رواية عشق متملك الفصل الثامن عشر 18 - بقلم دنيا ثروت

اعمل اللي أنا عاوزاه بس خليني حامل يا محمود. محمود: للدرجادي؟ مليكه: أمي عايزة تجوزني لواحد قد أبويا، أبوس إيديك ساعدني. محمود: أنتي الموت ليكي أرحم لك. مليكه: محمود ساعدني ومش هتشوف وش تاني. محمود: أنا مش عايز أشوفه أولاني ولا تاني. مليكه نزلت تركع على رجليه: أبوس إيديك يا محمود ما تسيبنيش المرادي، اديني فرصة واحدة بس. محمود بيرفسها برجليه: أنتي عايزة تحملي من واحد أنتي أصلاً مش عايزاه؟

ولا لتكوني عايزة تنامي معايا في الحرام؟ ما هو طبعًا بتحبي الحرام. مليكه: لو أنا ما حملتش أمي هتجوزني لواحد تاني، راجل قد أبويا، مستحيل أكمل حياتي معاه. محمود بيبص لها بقرف: مش أنتي قولتي إن الواد ده مش ابني؟ يلا روحي للي خلاكي تحملي واحملي ده. مليكه ضربته بالقلم وقربت عليه بعناد ودموع شديدة: أنا محدش في الدنيا لمسني غيرك، وكل فعل أنت عملته ليه رد فعل. ومشيت من قدامه، سابته في حيرة من كلامها. 💫💫💫💫💫💫💫💫💫💫💫💫💫💫💫💫💫💫💫💫💫

اليوم التالي إيمان: يا حبيبي ما يصحش يعني تنسينا من غير سؤال. محمود: يا ماما والله عندي حاجات في الجامعة لازم أعملها. إيمان: ما هو برضه ما يصحش، لازم تسأل علينا ده إحنا أهلك. محمود: مش عارف أعمل إيه والله. جابر أخذ السماعة منها: تيجي تطمن علينا يا ابني. ومثل أن بيكح: أحس ما أموت قبل ما تشوفني يا حبيبي. محمود: ألف بعد الشر يا بوي، في أقرب فرصة هأجي لكم. إيمان أخذت

السماعة بتمثيل العياط: كل ما هتسرع كل ما يكون أحسن يا ابني. قفلت معاه عشان تخليه يحس إنه ندمان. في المساء نسرين: ما أنت كنت عايز البت من بدري، مالك مصدوم كدا ليه؟ ربيع: مش مصدوم ولا حاجة بس إيه هتتجوز إمتى؟ نسرين: مش لما أضمن حقها الأول. ربيع: قصدك إيه؟ نسرين: تكتب عمارتك باسمها والعربية وكدا، مهر البت زي الفل. ربيع: أممم، طيب أشوف العروسة. نسرين بصوت عالي: اخرجي يا زفتة.

خرجت مليكه بدموع وعياط قعدت جنبه، ربيع حط إيديه على ركبتها وهو بيتحسس بخبث: مالك يا بت بتعيطي ليه؟ وفجأة إيديه اتشنجت مكانها، بص في عينه وهو مش قادر يتحرك.