رواية عشق متملك الفصل العاشر 10 - بقلم دنيا ثروت

كل الطلاب بدأوا يتكلموا إزاي دكتور يكشف حياته الشخصية في محاضرة علمية. محمود بصوت عالي نسبيًا: دكتورة شاهي مراتي والدكتور لباقي المواد ليكوا. أميرة: بس يا دكتور في دكتور رامي ودكتور محمد بيدونا.. محمود: أنا ماليش دعوة، أنا قولت اللي هيتنفذ، أنا رئيس قسمكوا، يبقى اسمعوا الكلام. مليكة ما قدرتش تستحمل واستفرغت في الكيس اللي قدامها. محمود برفع حاجب: حضرتك كويسة يا مليكة هانم؟ مليكة مسكت بطنها بخوف منه،

بلعت ريقها واتكلمت بهدوء: آه كويسة. شاهي: حاسة إني شوفتك قبل كدا صح؟ مليكة بتبص بعينها برعب شديد: م.. مش عارفة ممكن. شاهي: لا لا أنا متأكدة إني شوفتك. شاهي سكتت ثواني بتبص لها: آه آه شكلك شبه واحدة أعرفها، معلش يا روحي. *** بعد مرور ساعتين. زياد: أنا همشي عشان الحج جاي من السفر ماشي. مليكة: ماشي، تبقى طمني. زياد كان لسه هيقرب عليها، حطت إيديها في وشه بتحذير: زياد.

زياد بتذمر: مليكة أنتي مش واخدة بالك إن من أول ما اتخطبنا ما مسكتش إيديكي حتى. مليكة: أنا مرتاحة كدا. زياد: ماشي يا ستي، أهم حاجة راحتك، يلا أنا همشي. مليكة طبعًا فوق السكشن، ما كناش لسه حد جه، قعدت سندت دماغها على المكتب بتعب وراحت في النوم، بعد نص ساعة كان كل الطلاب جم وهي لسه نايمة. دخلت شاهي السكشن، اتعصبت أول ما شافتها، اتكلمت بصوت عالي وغضب شديد: أنتي يا هانم، أنتي يا هااانم. مليكة اتفزعت من النوم: إي إي!

شاهي: أنتي جاية تنامي حضرتك ولا إي؟ مليكة سكتت. شاهي بزعيق: هو أنا مش بكلمك يا أستاذة؟ مليكة: أنا بعتذر. شاهي: لا لا، بعتذر دي عندك العميد يا سكر، يلا انزلي له حالًا. *** زياد بضحك: بس أنت يا حج غيبت أوي. إبراهيم: يا ابني هو أنا ليا غيركوا، ما أنا بتأخر عشانكوا برضه. بتتبعت له رسالة: (اتجوزها يا أخويا واعرف إنها مش بنت بنوت وكانت نايمة مع دكتورها) !!!!!!!!