رواية عشق متملك الفصل السادس عشر 16 - بقلم دنيا ثروت

ضعفتي وعريتي، إيه المقابل؟ اخلصي. مليكه بتقرب عليها الملاية: أنا مراتك يا محمود، مراتك! أنت إيه اللي بتخرف فيه ده؟ محمود: اظبطي كلامك معايا، أنتِ إياكِ ثم إياكِ تفتكري إن أنتِ مراتي، كل حاجة بينا انتهت. مليكه: إيه! محمود: أنتِ طالق يا مليكه، خدي هدومك واطلعي برا. مليكه: لا لا، أنت اللي بتقوله أكيد غلط، أنت أكيد مش مستوعب اللي بتقوله، لا لا. محمود: لا يا روح أمك، مستوعب أوي كمان، تخلصي لمي هدومك واطلعي برا يلا.

مليكه لبست هدومها بسرعة بعياط وهو خرج برا بعد ما بصلها بقرف. بعد ساعتين مليكه وقفت قدامه وكل حاجة فيها مكسورة: والله لأتندم على كل ده. محمود: يلا اطلعي برا أحسن لك، يلا. مليكه خرجت من البيت وكان في عز النهار، كانت ماشية في الشارع وهي مش شايفة قدامها، مش عارفة تروح فين ولا تيجي منين، حست إن روحها طلعت في ثانية. وصلت بيتها ومش عارفة هتقابل أمها إزاي. خبطت مرة اتنين. نسرين فتحتلها بعياط وصويت: بنتي، بنتي حبيبتي.

مليكه اتفاجئت منها، حضنتها بعياط هي كمان: ماما ونبي ما تسيبيني، آسفة يا ماما، آسفة. نسرين دخلتها البيت وهي بتحضنها كتير: أنا اللي آسفة إني سيبتك، والله آسفة. شاهي: حضرتك، أنا اللي بقوله حقيقة. هشام عميد الكلية: أنتِ إيه اللي بتقوليه ده؟ دكتور محمود جوزك يا شاهي هانم؟ شاهي: أنا هطلق منه قريب، بس حرام ده عمال يضحك على طالبة ورا طالبة، لو مش خايف عليهم خاف على سمعة الجامعة.

هشام: أنتِ عارفة إن جامعتنا خاصة واللي بتقوليه ده هيكون ضرر علينا. شاهي: لو حضرتك مش مصدقني اسأله، أهو شوية ويجي المكتب وتسأله. هشام: طيب تمشي على مكتبك دلوقتي. جابر: أنا زهقت منك ومن قرفك. إيمان: ما هو طبعًا بعد كل اللي بعمله ده جزاتي. جابر: جزاء إيه؟ أوعي تكوني مصدقة إنك بتموني في محمود. قرب عليها وعينه كلها حقد: محمود لو عرف الحقيقة مش هيرحمك. إيمان: ولو عرف حقيقتك عمره ما هيرحمك.

جابر: على الأقل أنا قتلت أبوه، لكن أنتِ إيه؟ قتلت أمه وهي حامل في أخته... مليكه مسكت أيديها وهي بتبص في عيونها بعياط: ماما أنا لازم أقولك الحقيقة. نسرين: قولي يا مليكه، قولي يا حبيبتي. مليكه: أنا كنت متجوزة محمود وكنت حامل منه. نسرين بعدت عنها بصدمة: أنتِ إيه اللي بتقوليه ده؟ مليكه: ماما أبوس أيديكي سامحيني، أبوس أيديكي. نسرين: يعني إيه كنتي متجوزة يا مليكه؟ مليكه: لسه مطلقني الصبح. نسرين: يبقى تتجوزي بعد العدة.

مليكه: أتجوز مين؟