رواية عشق متملك الفصل الثالث عشر 13 - بقلم دنيا ثروت

مش هرضى بيك بالحلال يا محمود. محمود بضحك وخبث شديد: حلو، يعني حابَّة السر والشقة وإن ما حدش يعرف؟ مليكة: أنا مش عايزاك يا محمود، مش عايزاك، افهم بقى! محمود: وأنا عايزك، إيه رأيك بقى يا كوكو؟ مليكة: أنا قلت مش عايزاك. ولسه جاية تقوم، مسكها من إيديها بشدة: رايحة فين يا مراتي؟ مليكة: سيب إيدي خليني أمشي. محمود بيشد على إيديها أكثر: مش إيدك دي اللي استجرأ راجل تاني يلمسها؟ مليكة: أنا مش ليك ولا هبقى ليك، افهم بقى!

محمود بيزقها على السرير: أنتِ ليا يا مليكة، كلك على بعضك ملكي وبتاعتي أنا وبس. مليكة رجعت لورا بعياط شديد: أبوس إيديك خليني أمشي، أبوس إيديك أمي أكيد بتدور عليا. محمود: أمك هتشكرني لما تعرف إني أنقذتك من واحد زبالة زيه. مليكة: مشيني من هنا يا محمود كفاية، أنا مش عايزاك ولا معاك. محمود: ههههه، وهتعملي إيه في ليلة دخلتكم لما يكتشف إنك مش بنت بنوت؟ مليكة: ما يخصكش، ابعد عن حياتي بقى، كفاية اللي عملته فيا.

محمود بزعيق وغضب: عملت فيكِ إيه ها؟ عملت إيه؟ كل ده عشان عرفتِ إني كنت متجوز؟ مليكة بصريخ هستيري: لا لا لاااا، أنت مجنون، مجنون، مريض نفسي، أنا ما كنتش أعرف إن حبك كده. قربت عليه وعيونها دموع: أبوس إيديك طلقني وريحني منك ومن قرفك. محمود اكتفى بنظرة عتاب ليها وخرج من الأوضة قفل عليها الباب. 💫💫💫💫💫💫💫💫💫💫💫💫💫💫💫💫💫💫💫💫 نسرين فضلت تخبط على الباب بشدة: افتحوا الباب، افتحوا! سماح بتفتح بخوف. نسرين: فين بنتي؟

وديتوا بنتي فين يا سماح؟ فين بنتيييي؟ إبراهيم خرج من الأوضة: نسرين هانم اهدي، بنتك بخير. نسرين بعياط وشحطافة: وديتوا بنتي فين؟ وديتوا مليكة فين؟ دي من ريحة أبوها، فين بنتييييييي؟ إبراهيم: يا نسرين هانم اهدي، بنتك مع زياد راحوا يشوفوا قاعة الفرح. سماح بتبص عليه بصدمة من اللي بيقوله. نسرين بتعجب: قصدكم إيه؟ قاعة إيه وزفت إيه؟ بنتي فين؟ اتبعتت رسالة

على فون نسرين من مليكة: ماما حبيبتي أنا روحت مع زياد نختار القاعة وهاجي ليكي بليل إن شاء الله. إبراهيم بيبلع ريقه وبيرجع لورا. مليكة بتخبط على الباب بشدة: افتح الباب، افتح يا محمود عشان خاطري. محمود: مش هفتح لحد ما تعقلي. مليكة: عشان خاطر اللي في بطني افتح. محمود لثواني انصدم اللي بتقوله، فتح الباب بسرعة، مليكة في ثانية بتطعنه بالسكينة.......