رواية عشق متملك الفصل الرابع عشر 14 - بقلم دنيا ثروت

مليكة بترجع لورا وإيديها كلها دم: ان، أنا أنا محم... محمود محمود بيمسك بطنه بشدة عشان الدم ما ينزلش أكتر. بيقرب عليها وهو يتمايل: لي... لي يا مليكة! مليكة زقته على السرير وجريت برا الأوضة، فتحت الباب وفضلت تجري في الشارع وهي بتبص وراها ونفسها بيقل. بتقف في نص الشارع وتمسك بطنها: هنعمل إيه؟ هنروح فين؟ بعد ثواني حست بوجع شديد: آه آآه بطني، ابني فيه إيه؟ أنت كنت كويس والله كنت كويس. بتقع على

الأرض وهي بتصرخ من الوجع: آآه يا بطني آآه. بتغمض عينها باستسلام بعد ما شافت الدم. بيقرب عليها ويشيلها بين دراعه بصعوبة. بعد مرور ساعتين. محمود: اخلص واعمل اللي عليك. الدكتور: يا دكتور حضرتك عارف إن الموضوع ده مستحيل يحصل من غير مخدر، أنت هتتوجع. محمود بزعيق: اخلصصصص وشوف زفت الطين شغلك. وكمل في سره: مفيش حاجة هتوجعني بعد اللي عملته. بعد ساعة الدكتور خلص الجراحة ومحمود كان ثابت تمامًا. محمود: هي هتفوق إمتى؟

الدكتور: صدقني ما اعرفش، بس فقدان الجنين أثر عليها. محمود بصدمة: جنين إيه؟ مش أنت علقت لها محاليل وخلصنا؟ الدكتور: المريضة لسه فاقدة الجنين وده كان أثره إنها يغمى عليها. محمود بنظرة ما تبشرش: يعني بنت الكلب اللي جوه دي كانت حامل في ابني ولسه مسقطاها؟ الدكتور بيوطي راسه بهدوء: للأسف آه. محمود خنقه على الحيطة: بالله لو ما مشيت من قدامي هكون مموتك. إبراهيم بيبلع ريقه وهو بيفتكر. فلاش باااااك. ترن ترن ترنننن.

محمود: اسمع اللي هقوله لك بالحرف الواحد وتنفذه. إبراهيم: أنت مين وعايز إيه؟ محمود: بقولك إيه ما عنديش وقت كتير، هتيجي أم مليكة تقولوا لها مليكة وزياد رايحين يشوفوا قاعة للفرح. إبراهيم: فرح إيه وزفت إيه ما إحنا بعدنا عنكم خلاص بقى. محمود: وتيجي الساعة 12 تتصلوا بيها تقولوا لها اتخطفت، ولو كل ده ما حصلش جثة ابنك هتلاقيها قدام بيتك بكرة يا باشا. وقفل في وشه ما استناش رده. باااااك. مليكة بتفوق وهي ماسكة بطنها: ابني...

ابني... ابنيييي! محمود: أنت كنت عايزة تربي ابني في حضن راجل تاني يا زبالة؟ مليكة: أنت بتقول إيه؟ محمود: ابني اللي كنت مفهماني إنه مات هو دلوقتي مات يا حقيرة. مليكة: وإيه اللي عرفك إنه كان ابنك يا محمود... !!!!!