حاجة؟ ساره: لا ولا حاجة. وأسر طلع وعدى اليوم عادي وجيه وقت كتب الكتاب. ساره كانت ملكة بفستانها ونزلت. المأذون: أين وكيل العروس؟ يوسف: أنا. ساره بصتله وابتسمت وبعيون فيها دموع. وخلصوا والمأذون قال جملته: بارك الله لكما وبارك عليكما وجمع بينكما في خير. والكل مشي.

يوسف: ها يا عرسان، شهر العسل فين؟ أسر: لندن. جنى: هتسافروا إمتى؟ أسر: هنتحرك كمان ساعة. ساره طلعت غيرت فستانها ونزلت.