رواية عشق جنوني الفصل العاشر 10 - بقلم سارة محمد

سارة غيرت فستانها ونزلت لقت عمها تحت. سارة: انت. عاصم: وليكي عين تتكلمي. راح ناحيتها. سارة: انت اللي المفروض متتكلمش، دا انت بجح أوي. عاصم لسه هيمد إيده ويضربها، لبس أسر وقف قدامه ومسك إيده بعنف. أسر: لو فكرت تلمسها، اعتبر إنك بتدفن قبرك بإيدك. عاصم: ملكش دعوة، دي بنت أخويا وعاوزة تتربى.

أسر: بنت أخوك اللي رميتها في الشارع، بنت أخوك اللي بدل ما تاخدها في حضنك ترميها لكلاب السكك. وتحرمها من ورثها اللي هو.. من أبوها واللي أنت قتلت.... وبعدين افتكر إن سارة واقفة ومكملش. عاصم: وانت مين إن شاء الله علشان تدافع عنها؟ أسر: أنا جوزها، وهي بقت مدام أسر الخطابي. عاصم: مراتك؟ أسر: أيوه، واتفضل برا. أه وابنك الهربان هلاقيه. عاصم: ماشي، بس والله ما هسكت.

عاصم خرج. وسارة كل ده يوسف واخدها في حضنه بيحاول يهديها. وأسر راح ناحيتها. أسر: خلاص، أهدي. مش هيقدر يقرب منك. جنى: أهدي يا سارة، ويلا هتتأخروا على الطيارة. أسر وسارة مشيوا، ويوسف وجنى كانوا بيوصلوهم. ووصلوا المطار. ويوسف وجنى مشيوا، وأسر دخل يخلص الإجراءات علشان يطلعوا على الطيارة. *** عند جنى ويوسف. جنى: يوسف وديني على البيت بقى. يوسف: لي؟ جنى: سارة سافرت، هرجع معاك ليه؟ يوسف: آه، طب قولي العنوان. جنى: العنوان...

يوسف وصلها، وقبل ما تنزل. يوسف: جنى. جنى: نعم. يوسف: هاتي رقمك، يعني نبقى نطمن على بعض. جنى: آه، نطمن. طيب، خد. وادته رقمها وطلعت. ويوسف مشي. *** عند أسر وسارة. أسر: يلا. سارة: إيه، إيه. أسر: مالك؟ سارة: لا مفيش. وطلعوا الطيارة. وأول ما طارت سارة مسكت في أسر جامد. أسر: يا بنتي مالك، هو أنا هطير؟ سارة: عندي فوبيا المرتفعات. أسر: ومقولتيش؟ وقبل ما نطلع، سارة: أنا خايفة. أسر: أهدي. واحوط إيده على كتفها وأخدها في حضنه.

سارة: بتعمل إيه؟ أسر: ملكيش دعوة. سارة فضلت في حضنه لحد ما نامت. ووصلوا ونزلوا من الطيارة وطلعوا الفندق. سارة: هو إنت ليه حجزت أوضة واحدة؟ كنت أحجز اتنين. أسر: مينفعش، ومتخافيش. ده جناح وفيه أوضتين. سارة: آه. بعد إذنك. سارة أخدت الشنطة ودخلت غيرت هدومها. لبست برمودا سودا وتيشرت أحمر ورفعت شعرها كحكة عشوائية. وطلعت لأسر. أسر فضل متنح شوية، وبعدين قال: أنا طلبت أكل. سارة: تمام.

والأكل جه وأكلوا. وبعدين أسر قعد وفتح اللاب توب، وسارة شغلت التي في. ومر الوقت وهما بنفس الحال. وأسر خلص شغل وراح جنب سارة. أسر: هاتي فيلم تاني. سارة: خد هات. أسر: إيه الاحترام ده. سارة بصتله بضيق. أسر جاب فيلم رعب، وسارة مرعوبة بس مش مبينة. وبعد ما خلص الفيلم دخلوا كل واحد علشان ينام. بس سارة كانت خايفة تدخل الأوضة أصلاً، وفضلت في الريسبشن. أسر: مش هتنامي؟ سارة: لا. أسر حس إنها خايفة، وبعدين أخدها. سارة: في إيه؟

أسر: تعالي نامي. سارة: لا مش عاوزة. أسر: عارف إنك خايفة. نامي على السرير وأنا هنام على الكنبة. وبالفعل ناموا. وسارة صحيت الصبح وقامت نزلت. وأسر صحي ملقاهاش، فضل يدور عليها لحد ما لاقاها في...