رواية عشق من نار الفصل الثاني 2 - بقلم كيان كاتبة

أبوه بضياع وهو يبص عليها: انتي السبب. ربنا بيخلص اللي انتي عملتيه زمان في ابني. لم تلحق ترد عليه علشان شافت مراد جاي من بعيد، جريت عليه بدموع: الحقني يا مراد، أخوك بيموت. مراد وهو بيخدها في حضنه بحنان: اهدي يا ست الكل علشان صحتك. إن شاء الله هيبقى كويس. نظر إلى أبوه ماهر، الذي كان واقف ضايع بعد أمه ماجدة عنه، بهدوء وقرب ناحية ماهر وأخذه بالحضن: هيبقى كويس، متخافش. ماهر وهو يبادله الحضن بشدة: مش عاوز أخسر حد فيكم.

نظرت إليه ماجدة بعيون حمراء وهي فاهمة قصده. في ممر المستشفى، كانت لين ماشية وهي شبه تايهة. خبطت في مراد بس مبصتش عليه وكملت مشي. نظر مراد عليها من طريقة لبسها، كانت لابسة ترنج أسود وكاب أسود وكمامة سوداء. مهتمش مراد ومشي بسرعة ناحية الحسابات. كانت ليان، أخت لين: هناك واقفة بتتكلم مع الممرضة، يعني كده أنا هطلع إمتى؟ الممرضة: لسه بعد يومين. ليان: واليومين دول هيتكلفوا قد إيه؟

الممرضة: انتي شايلة هم الفلوس، بس أحب أطمنك. الفلوس اندفعت. ليان باستغراب: ومين اللي دفعهم؟ الممرضة: البنت اللي كانت عندك دفعت تكاليف العلاج ومصاريف المستشفى، دفعت خمسين ألف. نزلت دمعة من ليان لما عرفت إن أختها هي اللي دفعت الفلوس. الممرضة: هو انتي ملكيش أخ ولا أب يسأل عليكي؟ ليان بدموع: لا، مليش غير لين أختي. كان مراد واقف جنبها بيدفع الحساب وكان مركز فيهم كلهم. بعدين شاف الدكتور بتاع فهد،

جري عليه قال بقلق: طمني يا دكتور، فهد عامل إيه؟ الدكتور بهدوء: فهد كويس، بس محتاج يقعد تحت الملاحظة لمدة يوم. عند البوص، كان قاعد بيبص في ساعته. بص قدامه لما سمع خطوات حد جاي عليه. البوص بابتسامة مستفزة: اتأخرتي كده ليه يا مزة؟ البنت وهي بتحط الشنطة قدامه: كان فيه شوية مشاكل. الفلوس أهي. البوص بعملية: فيه طلعة جديدة. البنت: طلعة إيه؟ (وأكملت بسخرية) مش هتبص على الفلوس؟

البوص بابتسامة: مقدرش أخونك يا جميل. الطلعة الجاية هتبقى على عيلة كاملة اسمها عيلة النصر. البنت بعيون قايدة نار: النصر؟