رواية عشق لصعيدي الفصل الثامن والعشرون 28 - بقلم كيان كاتبه

جبل باس ايد امه بحنيه: وعد حامل يا أمي. جبل بضيق: مش أم المدام. عارفه يبقى لزمتها إيه تقول لأمك؟ لما أم مراتك تعرف قبلي يبقى إيه لزمتها؟ فتح بص لوعد باستغراب. وعد: أنا مقلتش إني حامل. أنا قلت لها إني شاكة، ولما اتأكدت قلت لجبل وهو جه قالهالك، ولسه هنزل أقول لأمي. جبل اتنهد: خلاص يا أمي، بتبوظيلي فرحتي يعني. أم جبل: يا حبيبي، هو في أم برضو تكره لابنه الفرحة وتكره يكون عندها حفيد؟

أنا بس اتضايقت لما سمعت أم وعد بتكلم أختها وبتقول لها البنت حامل. جبل باس إيدها: أنتي على راسنا يا ست الكل. هنزل أقول لعمي. أم جبل: طيب يا حبيبي. جبل مسك إيد وعد ونزلوا. أم جبل بحقد: لازم يبقى تحت طوعي بدل ما تاخد المفعوصة دي تحت جناحه. خالد بفرحه: آآآخ يا ابن الـ***. عملتها، هتخليني جد. جبل بضحك: عشان تعرف إنك عجزت. خالد: لا، أنا وإنت هنخلف سوا، متخافش. جبل: ما جدي وأبويا كانوا بيخلفوا سوا.

خالد: أيوه، وجيت أنا يا خوي. أم وعد طلعت من المطبخ بتزغرط بفرحة. جوه تقى حضنتها بفرحة: مش مصدقة، أقسم بالله حامل بجد. وعد بخجل: أيوه والله. تقى بضحك: وهبقى مرات جدو. وعد ضحكت: أيوه. خالد نده على وعد وهي طلعت شابكة إيديها في بعض ومنزلة وشها بخجل. خالد باس راسها بحب: مبروك يا حبيبتي، ربنا يتمم لكم على خير ويفرح بولادكم. وعد: ربنا يخليك لينا يا عمي.

خالد: من النهارده مفيش شغل ولا تتعبي نفسك لحد ما تقومي بسلامة إن شاء الله. وعد: حاضر يا عمي. خالد: يلا خدي جوزك وروحوا ارتاحوا، مفيش شغل النهارده. أم وعد: أيوه يا حبيبي، خد مراتك وطلع. جبل خدها وطلع فوق. زياد من المطبخ: أحط الصحون فين يا ريهام؟ ريهام في الحوش بتتضف مكان أكلهم: حطهم في الحوض. زياد: أغسلهم. ريهام: لا، حطهم بس، أنا هغسلهم بكرة. زياد حطهم وعمل كاكاو بلبن لريهام وله شاي وطلع بيهم. زياد: هنقعد هنا ولا جوه؟

كمل بغمز... ما تيجي جوه. ريهام: لا، هنقعد هنا، في فيلم حلو شغال. زياد قعد على الكنبة وحط المجات على الترابيزة وريهام قعدت جنبه. بعد ما خلصت ريهام ميلت راسها قدامه: بص شعري بقى حلو إزاي. زياد ابتسم وفرد دراعه ليها: تعالي يا ريهام. ريهام اترمت في حضنه. وهو حرك إيده على شعرها: كنت بفكر أبني بيت تاني جنب ده، أو أظبط البيت ده وأعمله دور تاني. ريهام رفعت وشها وبصتله: هتتجوز عليا؟ زياد عض على شفته السفلية

وضربها على خدها بخفة: ردي عدل يا بت. ريهام لفت ليه وقعدت على ركبها على الكنبة اللي قاعدين عليها: أمال هتبني بيت ليه؟ مش عايزها تقعد معايا؟ خايف عليها مني؟ زياد: عشانك يا هبلة، بدل البيت ده. ريهام: ليه يا خوي؟ ماله البيت ده؟ ما زي الفل أهو. زياد حط إيده على خدها: ريهام، إنتي عاجبك البيت ولا بتقولي كده عشان مبنيش؟ ريهام قربت منه وحطت راسها على صدره: والله عجبني. زياد باس راسها بحنية: طيب يا حبيبتي.

كمل بضحك: مش هتيجي ندخل جوه؟ ريهام ضربته على كتفه: مش بتسمع. جبل: طيب يعني هما قالوا لك اطلعي ترتاحي، قمتي عايزة تغسلي؟ وعد: طيب مفيش هدوم تتلبس، كل الهدوم وسخة. جبل اتنهد: طيب هتعملي إيه وأنا أعمهولك؟ وعد: مش تعبانة والله، أنا كويسة. جبل: يلا بس قوليلي هتعملي إيه لأول. وعد: جمع الهدوم البيضة حطها لوحدها. جبل بدأ غسيل: أعمل إيه تاني؟ وعد: استنى شوية وهطلعهم تعصرهم، وبعدين تشطف وتعصر، وأنا هطلع أنشرهم. بعد مرور شهر.

خالد دخل البيت بليل، لقي وعد بتلعب مع يزيد. قرب منه وباس راس يزيد. خالد: إيه اللي مصحيك لحد دلوقتي؟ وعد ضحكت: مستنية جبل، بعت يجيب لي بطيخ. خالد: اتوحمي على حاجة عدلة طيب. وعد: اللي جه بقى. خالد: تعالي يا زوز ننام. وعد: لا، خليه، هينام معايا. خالد: هيتعبك. وعد: لا، ما الزوز كبر وبقى عنده أربع سنين وهيبطل عياط. اطلع بس إنت ومتشلش هم. خالد ميل باسه: خدي بالك منه. وطلعي استني جبل فوق أحسن.

جبل دخل أوضته. لقي تقى. قلع هدومه ولبس هدوم مريحة أكتر وقعد وهو بيرجع راسه لورا وغمض عينيه. فتح لما حس بخطواتها الرقيقة، لقيها طالعة عليه وهي لابسة قميص أبيض ومنزلة وشها في الأرض بخجل. خالد حس إنها بتحاول تداري ضهره والحرق اللي فيه. خالد رفع حاجبه وحط رجل على رجل: مش عاجبني. وريني الدولاب فيه إيه. تقى رفعت عيونها: ليه؟ ما هو حلو. خالد: وأنا قلت مش عاجبني. إنتي لابسة ليكي ولا ليا؟

تقى قربت من الدولاب وفضلت توريه في القمصان لحد ما اختار واحد ضهره عاري خالص. تقى: لا ونبي يا خالد، أي حاجة إلا ده. خالد: وأنا قلت ده. تقى بضيق: ماشي. تقى دخلت تغير وطلعت. خالد شاور لها تقعد جنبه. تقى مشيت بخجل وقعدت جنبه وهو زحلها شعرها ورا ودنها وقرب منها، با**سها على مناخيرها وخدها وشفا**فها. خالد نزل على كتفها وخصوصا الحرق اللي بتحاول تدريه منه، كأنه بيقول لها قابلك بكل حاجة. وووو....