رواية عشق من نار الفصل التاسع 9 - بقلم كيان كاتبة

كان واحد من رجّالته واقف بخوف: يا بوص، لازم الست دي تروح المستشفى، لما هتموت. البوص ببرود: هاتها لدكتور هنا. رد واحد عليه: يا بوص، ما إحنا جبنالها بدل الواحد تلاتة، وكلهم بيقولوا نفس الكلام، لازم تروح المستشفى. البوص، هو بنفس دخان سيجارته ببرود: تمام، خدوه على المستشفى. وأكمل كلامه بتهديد: بس لو حصل أي حاجة، أنا مش هرحم حد فيكم. في فيلا النصر، كانت ليان ساند مراد، اللي كان هيوقع من طوله. قالت ببعض القلق: إنت كويس؟

مراد، وهو حاسس بدوخة ورأسه تقيلة: آه، أنا تمام، بس خلي حد من الخدم يعملي قهوة. ليان بهدوء: حاضر. وبصت على لين باستغراب، اللي كانت واقفة على السلم وعلى وشها علامة انتصار. في أوضة فهد، كان قاعد على السرير وحاطط إيده على الجرح. سمع صوت خبط على الباب. قال بهدوء: ادخل. دخلت لين بخطوات ثابتة. قال فهد، وهو باين عليه التعب: غريبة، لما كنت معرفش إنتي مين، دخلتي من غير ما تخبطي. ولما عرفت إنتي مين، بقيتي تخبطي. لين بثبات:

كل حاجة بتتغير مع المواقف. أكملت كلامها بهدوء: فين علبة الإسعافات؟ فهد بتعب واضح عليه: عندك على التسريحة. هو إنتي صحيح دكتورة، ولا دي تمثيلية هي كمان؟ لين، وهي تقرب منه وتساعده عشان يقلع التيشيرت: هيفرق معاك؟ فهد، وهو بيغمض عينه وبيشم ريحتها اللي جننته، قال بتوهان: مش هيفرق. إنتي أحسن من أي دكتورة. لين بخبث، وهي بتغير على الجرح: للأسف مفيش مخدر، فهيوجعك شوية. فهد، وهو بيلمح المخدر في العلبة، قال بهدوء

وهو بينام على السرير: إنتي لوحدك مخدر بالنسبالي. ابتدت لين تغير الجرح لفهد، ومن وقت للتاني كانت بتتغط على الجرح عشان يحس بالألم، بس فهد كان ثابت ومتحركش من مكانه. أما في المستشفى، كان رجالة البوص بيدوروا على الست ومش لاقيينها. قال واحد من الرجالة: لو البوص عرف، هنقع في مصيبة. لازم نلاقيها. مراد كان ماشي في المستشفى باصص في التليفون. خبطت فيه ست في أواخر الأربعين، قالت بهستيريا وهي بتمسك فيه: هيقتلني، هيقتلني.

عن فهد، كان بيلبس التيشيرت بصعوبة تحت أنظار لين الجامدة. قال بجدية وهو شايفها ماشية: إنتي شغالة إيه يا لين؟