رواية عشق جنوني الفصل الثامن عشر 18 - بقلم سارة محمد

بعد ما أخيراً أقنعوا سارة إنهم يرجعوا البيت، رجعوا ولقوا عاصم ومعاه رجالة كتير مسلحين. يوسف: انتوا بتعملوا إيه هنا؟ إزاي تدخلوا هنا أصلاً؟ عاصم: متخافش يا حلو، أنا هريحك. إياد: عمي، هو في إيه؟ عاصم: جيتلي برجلك يا إياد، إنت مفكر إني هسيبك بعد اللي عملتوه إنت ومراد وأسر؟ أنا هسيبكم. سارة: عملوا إيه؟ لو سمحت اطلع برا.

عاصم: مش بالساهل دي يا بنت أخويا. وشاور للرجالة، ومسكوا يوسف وسارة وخدوهم برا. واحد منهم مسك إياد وجنى وخرج. عاصم وقبل ما يخرج قال: تخلص منهم وتخفيهم في أي مكان. الراجل وجه مسدس نحو إياد وجنى وقال: تحبوا أبدأ بمين فيكم؟ إياد: نبدأ بيك يا روح أمك. ولّوا دراعه وأخد منه المسدس وضربوا في رجله. وفي ثانية كان بقية الرجالة على الأرض. وبعدين جري على جنى. إياد: إنتي كويسة؟ جنى: أيوه، بس... بس يوسف وسارة.

إياد: متقلقيش، هننقذهم. بس إنتي لازم تختفي. جنى: أنا خايفة. إياد خدها في حضنه، وهي حست قلبها بيدق بسرعة. وبعدين بعدت ووشها كله كان أحمر. إياد: يلا بينا. وخرجوا، ركبوا العربية ووصلوا عند بيت في برج. كان البرج فخم والشقة دورين، دور للنوم ودور للريسبشن والسفرة والمطبخ. جنى: احم، دي شقتك؟ يوسف: آه، بس مش عايش فيها. دي الشقة اللي هتجوز فيها. جنى: آه، آسفة. لخبطتلك دنيتك. إياد: يا ريتك لخبطيها من زمان. جنى: نعم؟

إياد: ولا حاجة. اطلعي غيري هدومك، في هدوم فوق. اختاري الأوضة اللي تعجبك. جنى: أوك. *** شمس: ماما، هفهمك. ثواني ولقيت صفعة قوية على وشها. الأم: بتتجوزي من غير علمي؟ دي تربيتي ليكي؟ مراد بعيون مشتعلة وغضب: إنتي إزاي تمدي إيدك عليها؟ شمس مسكت إيده: اتجوزته علشان بحبه، وهو بيحبني. إنتي كنتي تعبانة ونايمة بسبب العملية، علشان كدا اتجوزنا. الأم: وهو لو كان جه وطلبك كنت هرفض ليه؟ طالما بتحبوا بعض. شمس: اهو اللي حصل يا ماما.

الأم: ماشي يا شمس. اطلعي برا، ومن النهارده أنا مبعرفش بنت اسمها شمس. شمس: يماما. الأم: برا، اطلعوا برا. مراد سحب شمس وطلعوا، وكل ده وهو مستغرب ليه قالت كدا. في العربية. مراد: ليه قولتيها كدا؟ ليه مقولتيش الحقيقة؟ شمس: كنت عايزني أقولها إني اتغصبت عليك لأنك خطفتها وهددتني؟ دي كانت هتروح فيها. مراد: أنا آسف، سامحيني. شمس: متعتذرش يا مراد. ممكن نروح لأني تعبانة. مراد: حاضر. *** عاصم خد سارة ويوسف في مكان مهجور.

عاصم: سيبوهم هنا، وعاوز حراسة مشددة عليهم، فاهم. الراجل: تمام يا باشا. عاصم مشي، والراجل ربط يوسف وسارة وقعد بعيد عنهم. سارة: يوسف، أنا خايفة. وخايفة على أسر وجنى. يوسف: متخافيش، كل حاجة هتكون تمام. سارة: إزاي واثق كدا؟ يوسف: مش وقته. هفهمك بعدين. *** جنى طلعت، وأخدت شاور ولبست بنطلون جينز وتيشرت أسود ورفعت شعرها ديل حصان. إياد: يخربيت جمال أمك. جنى: نعم؟ إياد: احم، ولا حاجة. أنا جبتلك أكل. جنى: شكراً، مليش نفس.

إياد: لا، ليكي. يلا كلي. جنى بدأت تعيط. جنى: أنا قلقانة على سارة ويوسف. إياد قام من مكانه وراح واخدها في حضنه، وهي كالمغيبة حضنته. إياد: كله تمام، هما كويسين. متخافيش. جنى: .......... بعدها عن حضنه، ولكن كان وشه قريب من وشها، وكان لسه هيبوسها، ولكن تليفونه رن وكان...