رواية عشق من نار الفصل العاشر 10 - بقلم كيان كاتبة

قالت بهستيريا وهي تمسكه وتبص وراها: هيقتلني هيقتلني. مراد وهو بيحاول يهديها: اهدي مين ده اللي هيقتلك. بصت له الست وقالت بخوف: هو. ملحقتش تكمل كلامها من الصدمة وقالت بدموع ودوخة: أمجد!!!!!!! لحقها مراد قبل ما تقع على الأرض. قال بصوت عالي وهو بيشيلها: دكتور. في فيلا النصر بالتحديد في أوضة فهد. قال بجدية وهو شايفها ماشية: انتي شغالة إيه يا لين. لين بسخرية: خايف على نفسك مني.

وقف وراها وقال بهدوء: قولتلك عمري ما هخاف منك. قالت لين بغصة وثبات: واحدة عاشت عشرين سنة في الشارع تفتكر هتكون بتشتغل إيه. أغمض فهد عينه بألم من نبرة صوتها. أكملت كلامها وقالت بحرقة وصوت ضعيف: علشان ناس تانية خدت حقها وعاشت فيه. أكملت كلامها وهي تلف له بعيون حمراء: بس متقلقش هدفعكم التمن غالي أوي. كانت ماشية. مسك فهد إيدها بسرعة وقال بعيون دامعة وهو حاطط إيده على خدها: مش هما مش هما السبب أنا دورت مطلعوش هما. لين

بضحكة سخرية ودموعها بتنزل: علشان أنت مش عايزهم يكونوا هما السبب. فهد وهو بيبعد عنها بعصبية: لا أنتِ اللي مش عايزة تصدقي. كانت ماشية لين وهي غير مهتمة بكلامه. وقفت لما قال بجدية: في كل حتة هلاقيني حوليهم مش هخلي أي حاجة تحصل لهم. بصت له لين بطرف عينها من غير ما تلف له وقالت: يبقى أنت اللي جبته لنفسك. عند البوص كان عمال يكسر في كل حاجة حواليه. قال: يعني إيه هربت. واحد من رجّالته

بخوف: والله يا بوص هي كانت في الأوضة دخلنا ملقيناهاش. البوص وهو يمسكه من هدومه بغضب: مفيش حاجة اسمها ملقيناهاش. أكمل كلامه وهو بيدفعه بعيد عنه: روحوا دوروا عليها عايزها قدام يلا غوروا. قعد البوص على أقرب كرسي قابله وقال بعيون حمراء من الغضب: لازم ألاقيها دي هي الورقة اللي بتخليني أتحكم فيها. في فيلا النصر وبالتحديد في أوضة ماهر. كان قاعد شارد. لحظت ماجدة شروده. قالت باستغراب: مالك يا ماهر.

ماهر بتنهيدة وخوف: خايف اللي حصل من عشرين سنة ينفتح تاني.