رواية عشق متملك الفصل السابع عشر 17 - بقلم دنيا ثروت

صاحب أبوكي يا مليكة؟ هو في غيره؟ مليكة: أنتي عايزة تبيعيني لراجل قد أبويا يا ماما؟ نسرين تمسكها من شعرها: هو أنتي شايفة إنك بنت بنوت عشان أديكي لشاب ويفضحنا في نص المنطقة؟ مليكة: آه آه يا ماما بتوجعيني. نسرين: وأوجعك مليون مرة، أنتي عملتي كارثة وقرف. مليكة: بس أنا ما غلطتش، أنا اتجوزت على سنة الله وما عملتش حاجة حرام ولا وطيت راسك.

نسرين ضربتها بالقلم: اخرسي يا زبالة أنتي كسرتيني، ده أنا عملت كل حاجة عشان أربيكي، الجواز يا هانم بالإشهار. مليكة: أنا وهو ما كناش عايزين حد يعرف، ولا ده كمان بالإجبار؟ 💫💫💫💫💫💫💫💫💫💫💫💫💫💫💫💫💫💫💫 هشام: حضرتك يا دكتور مطلوب للتحقيق. محمود: إزاي يا دكتور هشام؟ وإيه اللي حصل لكل ده؟ أنا عملت إيه؟ هشام: هو كمان حضرتك مش عارف عامل إيه؟ محمود: يا دكتور بعد إذنك فهمني، أكيد في سوء تفاهم، أنا عمري ما عملت حاجة غلط أثناء عملي.

هشام: وإنك تضحك على بنات الناس وتتجوزهم في السر ده كده ما بتضحكش عليهم؟ محمود: قصدكم إيه؟ هشام: قصدي أنت عارفه كويس وبلاش تلف وتدور في كلام ما لوش لازمة، شاهي قالتلي على كل حاجة وقد إيه أنت إنسان حقير وضحكت على بنت ما لهاش ذنب. محمود: هشام بيه أنا ما ضحكتش عليها، كله كان بالحلال. شاهي دخلت عليهم: يا لهوي يا محمود قد إيه أنت بتنسى! يعني الخمسة أو الستة اللي أنت اتجوزتهم من جامعات مختلفة نسيتهم إزاي؟

ده أنت طلعت زبالة يا محمود. محمود كان واقف بصدمة من اللي بتقوله، لأن ما حصلش فعلًا، بس ساعتها عرف إن موقفه ضعيف ومش هيعرف يدافع عن نفسه. 💫💫💫💫💫💫💫💫💫💫💫💫💫💫💫💫💫💫💫💫 إيمان: جابر ما تتحدّاش صبري. جابر: أنتي اللي ما تتحدّيش صبري، أنا كتبت اسم الزفت ده على اسمي عشان آخد الفلوس. إيمان بتقرب عليه وتبص في عينه: عايز فلوس إيه يا جابر؟ مش كفاية اللي أخده؟ جابر: إيه اللي أخده يعني؟

حتة أرض شوية بيوت، أنا عايز أكتر يا إيمان وأنتي عارفة أنا عايز إيه. إيمان: قول عايز إيه قول. جابر: عايز كليته، ولا عايزاني أموت؟ إيمان: عادي روح قوله أنا تعبان يا ابني وفورًا هيديهالك. جابر: على أساس إنك مش عارفة إن الدكتور قال إنها مطابقة بس في احتمال كبير يموت لو إدهالي. إيمان: والمطلوب مني يا جابر؟ جابر: هنخطفه. إيمان: وشاهي والولد ابن ياسر هيعملوا إيه؟

جابر: أنا آخد كليتي ويمضي على تنازل وكده كلنا كسبنا، ها إيه رأيك؟ 💫💫💫💫💫💫💫💫💫💫💫💫💫💫💫💫💫💫💫💫 بتخبط على الباب بشدة لدرجة الباب كان هيتكسر. محمود بيفتح بقرف: إيه اللي جابك هنا تاني؟ = أعملك اللي أنت عاوزه بس خليني حامل يا محمود!