رواية عشق متسلسل الفصل الثامن عشر 18 - بقلم دنيا ثروت

آسر يقرب عليها ويملي كوباية مايه، يرميها في وشها بقرف: انتي طالق طالق طاااالق ياشهد. شهد بصدمة: انت ايه اللي بتقوله يا آسر؟ آسر: عايزني أقول إيه؟ انتي فاكرة إني نايم ومش عارف عملتي إيه؟ شهد: عملت إيه؟ آسر: انتي مسبتيش حاجة وعملتيها. انتي أكتر بني آدمة زبالة شفتها في حياتي. شهد: اعرف حدودك واعرف انت بتتكلم مع مين يا آسر. آسر بضحك: هكون بتكلم مع مين يعني؟

مع واحدة عيشت أمي أسوأ أيام حياتها، مع واحدة كانت بتسيب أمي باليوم واليومين من غير أكل ولا حمام. شهد بزعيق: وأنا مجبرة أخدمها لييييه؟ آسر: يا شيخة عمري ماشوفت بقرفك وبجحودك. اطلعي برا البيت، برااا. شهد وهي بتبص لنورا بقرف: اشبع بيها يا آسر. آسر بصوت عالي: استني استني. شهد: ها؟ آسر: مين أبوكي؟ لو صالح مش أبوكي وفتحية مش أمك. شهد: ميخصكيش بحاجة. انت ملكش دعوة بيا وبحياتي بعد كدا. آسر

بيقرب عليها بتحدي شديد: قسماً بالله أنا بشكر ربنا إن مرزقنيش منك بعيل. شهد بصتله بكسرة على ابنها: انت شمتان فيا يا آسر؟ آسر: اللي عملتيه في أمي ربنا جزاكي فيه. ودي مش شماتة، دي رضا. يلا برااا. شهد بصتلهم بقرف ومشيت. *** شريف: أنا عايز أقدم بلاغ. الظابط: اتفضل، اعرف التفاصيل. شريف: على جريمة من 10 سنين. الظابط بضحك: يااه يا حج، انت لسه فاكر؟

شريف: أنا مش قادر أكمل حياتي وأعيش وأنا كدا. مش قادر أشوف أب بيتعذب عشان يشوف بنته. بعد مرور ساعتين. الظابط: اكتب يابني عندك. وبعد استماع الشاهد شريف عطالله، وبكل الأوراق الثابتة للجريمة، سيتم حبس المتهم إبراهيم زغلول أربع أيام على ذمة التحقيق. بعد مرور 3 ساعات تحديداً في القسم. نرمين بتجري ورا إبراهيم: متاخدوش، متاخدوش إبراهيم، لا لا. لمحت كاظم من بعيد،

جريت عليه وهي بتترجاه: أبوس إيديك، سيبوه. أنا مليش غيره في الدنيا. كاظم بيزقها من رجله بعصبية: هو انتي لسه شوفتي حاجة؟ أنا بس ألاقي نورا بنتي، والله مافي حاجة في الدنيا هتوقفني إن أدمرك يا زبالة. وبيمشي ويسيبها. *** في المساء في الفندق. جرس الأوضة بيرن. شادي وهو بيفتح الباب: خلاص جاي يامزتي. كانت نورا واقفة قدام الباب. شادي: إيه بقا؟ معقول مش هتدخلي يعني؟ آسر من وراها: عايزها تدخل وهي على ذمة راجل يا حقير.

شادي بصدمة: انت إيه اللي جابك هنا؟ آسر قرب عليه وضر'به بالبوكس: أنا هعرفك إيه اللي جابني هنا. شادي بعصبية وغضب شديد بعده عنه: هو في إيه؟ انت جايبه ليي؟ آسر: عشان يامن عين أمي. نورا هتبقى مراتي بعد كام ساعة. شادي بضحك: يعني كل ده عايشين في الحرام ومش عايزني أشبع منها شوية في الحرام؟ آسر ضر'به بالقلم بعصبية: نورا أشرف منك ومن اللي خلفوك. شادي بعصبية أكبر: أشرف مني إيييه؟

ده أنا اللي عملتلها قيمة. واحدة زيها مبتخلفش زي البضاعة الخربانة، أنا اللي عملتلها قيمة. آسر: ومين قالك إنها مبتخلفش؟ شادي بعدم استفهام: قصدك إيه؟ آسر: قصدي إنها حامل.... !!!